ماتيجوا نقلب المنتدى ونبدأ من الصفر

كيرو رافت 2010/09/08 - 10:32 AM 8,092 مشاهدة 58 رد صندوق مناقشات الاعضاء
مفتوح
ك
#1
ايه رأيكم لو قلبنا الدنيا فى المنتدى وابتدينا من الصفر من تانى

طبعا موش فاهمين حاجه

انا عارف

طيب هاتقولولى ازاى


هاقولكم


فيه اعضاء كتير موجودين منذ بدايه المنتدى وليهم موضوعات قديمه جدا وموضوعات بجد اكثر من رائعه وتستحق القراءه والمشاهده

وطبعا علشان الموضوعات دى من فترة طويله وجائت بعدها صفحات وصفحات واختفت من ورائها اجمل الكلمات

هاتقولولى عايز ايه بعد المقدمه دى كلها

هاقولكم

لو كل واحد فينا اختار كاتب معين وبدأ يشوف مواضيعه القديمه اللى كانت فى بدايه المنتدى
او نحاول ندخل كل قسم من اقسام المنتدى ونشوف موضوعاته الاولى ونخرجها للنور

علشان الناس الجدد اللى ماشافوش العمالقه بتوع المنتدى اللى كتير منهم غير متواجد
يقدر يشوف ويتابع المنتدى كان شكله ايه والمواضيع كانت رائعه قد ايه
ونقدر كلنا نشوف زكرياتنا القديمه وموضوعاتنا القديمه اللى اختفت خلف الصفحات

صدقونى بجد سبب الموضوع ده انى وانا بقلب فى المنتدى فى ايامه الاولى وجدت موضوعات اكثر من رائعه لاعضاء غايه فى الروعه
وتمنيت عوده كل هولاء العمالقه وعودتنا لزكرياتنا الاولى

a
#2
حقيقي يا محبوب الله الحلو وعن صدق
في بداية المنتدى وضعت موضوعات في منتهى الجمال والروعة
وكان لها مذاق خاص حلواً للجميع، وكان هناك نشاط وغيرة قوية وتنافس محبوب بين الجميع
لكي يتم وضع كل ما هو مفيد وعمل موسوعات حلوة في كل قسم رائعة
ويمكن فعلاً اتنست مع الأيام، واتنسى ناس كان ليهم دور أساسي
في المنتدى بموضوعات جميلة شملت كل الأقسام
وانا كنت لسه باتصفح موضوعات قديمة جداً
وافتكرت ناس كتير اختفوا تماماً ولكن كان لهم
بصمة حلوة في المنتدى وافتكرت منهم
نارمر المختفي طبعاً ، إرميا وكيكو اخوه، وماجد ، ومرموره
وناس تانية كتير اعتقد ان في ناس مش تعرفهم خالص
بس كان ليهم نشاط رائع وعمل جميل

حقيقي فكرتك رائعة يا محبوب الله الحلو
واتمنى أن الكل يبدأ بها ويحاول يشوف الموضوعات القديمة لأن يوجد الكثير فيها قيم جداً
أقبل مني كل احترام وتقدير لشخصك المحبوب؛ النعمة معك
m
#3
جميل ياراف باامانه فكرة جميلة ويارب تتنفذ وشوف هانبتدى بمين
k
#4
حقيقى فكره غايه فى الجمال
وان شاء الله نقدر ننفذها

e
#5
فكره صحيح :)
بجد بجد جميله
بس نخلي بالنا في موضوعات كانت معملوه عشان موقف معين يعني مش كل المواضيبع تنفع :)












لالا بس فكره حلوه
l
#6
كلام فيلو صح , و طبعا فكره رائعه يا كيرو ,

انا بقترح عليكوا ان اللى مستعد للفكره يدخل يقول انا بحب القسم المعين و همسك مثلا مواضيع العضو المعين ...

انا مثلا بقول انا بحب المنتدى العام و القصص و مستعد امسك مواضيع نهى و ميكى , . . . .
m
#7
موضوع اكتر من رائع يا كيرو
وبجد
المواضيع بتاعت زمان جميله جدا
وانا معك وعارف همسك مواضيع مين














ميكي
و الواد امير
M
#8
الفكره حلوه اوووووى بجد
واكيد فى مواضيع حلوه اوى ومهمه
ميرررسى كتيرررر
t
#9
بامانة فكرة حلوة اوووووووى علشان بجد الموضوعات القديمة فى منتهى الرووووووعة وياريت كل واحد فينا يشوف حلوة المنتدى زمان
تسلم ايدك على الفكرة بجد تحفة
وربنا معاك
ك
#10
موضوع جميل وفكره جميله
ميرسى ليك
b
#11
فكره جميله جداااا بجد ياكيروا
ويسالم لو رجعوا تانى لينا زى عماد حسنى شاعر المنتدى
ب
#12
موضوع جميل وفكرة جميلة انا هدور وشوف موضوعات الاعضاء القدماء شكرا ليك
@
#13
الله عليك يا رافت
موضوووعك تحفه وفكره هايله وانا مستعده اعمل كداا
معاااك يا ريسسسس
وفعلا الواحد اول مادخل المنتدى حاول يعمل احسن ماعنده عشان يلاقي ردود وتشجيع
وفعلا كان في مواضيع في منتهى الروعه لاعضاء كتير

ميرسي يا رافت على الفكره
ا
#14
الفكرة رائعة يااستاذ رافت
حقلب الموضوعات القديمة واشوفها لاننى مشترك جديد بالمنتدى .
بجد ربنا يخليك منور المتدى
n
#15
يابنى انت تغيب تغيب وترجع بافكار تحفة. فين بجد ايام زمان كانت احلى ايام بجد
عوووووووووووووووووووووووووووودى يا ايام زمان