خايف قرب جاى علينا سامعه من بعيد … جاى يكسر أحلى مالينا و أعيش بعديه وحيد
انا خايفةة … خايفة من حاجات كتير ..
خايفة من المجهول .. خايفة احب و لا أطول …
خايفة افضل فى فقر مذلول .. خايفة … خايفة السنين تعدى و انا لسه واقفة محلك سر
خايفة مش بس واقفة فى مكانى لكن ارجعة للخلف در …
خايفة … خايفة من الامراض خايفة فى لحظه ابقى من الاموات ..
خايفة … خايفة … خايييييييييفة
إيه ده كله .. كل ده خوف جوايا و جواك .. كل دى افكار رابطانا و مخليانا حزانى ..
خايفين نضحك لاحسن تقلب غم … و لو ضحكنا شوية نقول خير اللهم اجعله خير …
و كأن الحزن و الخوف هو ده الطبيعى ..
و الامان و السلام و الفرح ده المستحيل ..
لحد امتى تعيش العيشة دى .. اللى الموت احسن من اننا نعيش ..
لكن ليه نرضى بالعيشة ديه ؟؟ .. و احنا لينا نعيش فى امان ..
ليه نعيش فى خوف و احنا عندنا شيكات مصروفالنا عشان نكون مطمنين و مش قلقانين ..
احنا لينا وعود اننا منخافش .. كلمة ” لا تخف ” جت فى الكتاب المقدس اكتر من 39 مره و كل بيقولها بالسبب فبيقولنا :
لو خايفة من ماضيك فمتخفش لان فديتك و عرفت كل اللى فات …
لو خايفة من اللى جاى .. فمتخفيش لأنى انا معاك انا اللى عندى قدرة اعمل كل حاجة …
لو خايفة من الماديات فمتخفيش لأنى انا ابوكى اللى لى خزائن الجبال و كنوز المخابئ هى لى .. و انتى ابنتى من حقك تورثينى ..
لو خايفة من انك تأخدى خطوة فى حاجة و متنجحش فمتخفيش لأنى انا معاكى منين متروح احملك و كمان اوريكى الطريق الصح اللى مفيهوش مشاكل ..
متخفيش لانك لى … صدقى و اطلبى من قلبك و هتلاقينى جنبك بسندك و اساعدك .. وأسمعلك
++ احبك يارب ++
امضا ء
+بنت سيدى+
