إمتى يا حجر .. ؟!

إمتى ياحجر تلين إمتى تدوب
وإمتى مع الفادى تتلاقى
تمسح سواد عار ذل الذنوب
ولمسيحك تركع و تتواطى
ياللي زي برج بابل يدوب
لو لمسك كف تتهاوى
وآه من غرورى و إمتى أتوب
وفين يا أبن آدم هتدارى
إللي بينده بحبه عليك مصلوب
دا على الصليب مات و نجانا
ويا نفسي فوقى دا الحساب مطلوب
لو نسيتي حضن مفتوح لحمانا
فاتح سماه وأحضانه أغلى محبوب
أبداً مسيحنا إلهنا ما ينسانا
إزاى تغطي خجلكِ ومين عنكِ ينوب
وإمتى تصرخي يارب خاطيه و ندمانه