عايشين
عايشين فى الوهم ولا بنكدب على روحنا
بنجرح فى قلوبنا ولا قلوبنا اللى بتجرحنا
لا فى القرب راحه ولا فى البعد راحه
ولا حتى الشكليات بقت بتفرحنا ..
بنجرح فى قلوبنا ولا قلوبنا اللى بتجرحنا
لا فى القرب راحه ولا فى البعد راحه
ولا حتى الشكليات بقت بتفرحنا ..
جوانا حاجه فى كل لحظه بتفكرنا
حاجه بتكون.. دايماً عكس قرارنا
حاجه بتكون.. دايماً عكس قرارنا
بنمشى فى طريق وأحنا املنا فى طريق تانى
ويقيد الحريق ومابنرتحش ولو لثوانى ..
ويقيد الحريق ومابنرتحش ولو لثوانى ..
نسعى بخوف نفسنا نشوف .. حاجه واحده
حاجه تصبرنا على اللى أحنا فيه
او حتى حاجه منها
نفهم معانيه
!!!
حاجه تصبرنا على اللى أحنا فيه
او حتى حاجه منها
نفهم معانيه
!!!
نـدور منلقاش غير أحســـاس
بيزيد جوانا
اننا اتظلمنا وقلوبنا قدامنا
نبضاتها حزانا
بيزيد جوانا
اننا اتظلمنا وقلوبنا قدامنا
نبضاتها حزانا
ونبقى متكتفين مستنين السنين
جايبلنا أيه فى رحله عذابنا !!
بنكون مرغومين عاملين راضين
بس جوانا شىء مموتنا ..
جايبلنا أيه فى رحله عذابنا !!
بنكون مرغومين عاملين راضين
بس جوانا شىء مموتنا ..
مطلوب نعيش من غير ما نتكلم
بقى شىء طبيعى الكل يتألم ..
بقى شىء طبيعى تخسر كتير
واللى فأيديك فى ثانيه يطير ..
بقى شىء طبيعى الكل يتألم ..
بقى شىء طبيعى تخسر كتير
واللى فأيديك فى ثانيه يطير ..
وأزاى نجيب طاقه واحتمال
اننا نتغير من حال لحال
فى لحظه مانكون بنبكى بدموع
لازم وقتها نغير الموضوع ..
اننا نتغير من حال لحال
فى لحظه مانكون بنبكى بدموع
لازم وقتها نغير الموضوع ..
لازم نبان أننا مبسوطين
نضحك على نفسنا قبل اللى شايفين ..
نضحك على نفسنا قبل اللى شايفين ..
ويبقى العشم فى قلب واحد
تجرى عليه وتتمنى يساعد
داحتى القلب اللى بتتمنى يواسيك
بتيجى أوقات مايحسش بيك
ممكن يكون زيك تعبان
ممكن يكون بيموت عليك
ممكن تكون مستنى يناديك
وهو برده قاعد مستنيك ..
تجرى عليه وتتمنى يساعد
داحتى القلب اللى بتتمنى يواسيك
بتيجى أوقات مايحسش بيك
ممكن يكون زيك تعبان
ممكن يكون بيموت عليك
ممكن تكون مستنى يناديك
وهو برده قاعد مستنيك ..
بس فى ميت ألف مانع
زمن دنيا حرمان ومواجع
زمن دنيا حرمان ومواجع
طب والحل والعمل أيه !!!
واللى فيك مش قادر عليه
هانقول دى حياتنا وبأدينا حلمنا
يبقى هانضحك من تانى على نفسنا
ده كل شىء بأدينا نختاره
لكن اللى مش بادينا هو قلبنا ..
واللى فيك مش قادر عليه
هانقول دى حياتنا وبأدينا حلمنا
يبقى هانضحك من تانى على نفسنا
ده كل شىء بأدينا نختاره
لكن اللى مش بادينا هو قلبنا ..
بس فى حــل اخير
حل ماينفعش معاه تأجيل
أننــا لـيـنا أله يحبـنـا .. عارف وشايف فينا ضعفنا
لو دارينا على كل الناس .. قدامه مـش ممكن نخبى نفسنا
حل ماينفعش معاه تأجيل
أننــا لـيـنا أله يحبـنـا .. عارف وشايف فينا ضعفنا
لو دارينا على كل الناس .. قدامه مـش ممكن نخبى نفسنا
يارب أنت عارف حزننا .. وحاسس بكل واحد مننا
كاشف وشايف نوايا قلبنا .. وشايف تعب عمال بيهدنا
مين يقدر يشيل حملنا .. مين برحمتهُ يهتم بأمرنا
كاشف وشايف نوايا قلبنا .. وشايف تعب عمال بيهدنا
مين يقدر يشيل حملنا .. مين برحمتهُ يهتم بأمرنا
بعدنا أو قاسينا او عليك اتجنينا
مش ممكن هاتعاملنا بالضعف اللى مالينا ..
مش ممكن هاتعاملنا بالضعف اللى مالينا ..
كل واحد عنيد وبشره بيزيد
برحمتك عليه هايتولد من جديد..
كل واحد تعبان ومليان احزان
برحمتك عليه هايتملى بالأمان..
كل واحد مجروح ومليان بجروح
برحمتك عليه هايتخلقلهُ روح..
برحمتك عليه هايتولد من جديد..
كل واحد تعبان ومليان احزان
برحمتك عليه هايتملى بالأمان..
كل واحد مجروح ومليان بجروح
برحمتك عليه هايتخلقلهُ روح..
يا رجاء كل خاطى وحزين
ياراحه فى حياه مليانه بالأنين
يا عزاء لكل قلب بيتقطع
يا دواء لكل مريض بيتوجع
يا أول حياتنا واخر المطاف
بنلف ونضيع وانت الانصاف
طالبين رحمتك تحل علينا
وده من رحمتك مش مجد فينا
..................................
ياراحه فى حياه مليانه بالأنين
يا عزاء لكل قلب بيتقطع
يا دواء لكل مريض بيتوجع
يا أول حياتنا واخر المطاف
بنلف ونضيع وانت الانصاف
طالبين رحمتك تحل علينا
وده من رحمتك مش مجد فينا
..................................