القسم الادبي
نفسى بلدى .. تبقى بلدى !!!!
نفسى أشوف بلدى..هى بلدى !!!
نفسى فى يوم أنام مرتاح
مصحاش مفزوع على صوت خناق وصراخ
****
نفسى القانون يصحى من غفلتة
ويفرض بالقوة هيبتة
ملقيش واحد واقف فى سكتة
بلطجى ولا أرهابى شاهر سيفة
ولا ماسك مطوة .. وفارض سطوتة
****
نفسى أشوف القانون مستوى
كفتية متوازية للضعيف والقوى
مش لسة على الكانون بيطبخوة
على كل لون بيطرمخوة
إن كان غنى ولا فقير بيطبقوة
****
نفسى أشوف بلدى. هى بلدى !!
متغربش فيها
ودايما قلقان على بنتى وولدى
لو خرجوا.. أو بعدوا عن نظرى
****
نفسى أشتغل وأشيد وأعمر
وأفرح بنجاحى لما يزهر ويثمر
واللى من بعدى.. يواصل ويفخر
ميجيش أرهابى ولا بلطجى يقتل ويحرق ويدمر
****
نفسى أشوف بلدى.. هى بلدى
يعيش فيها الكل واحد
ولاقى مكان فيها لبنتى وولدى
++++++
