كلمات بتكون ترنيمة صعبة فى القول
ترنيمة واحدة ما تتغير و لو زمنك يطول
فيها تحدى حقيقى انك ح اتنول
و نبرات ثابتة و عالية تدق بصوت طبول
صرخت فيها :محتاج لقارب فورا على طول
و أنا غرقان فى دموع و فزع، أنهار و سيول
جانى الرد: اتعلم الصبر و انتظر، حزنك هيزول
قلت يا رب بسرعة ده أنا هاغرق، ماليش طول
قاللي: هاتتعلم العوم و عودك يتشد و نفسك يطول
شوية بعد معافرة و شطارة جه القارب مبلول
ركبته مصروع ده فيه النجاة و كل الحلول
و الظلمة جايه و الليل ستاره قرب ع الهدول
و تمر الدقايق سنين و يمط الزمن و يطول
و يبان فى القارب شق كبير و مفيش نزول
مجنون انت يا قارب واللا مش عايز تقول
انك مش حاسس بى و لا شايف السيول
واللا انت ضعيف زى و مش قادر تفضل مسئول
نطيت بدماغى بسرعة ..تشوفنى تقول مهبول
و ترجع لى الترنيمة تانى ...لأ مش معقول
ترنيمة واحدة ما تتغير و لو زمنك يطول
(منقول)