ما اقدرش اوصف احساسي بيك و ان قلت احكي عمري ما اكفي ولا حقك ابدا راح اوفيك صعب…

on March 17 | in OrSoFaCe | by | with No Comments

‫ما اقدرش اوصف احساسي بيك
و ان قلت احكي عمري ما اكفي ولا حقك ابدا راح اوفيك
صعب الاقي كلام يعبر او شعر يوصف احساسي بيك
مش كفاية كلمة بحبك عليك
لساني عاجز و خوفي حاجز
قلمي مكسوف مش عارف حتي يكتب اقل الحروف
يكتب في كاتب عالم و ماهر؟
كلمة سابقة زمنها و مكانها ..اقواله مأثورة علامة في القلب و بقوة محفورة.
ما اقدرش اوصف احساسي بيك..و ان قلت احكي عمري ما اكفي ولا حقك ابدا راح اوفيك.. مقدرش اقول اكتر من اني يا ابويا بجد مديون ليك!
يوم ما ثورت و قلت .سالت؟ من اية خايف؟ ساكت لية ؟ ما تقوم اتكلم
اعلن غضبك رفضك اصرخ اقول انك متالم
قول للظالم انك ظالم و لعالم بفسادة طاغي طغيانك ساد فينا و علم
كنت انا بسال نفسي اعرف عاوز افهم عاوز اتعلم!؟؟
خوفك عمرة ما كان له و جود و ان كان كائن ده بس عليا انا المسكين المحدود
مكنتش فاهم! ان ايمانك كان شريان يجري في و جدانك يعلن انك انسان موجود
بس في حبك غير محدود
صمتك كان قوة غفران بتعلم معني الحب و ازاي تحمل ضعف اضعف انسان
ترمي الكرة في بحر النسيان
ازاي تغلب رؤساء و تحبب فيك حتي الأعداء
لا بثوره ولا ثرثره فاضية ..دي بحكمة و الكلمة الهادية الدافية
الي تملح ولا عمرها ابدا ما تجرج
مديون ليك يا ابويا يا بابا الحب
يا ابو قلب دهب بقوة وعظاتة تشعل في الروح ترجع للقلب نبضة و حياتة
مش هتموت..مش هتموت ابدا كلاماتك هتعيش فينا هتعيشنا و هتحينا
يا بابا شنودة بصفاتك

يابخت الخشب اللي حضنك بحجة انه صندوق وحشتنا ياسيدنا

#R#‬

orsozox page

Pin It

Leave a Reply

« »

Scroll to top