الاسبوع الى فات – من تاريخ الموضوع معجزة لابى سيفين

كنا فى اجتماع الشباب عملنا تميجد لأبى سيفين لانى ده الايام ده عيده ونهضه ليه فى كنيسه ابى سيفين والشهيده دميانه بشبرا
فالخادم بعد مخلصنا التمجيد قالنا على معجزه

فيه طفل عنده حساسيه وهو عنده حوالى 7 سنين فامه وابوه ودوه للدكتور واداله ادويه زى انتيبيوتك ومضاد حيوى

المهم الادويه مش عملت حاجه فودوه لدكتور تانى او تقريبا نفس الدكتور وافتكر عنده حصبه فراح اداله علاج للحصبه وده ادى انى الولد حالته تدهور وجالوا مرض العلاج الخاطئ والولد تعب قوى

وبقى جلده عند ايده ووشه يظهر فيه فقاعات مليانه ميه واى لمسه بتعمل جروح للولد .. وجلده بيشقق

ففى اجتماع الاطفال شافوه تعبان وابونا شافوا فراحو ودوه لمستشفى المحبه وحاولوا يعالجوا مفيش فاديه وكان طبقه جلده رقيقه اوى اى حد يلمسها تضروا وتجرحوا

فراحو اخده لمشتفى تانيه اسمها الحياه ونفس الكلام وقالولوا تاخدو توديه لمشتفى اسمها ابو الريش فكانت المشكله انهم يودوه ازاى لانى اى لمسه لجلده خطر …الدكتور كان بيشوفوا ومن درجه الى فى جلده الدكتور جه يلمس جفنه وكان رقيق فحصل حاجه مش كويسه فيه وغير كده الاب حالته الماديه مكنتش تنفع يودوه هناك

المهم حاطوه فى غرفه معقمه لانهم مش عايزين الجروح الى فى جسمه تتلوث

والواد تعب فامه جات حاولت تقعده معرفتش علشان جسمه المهم هى راحت تشترى حاجه من الكافتريا والولد وهى هناك نادى عليها مامى مامى فلقيته واقف وسليم والمحاليل فى ايده وكده

المهم الولد ابتدوا يلاقوا حالته تتحسن وتبقى افضل

قبل كده كان فيه واحد كان معاه زيت لابى سيفين فاداهولها وقالها ادهنى بيه الواد فطبعا دلقته على كل جسمه

المهم بعد مالولد خف جه خدام وكان معاهم صورة لابى سيفين فقالوهم هو ده الى جالى وكان بيشرح انه ظهرلوا ماسك عصيتين وده دليل انى ربنا بيكلم كل واحد على حسب فكره المهم ابو سيفين مسك ايد وقومه من على السرير فى المستشفى فالولد خف وحالته ابتدت تتحسن …

جم بعد كده راحوا كان عيد امنا ايرينى فراحو لدير ابى سيفين وقابلوا امنا وحاكوا على الى حصل ووضحكت بمعنى انها فرحانه والولد كان جعان فقالها عايز قربانه سخنه فمكنش عند الام الراهبه قربان سخن فقلت تشوف واحده فى الفريزير لانى هما كانوا بعد الظهر وكان القداس خلص فهى وهى ماشيه قابلت راهب قلها احنا لسه مخلصين قداس فى الطاحونه وجاايبلكم الاقربانه ده ..

المعجزة ده لسه حاصله الاسبوع الى فات حسب كلام الخادم … انا حاولت بقدر الامكان اقول المعجزه صح واتذكر كلامه … سلام المسيح معاكم وبركه صلوات ام النور والقديس الشهيد ابو سيفين فيلوباتير مرقوريوس تكون مع جميعكم امين