القسم الادبي
عيد ميلاد جرحى
النهاردة عيد ميلاد جرحى
عيد ميلاد اللى جارحنى
اول سنة فى عمره ابقى بعيد عنه
بس ياترى حاسس بالفرق؟
حاسس بقيمة قلبى؟
ولا خلاص مابقاش همه عمرى؟
حاسس بقلبى اللى كان بيموت فى بعده؟
ولا لقى قلب تانى يستغل حنانه وطيبته؟
بس ده كان اختياره
نبعد عن بعض
ولا يوم هانكون لبعض
وكمان كان اختيارى
اصل اللى يبيع ليه نبقى عليه؟
ليه نحب قلب جارح خاين؟
كلمة وبقولها فى عيد ميلاده
كل سنة وانت جارح
كل سنة وانت ظالم وخاين
وبقول كمان لقلبى
كل سنة وانت مظلوم
كل سنة وانت مجروح
ماهو عيد ميلاد جرحى
وعيد ميلاد اللى جارحنى
