القسم الادبي
يابلادى دمى فى كل مكان بينادى
يابلادى دمى فى كل مكان بينادى
فين حقى فين دمى ودم اخواتى وولادى
حقى ضايع وانا ساكت وراضى
واة مش عايزة تخرج يابلادى
يابلادى يبلد يوم العيد سكرت ومالت
كاسها من دم الشهداء اخواتى
ونلم الهدايا لمت ايديا اجساد اخواتى
والدمعة جوة عينى لسة سامعها بتنادى
هو انا دمى رخيص للدرجة دى
واصلك يامصر مش قبطية زى ما قال تاريخ اجدادى
دم برضة هناك فى نجع حمادى
بعملية ارهابية فضل اية لسة يابلدى
اخواتى شهداء بيحتفلو بالعيد ويا الفادى
وحق دمى مش هسيبة بس برضة
مش هجيبة بالدمار واخدة بلقتل وحرق الديار
اصل ليا الة جبار عينة عليا
ليل ونهار ومش هيرضا بالظلم والدمار
مش هيرضا انى اقتل انى افجر
واحرق قلب ام على ابنها بالنار
لا يابلدى متخفيش مش هموت لا هعيش
جوة منك جوة قلبك فى اسكندرية
واسيوط والعمرانية اقتلنى ميهمنيش
جوة ارضك جوة قلبك مش ههاجر لا هعيش
اوعدينى لو تقتلنى تقولين امتا وفين
صدقنى هكون اول الموجودين
اصل مسيحى مستنين
مش بالجنة ولا حور العين
سماء ومجد لا يختر على قلب ولا تشوفة العين
اخر كلامى لو تقدرى اوعدينى
وقلولى امتا وفين
وانا مش ههرب او اتغرب
لا بالعكس هضحك وقول وراكى
من قلبى
يابلدى امين
