القسم الادبي
الناى الحزين
غريب يا ناى صوتك, دمعة بتتكلم
تبكى فى عز الليل , للجرح تستسلم
داويت قلوب الناس , وانتا بتتألم
عزفت ميت اّااااااااااااااه , استاذ منه بنتعلم
لحن الجراح منك متقال ومتنغم
استاذ فى موجة حزن ,ع الشط بيلملم
الفرح لو زارك يلقى طريقك شوك , بالحزن متلغم
الخطوة فيه قادرة تبكى عيون ,نخطيها ما نتقدم
غريب ياناى
سرحت فى همومك لقيت همى على همك
حزن قلبى وبكت عينى , بقيت تايه وباتندم
غريب يا ناى
ياللى عزفت الناى , ازاى بتتحمل
ازاى بتسمع صوت الالم وبرده بتكمل
انا لو مكانك ها اكتفى,أسمع وأتأمل
غريب يا ناى
نشيل عنك ,احمال جراح وانين
باحمالك حاسين بقالنا سنين
صابر على نغمك ومين قدك فى صبرك مين
صابر على نغمك ومين قدك فى صبرك مين
غريب ياناى
تهنا باحمالك , ولا لقينا طريق للنور
الليل مالوش اخر , والكون واقف ومش بيدور
نهار تايه ومتحاوط بليل ثابت , بيطوى بيوت او دور
تمر عصور , ولسه زى ما انت حزين
غريب يا ناى
الحزن لسه قاهرك , ومتغلب عليك مسكين صوتك صوت مالوش تانى
الحزن لسه قاهرك , ومتغلب عليك مسكين صوتك صوت مالوش تانى
فى دنيا
البركان
البركان
فى وسط محيط مليان حرقة ونار
يبان فى الليل ويختفى وقت النهار
عصفور وطار
وسط الضباب او تاه وسط الغبار
غريب وصفك ياناى
غريب يا ناى صوتك
فى تاثيرك
فى تاثيرك
