بتقول أرجع ؟؟؟

تعالو اليا ياجميع المتعبين والثقيلى الاحمال .. وانا اريحكم.
بتقول ارجع .. اجى واسلم كل حياتى فى غمضة عين ؟؟؟
اسمع دورى عشان اتكلم .. وهقول اللى تاعبنى منين
انى ارجعلك سهل بكلمة وحياة يمكن اعيشها يومين
بس القلب هينسى النعمة ويرجع يطمع فى الفلسين
وحتى ان عشت معاك ايامى.. وكبرت وياك كل احلامى
ايه يضمنلى ماجيش من تانى واشتاق لحياتى فى الطين
واللى فات من عمرى وعدا .. مين يضمنلى ان انا هنساه؟؟
حتى ان جيت من قلبى نسيته .. ابليس مش ممكن ينساه
ييجى يعدى فى قلبى حروبه .. ويحليلى فى نظرى دروبه
واما بيهرب بلقى هروبه سايبلى فى جوفى مراره و آه
قوللى الحل ياربى وانا اجاى ايه العمل فى مخاوفى وشكى؟؟
قوللى يارب وهاجى اناجى قلبك يعطف يوم على قلبى
ابنى حبيبى خوفك ضعفك شايف بس طريق النار
عمال بتبرر فى مخاوفك وبتخلق للشك اعذار..!!
واما بقرب منك تهرب .. ليه متدارى عن الانظار
وانت بعيد لازم راح تتعب زى الشمعه فى وسط النار
وانت معايا انسى شكوكك وانسى لخوفك اى ضمان
سيبنى اوجه مره حياتك ده بدمى اديتك غفران
لو مش غالى كتير على قلبى عمرى ماكنت عشانك اموت
حبك جوه فى قلبى شغلنى جيت افتح ليك الملكوت
وعشان تمنك دمى وألمى.. لازم يبقى مكانك حضنى
بس ارجع او حتى اندهنى .. هاجى واعدى حدود وسدود
تفرح بيا .. تشوف فى عنيا افراح يابنى ماليها حدود