القسم الادبي
احترت معاك يا حب
فرحة قلبى ماليها حد
لهفة وشوق وبهجة مالية القلب
ماحبيبى اهو قصاد عينيا
وايديه بتحضن ايديا
شفت لهفته وشوقه فى عينيه
حسيت بدفا الحب فى ايديه
جرى عليا
وعينيه فى عينيا
وقالى بحبك يانور عينيا
مش بالكلام قالها
قالها بالاحساس واللهفة
اتكلمنا وحكينا
قال وحشتينى
قلتله انت اكتر يا كل ما ليا
مش بالكلام قولنا
لكن باللهفة والاحساس عيشنا
لكن لما افترقنا ملت عينيا دموع
مش عايزة اسيبه لحظة
مش عايزاه يغيب عنى ثانية
اعمل ايه ما الحب عذاب
بتعذب فى قربه اكتر من بعده
لما بفتكر لحظة انى هابعد عنه
حتى لو كنت جنبه
امنية وبطلبها من ربى فى بداية السنة
يارب خليلى حبيبى ومايغيبش عن عينى ثانية
ماليش غيره فى الدنيا
ده هو اغلى ماليا
يارب خليلى حبيبى ومايغيبش عنى ثانية
