مكتبة القصص والتأملات الروحية
جواب لبابا يسوع
:36_1_41:
ولد صغير و مامته عيانة و معاهوش فلوس يجيبلها الدوا يعمل ايه
مين الى دايما بيحبنا و بيلبى كل طلباتنا
اكيد هو بابا يسوع
جاب ورقة و قلم
و كنت جواب لبابا يسوع
يا بابا يسوع لو سمحت ابعتلى عشرة جنيه عشان اجيب لماما الدوا
و قفل الجواب و كتب عليه الى بابا يسوع
عدى البوسطجى و استغرب لما لقى مكتوب على الجواب الى بابا يسوع
ففتح الجواب و قراه فصعب عليه الولد اوى
فراح حكى لاصحابه فى الشغل فهم كمان كان ليهم نفس الشعور
مستغربين و مشفقين
فقرروا يلموا من بعض و يوفروا له فلوس
و فعلا
لموا 9 جنيه و حطوهم فى ظرف و كتبوا عليه الى ابنى الحبيب ، من بابا يسوع
فالولد فرح اوى بالفلوس فكتب جواب لبابا يسوع
شكرا يا بابا يسوع على الفلوس بس ياريت بعد كدة متبعتش حاجة فى البوسطة عشان انا وصلى 9 جنيه بس
:36_3_15: :36_3_15: :36_3_15:
