القسم الادبي
خطفنى قلبه
اجمل يوم مر عليا
كان يوم عادى زى بقية الايام
نفس الاشخاص بس باختلاف الاحداث
بس النهاردة كان اجمل الاحداث
كان اجمل الايام
حسيت باحساس جميل ماله وصف يحكيه
كان نفسى احسه من زمان
معاه حسيت بالامان
حسيته فى نظرة عينيه
حسيت بالدفا فى لمسة ايديه
حسيت بعمرى فى اجمل ابتسامة ليه
مهما وصفت فى حنيته وقلبه مش هاقدر اوفيه
احساس غريب بحسه فى نظرة عينيه
بس خايفة
ايوة خايفة ليكون ده وهم وسراب
هو انا فين وقلبه فين؟
ده قلبه بعيد عليا اوى
ده يستاهل ملاك من السما
بس هاعمل ايه؟
ده دقة القلب مش بايدينا
همس الروح مش بايدينا
بس خلاص انا هابعد الخوف عنى
وهافكر فى القلب اللى خطفنى
يمكن يحس فى يوم احساسى
يمكن يحس فى يوم بقلبى
