القسم الادبي
همسات.. عائلية !!
همسات.. عائلية
يا كل أب غالى عليا
إليك ياعزيزى همسات عائلية
***
أولادك وزنة غالية
إياك تفرط فيها
ضمهم لصدرك
طبطب عليهم
حطهم فى عيونك
وبرموشك غطيهم !!
***
أستمع لشكواهم
شاركهم الرأى
متحجرش عليهم !!
***
فكر شوية ف كلامهم
ناقشهم
يمكن يكون ليهم حق فية !!
***
العالم يا أخويا صغير
بقى صندوق كمبيوتر
والكل جالس علية !!
+++++
همسة فى أذن كل أبنائى
***
لما أبوك أو والدتك يقولك تقولك كلمة
خدها نصيحة
وبلاش تبرق بعنيك فيهم
حسسهم يا أبنى إنك زرعتهم
وهتكون شجرة ليهم
لما يتعبوا من الإيام يستظلوا تحتيها
وثمرها يكون غذا ليهم
ولما يكبروا
هتكون يا أبنى عكاظهم
يتوكأو عليها وتحميهم
وإلة السماء
يباركك ويحفظك ليهم
++++++++
