باقى هموم مدينة
قلنا للمدينة لسة هموم باقية……….
ولسة ياما هاتدور بينا الساقية ….!!!!
حرق , ضرب . ذل ومهانة
ودمعة حزينة تقول كفاية
الحمل زاد والجرح علم جوانا
والظلم لازم تكون له نهاية…..
عينى عليكى يا بلد الخير
ياللى رفعتى النصر راية
ابنك فيكى بقى عبد اجير
وكل يوم فيكى حكاية
قضايا بينداس عليها
ونقول دا الفاعل مجنون
واعلام فاسد يداريها
واحنا صراخنا يشق الكون
بنموت فى اليوم يجى الف مرة
وبنندبح قدام الكل
خلاص العيشة بقت مرة
واتعودنا منك ع الذل
لحد امتى هايفضل الظلم صوته عالى
لحد امتى هانسيب الحق فيكى ينداس….؟؟؟!!!
لحد امتى نفضل نفرط فى كل غالى
ولحد امتى تبقى القلوب بلا احساس…
لحد امتى هاتفضل الضلمة مالية المكان
لحد امتى هانفضل نطاطى الراس..؟؟
لحد امتى نبقى تايهين بلا عنوان
ولحد امتى يفضل جوانا الخوف اساس
لحد امتى تفضل متكتفة ايدينا
لحد امتى يفضل الحق كلام وخلاص..؟؟!!
لحد امتى يفضل طعم المرار جوانا ..؟؟
ولحد امتى هايتكم يابلدى فيكى الناس ؟
لحد امتى يفضل قلبك مليان هموم
ولحد امتى هايعشش جواكى البوم؟؟
لحد امتى تكسى يا بلدى سماكى الغيوم
لحد امتى ابنك يعيش من خيرك محروم
ولحد امتى ما يقدر يعاتب ولا يلوم…؟؟
لحد امتى يكبر الظلم فيكى يوم بعد يوم
لحد امتى تنصرى الظالم وتخزلى المظلوم …..؟؟؟!!!
لحد امتى ….؟ لحد اممممممممممممممممممتى …….!!!!!!!
