المخدرات وانتشارها بين الشباب

الموضوع دا مهم جدا لان فى الفترة اللى فاتت زاد عدد الشباب اللى بيطعاطو المخدرات بشكل غريب:10800:
وخصوصا الحشيش:em2100:
وانا بكتب الموضوع دا لان انا واحد من الناس دى:em0400:
وعاوز اعرف الناس اللى بتشرب بتشرب ليه
والناس اللى بطلت بطلت ازاى

انا ممكن اجاوب على السوالين دول من خلال تجربتى
بس انا متاكد ان فى عدد كبير فى المنتدى بيشرب
ياريت تشاركونى الموضوع لتعم الفادة على الجميع ومحدش يقع فى الاخطاء الللا وقعنا فيها

اما بالنسبه لاجابة السوال الاول
انا بشرب لعدة اسباب
1-انا سنى 22سنه ومعرفش اى ححاجة عن الكنيسة او الكتاب المقدس غير الصلوات المكررة زى الصلاه الربانيه صلاة الشكر المزمور الخمسين
2-انا بشتغل شغل كويس وبيدخلى مبلغ كويس يوميا بس معظم اصحابى بيشربو فبقت عادة عندنا الساعة 11 نبتدى ندور على الحاجة دى وغالبا بتبقى متوفرة دائما
فى حاجة كمان الحشيش دا مش ادمان يعنى سهل تبطل
وبكدا ندخل على اجابه السوال التانى
ازاى تبطل
اول حاجة لازم تعملها هى انك تبعد عن اصحابك اللى بيشربو
انا عارف ان الموضوع دا مش سهل بس زى معندك اصحابك اللى بتشرب معاهم
عندك اصحاب تانى بتروح الكنيسه وانت عمرك ما هتكون وحدك
يمكن انا بتستغلس الشباب دى وبتقول عليهم عبط ومش عارفين حاجة فى الدنيا
بس لما تتعرف عليهم بجد هتلاقى كل حاجة بتتغير
كل فكرك بيتغير
بس لازم الخطوة الاولى تكون من عندك وهى انك تبعد عن الناس اللى بيشربو
لانك مينفعش تكون عاوز تبطل وتقعد وعاهم وتقول انا مش هشرب
كمان انا مش بقولك متصحبهمش او تقطع علاقته بيهم خالص
لكن بقوللك ابعد عنهم فترة بحيث تقدر تتخلص من الفكر دا
وتشغل نفسك فى الفتره اللى بعدت عنهم فيها باجتماع فى الكنيسه او قداس
بعد كدا هتلاقى نغسك بترجع لاصحابك القدام لكن بقى عندك قوة ارادة لانك بعت عن الحاجة فترة كويسه وهى على الاقل شهر

دى تجربتى
ونفسى حد يشاركنى فى الموضوع دا لانى على ما اعتقد انه بيهم ناس كتير
واذكرونى فى صلواتكم امين