القسم الادبي
بحبك يارب
بحبك
بحبك ياربى من قلبى بحبك
بحبك مش علشان انا بس ابنك
لكن علشان حاجات كتير كتير
مش بس كلام ولا بس تعبير
علشان انت اللى فى حزنى بلاقيك تواسينى
وفى فرحى دايما انت اللى بتفرح قلبى وعينى
فى ألمى ومرضى انت اللى شافينى
وانت يارب اللى من زمان فادينى
سامحنى يارب علشان فى فرحى ناسيك
وفى حزنى وكربى وألمى دايما داعيك
مش بفتكر حنانك وحبك ليا
ولا بفكر انا فى الابديه
غير لما اكون فى ضيق ومشاكل كتير
وانت اللى تنجينى منه بحبك الكبير
بحبك يارب وسامحنى واغفرلى ذنبى
ده انا ابنك وانت اللى دايما جنبى
ما انت اللى عودتنى على حبك وحنانك
وانت اللى مستحيل حد يحل مكانك
بحبك يارب وفرحنى كمان وكمان
وخلى حبك للاولادك فى كل مكان
