القسم الادبي
لسة ماعشتش … لسة ماكملتش
كتير بيجيلي إحساس إن عمري مش هايطول
حاسة إن ربي بيناديني لكني مش قادرة أطول
نفسي أسافرله … نفسي عيشله على طول
لكن أنا ماشبعتش من جمال خلقه
ماكتفتش من حلاوة الأرض وصنعه
وفي نفس الوقت زهقت من البعد
زاد فيَّ اشتياقي زاد فيَّ الرعب
لا تفتكر يا ربي إني بفضَّل أعيش على الأرض
لكني ماعشتش كتير، ماشوفتش غير القليل
اشتقت لبيتك … جوه حضنك الكبير
يا ربي نفسي أفرح نفسي واتهنا
نفسي أمجد اسمك … أنا باتمنى
قبل مامشي من هنا
أســـــألــــك
يا ترى هل إنت حاسس إني ضعيفة … بس محتجالك؟
عارف إن جسدي عايش ع الأرض لكن روحي عايشالك؟
أنا بجد تعبت من البعد لكني لسة ماعشتش
اتولدت على أرض الأحزان ولسه ماكملتش
محتاجالك يا ربي … بجد محتاجالك
اتخدعت كتير واتجرحت أكتر
حبيت كتير وكان غيري أشطر
نسيو إن إلي لا بمكن يجرح قلب حبُه
مهما عمل ومهما جرحه هو ربُه
