صلاة خاطى نفسة يتوب
حبيبى يسوع سامحنى يارب أرجوك سامحنى
كل نفس فى بيطلب منك أنك تسامحنى
أنا حاسس يارب أنى متعرى و حاسس ببرودة شديدة أنا عارف أنها برودة الخطية نفسى تاخدنى فى حضنك يارب و تدفينى
أنا مهما يارب كتبت مش هيحس حد معنى الدفئ غير الى حاسس بالبرودة
أنا عارف انك محتملنى كتير بس مش عارف لية مفيش أى حد يستحمل الى أنا بعملو فيك و مع ذلك سايبنى عايش
يارب أنا بحبك قوى كل ما تدينى فرصة بعد الخطية أحبك اكتر مع انى مش بستغل الفرصة لكنى بحس انك عايزنى
يارب أنا الى جوايا مش عارف اكتبة بس كفاية أنك سامعة
أرجوك يارب نفسى فى طلبتين 1- متخدنيش عندك غير لما أكون تايب
2- نفسى يارب أخدمك طول حياتى حتى أخر نفس فيا و حتى بدمى
نفسى يارب أردلك جزء من الى عملتة معاك و أحتمالك ليا
يارب توبنى يا رب فأتوب
حافظ على شعبك
قربنا احنا الخطاة منك علشان نحس بحلاوتك
يارب خلينا فى ايدك و فى حضنك و فى قلبك
و سامحنى يارب ارجوك
