القسم الادبي
رحال وزجال وموال
رحال وزجال وموال
ــــــــــــــــــــــــــــــ
عايز اخدك وأخبيكي فى حضني ..
أدفيكي وأغطيكي برمش عيوني ..
أخطفك في دمي فى قلبي
ولا يمكن لغيري هتكوني ..
عاشقك يا نجمة فى سمايا بتمشي
على قلمي وعلمي وسطوري …
على خدود الورد سهرانة ولا تنامشي
يا عقلي وعمري وجنوني …
وكل ما أقول عن هواكي تايب
قلبي وروحي عليكي يرموني …
وألاقي الشوق والقلب دايب
القمر والشجر عشانك يلوموني …
كل ليلة رحال وزجال وموال
على شعرك على شطك يرسوني …
لو تغيبي وبُعدك عليا طال
تقتلني الحيرة بعدك و تدبحني ظنوني ….
ــــــــــــــــــــــــــــــــــ
شيرين شوقي
2/11/2011
