القسم الادبي
سكه العاشقين
سكه العاشقين
هاتروح لفين مع سكه العاشقين
هاتفضل مكانك ولا تتوه مع التايهين
اصل لازم تكون جنبهم
تنسى حزنك وتبقى فى حزنهم
تمنع دموعك وتبكى لجرحهم
يضيع مكانك وتتمنى قربهم
تسقيهم حنانك وتشرب زلهم
تندهم ومايسمعوش مهما تحتاجلهم
تعيشهم وهما عايشين بس لنفسهم
دى سكه مليانه جرحى وحزانا
مليانه بالاهانه مليانه بالدموع
سكه اللى يمشيها مفهاش رجوع
سكه ولازم تدى متستناش
سكه تمشيها وتعبك ببلاش
سكه مليانه بأنواع الألم
سكه ومش هايفيدك فيها الندم
سكه هاتمشيها لو حتى غصب عنك
هاتمشيها وتحس كأنها حته منك
