محتاجه اتكلم واسمعكم؟؟؟؟؟؟؟

KOKO SPA 2008/11/22 - 04:54 PM 1,683 مشاهدة 9 رد الموضوعات الشبابية
مفتوح
K
KOKO SPA
2008/11/22 - 04:54 PM · منذ 17 سنة
#1
سلام المسيح ليكم

بصراحه اانا اول مره اشارك فى المنتدى بس حابه اخد رايكم فى اللى انا فيه

ببساطه انا كنت بحب واحد لدرجه كبيره
بس حصلت حاجات كتير مكنش ينفع نكمل الحب ده

المهم ارتبط بشخص تانى كان زميلى فى الكليه بس عرفه جدا جدا
لانه كان كتير بيحكيلى عن مشاكله
بس هوه راجل جدا جدا
وطيوب اوى قليل فى الزمن ده
انى الاقى زيه فى اخلاقه وسلوكه (كل حاجه فيه كويسه) وبيحبنى جدا جدا
المهم مر على ارتباطنا تقريبا 7 شهور
بس لغايه اللحظه ديه مش بحس بسعاده معاه مش عارفه ليه
فيه حاجات المفروض تحصل بين اى خطيبين بس معايا مش حاصله
مثلا انى اكون مع اصحابى فيه منهم متجوزيين بحس اد ايه الفرحه فى عيونهم انهم مع خطابهم او شريك حياتهم ده مبيحصلش معايا
يعنى خرجت معاه مخرجتش عادى
بفتقد السعاده معاه فكرت كتير اللى بيفقدنى السعاده
يمكن لانى كنت بحلم بشريك حياتى صفات مش موجوده فيه مش عارفه
طيب ده سبب كافى انى مكملش
كتير جدا فكرت انى اسيبه لدرجه انى خلاص ببقى نازله من البيت انى هاسيبه اهلى يكلمونى ويقولولى ليه طبعا مفيش سبب كافى بس انا خايفه اكمل ارتباطى بيه انى مبقاش سعيده معاه بس بجد مش قدر مكملش لانه جواه بيبقى حب ليا كبير اوى

سورى انى طولت عليكم بس بجد متعرفوش الموضوع شاغلنى قد ايه
مرسى لاهتمامكم وسماعكم ليا بس ارجوكم ارجو الرد ضرورى جدا

بطاقة الكاتب الموثوق

K
KOKO SPA
مسجل منذ: 2008 مساهمات: 425 الصفة: ارثوذكسي صانع
يتوافق هذا المحتوى مع معايير الموثوقية والدقة. يرجى مراجعة سياسة التحرير والنشر لمعرفة المزيد.
a
aymonded
2008/11/22 - 05:31 PM · منذ 17 سنة
#2
سلام لنفسك يا محبوبة الله الحلوة
أولاً لازم تعرفي حاجة مهمة جداً ، وهي الحلم الشخصي وأسقاط ما في داخلنا على الآخرين ، هذا بالطبع يوجد في الأحلام الخاصة وليس في أرض الواقع ، لأن أحياناً نحلم بصفات خاصة جداً ونسقطها على من نحبهم أو نرتبط بهم في البداية ، وبعد ذلك بفترة - قد تطول أو تقصر - نكتشف أننا كنا نخدع أنفسنا وتنطفأ فرحتنا بوجود أحلامنا في الآخر ، والتي لم نعد نراها !!!

المهم في مثل هذه الحالة لابد من أن نبقى واقعيين ، ونختار بوعي ونضج ، بمعنى هل هناك عيوب في هذا الشخص وميزات تريها !!!
وماهي العيوب وماهي المميزات ، وماذا تريدين من هذا الشخص ...

نصيحتي الشخصية ، أقعدي مع نفسك بعيداً عن أهلك تماماً وعن أي مؤثر خارجي ، ومن رأيي وراي الجميع ، واجلسي مع نفسك ، وأولاً صلي لله أن يكشف كل ما في داخلك بأمانة وكوني أمينة جداً مع نفسك ، وهاتي ورقة وقلم ، واكتبي المميزات التي تجدينها فيه بكل تدقيق حسب رؤيتك له ، ثم اكتبي العيوب حسب ما تريها ، ثم علمي بعلامة صح مع ما يتفق مع شعورك وما تحبيه فيه بأمانة ...
وانظري بعد هذا كله هل هذا الشخص هو من تريدين أن تعيشي معه وتقطعي رحلة حياتك فعلاً ، والا لن يكون هذا الشخص حلمك في يوم من الأيام !!! وهل تحبينه فعلاً والا مشوشة من تأثير بابا وماما وكلام من حولك (( طبعاً مزقي الورقة في النهاية ولا تريها لأحد على الإطلاق ))

ولو مش هو هذا الشخص المميز بالنسبة لك ، أفضل أن تقطعي العلاقة من الآن قبل فوات الأوان ويصير الموضوع جارح ، أو تتم زيجة حكم عليها بالفشل قبل أن تبدأ ...

هذا بالطبع رأيي الشخصي جداً وقد لا يتفق معك ، لأني لا أعرف الظروف ولا الملابسات ولا أعرف أي شخصية منكم ، لذلك قلت رأي شخصي كمجرد رأي قد يتفق أو لا يتفق معك ، النعمة معك
و
وردة حزينة
2008/11/22 - 05:37 PM · منذ 17 سنة
#3
حبيبتى من راى لو حاسه ده كله من دلوقتى سيبه
حتى لو كانت فيه مميزات اكتر بس لو النقطه ده تعبه نفسيتك يبقى سيبه
لانك عمرك ماهاتلاقى اللى انتى عايزاه معاه
وهاتفضل ثقتك بنفسك تقل تقل لانك حاسه انه ميش فرحان بيكى زى مابتشوفى فرحه الناس اللى حوليكى
وده هايولد بينكم فتور جامد لا حساسك انه ميش حاسس بيكى ولا انتى فارقه معاه اصلا
فكرى كويس لو ده حاجه ماثره عليكى سيبه لانها هاتعملك مشاكل معاه بعد كده
ده راى الشخصى وعن حالات شوفتها قدامى
ج
جاسيكا
2008/11/22 - 05:38 PM · منذ 17 سنة
#4
بصراحة بعد استاذ ايمن مش هقدر اتكلم لاننا كلنا بنعتبرة ابونا واخونا الكبير
اللى بنحب انو يساعدنا وناخد راية فى اى حاجة شاغلانا
لان عندو حكمة فى كل حاجة
احب اقولك ربنا يوفقك وتلاقى الانسان المناسب سواء كان خطيبك او اى انسان تانى ترتبطى بية
ربنا يوفقك وتعرفى تاخدى قرار مناسب
بس متتسرعيش فى اخذ اى قرار علشان مترجعيش تندمى فى الاخر
ربنا معاكى
K
KOKO SPA
2008/11/22 - 06:47 PM · منذ 17 سنة
#5
متشكره جدا لكل شخص رد عليا

بس ياورده حزينه انتى مش فاهمه قصددى
المشكله فيا مش فيه
انا مش بحسه
لكن ع العكس هوه بيحبنى جداوبيبقى سعيد اوى معايا
وشكرا مره تانيه لكل اخ شارك واشكرك جدا جدا اخ aymonded
و
وردة حزينة
2008/11/22 - 06:51 PM · منذ 17 سنة
#6
نفس اجابتى هى هى لو ميش حاسه صدقينى ميش هاتتغيرى هاتفضلى ميش حاسه وميش راضيه
حتى لو هو بيحبك وهايجيبلك نجمه من السماء
ربنا يوفقك ويرشدك للصالح
a
aymonded
2008/11/22 - 06:53 PM · منذ 17 سنة
#7
على إيه ، انا فعلاً مش عملت حاجة أنا فقط قلت رأيي الشخصي جداً ، بأحساس أني أب صغنون ...

وأرجو ان تحكمي على الموضوع بلا تأثير من أحد ، بل الحكم من داخلك وأصغي لقلبك مع عقلك ، لربما يكون هناك أمل في العلاقة ولم تأخذي بالك منها ، طلباً أن الله يوفقك ويدعم أختيارك ، وأكيد بنعمتة الله هاتختاري الصالح يا محبوبة الله ، أقبلي مني كل تقدير بمحبة

وأشكر جاسيكا على معزتها الحلوة ، مع أني مش لازم أكون صح في كل رأي ، وهذا رأيي بصراحة تامة
أقبلوا مني جميعاً كل تقدير يا احباء يسوع
ب
بنت الراعي
2008/11/22 - 07:03 PM · منذ 17 سنة
#8
بصي انا اتفق جدا مع راي مستر ايمن
وممكن انتي تصلي كتير جدااااااااا
وكمان تاخدي راي اب اعترافك اذا كنتي تثقي في رايه وحكمته
وكمان حاولي تحددي بموضيعيه اكتر يعني اخرجي من دايرة نفسك
ودايرة مشكلتك علشا تقدري تحددي وتقدري تختاري صح
لانك اما هاتخرجي بره المشكله هاتشوفيها احسن
مش فاكره سمعت الكلام ده فين هههههههههههه
المهم بجد انتي لازم تفكري بموضوعيه كبيره وزي ماقال المستر
تبعدي عن اي ضغوط وربنا يوفقك
واعملي قداس وحطي ورقه بطلبك علي المذبح
وصدقيي ربنا هايتصرف وهتعرفي الصح من الغلط
وربنا معاكي يرشدك وينور بصيرتك للصالح ليكي
m
miso
2008/11/22 - 07:23 PM · منذ 17 سنة
#9
انا من رايى وردة
لو مش حساه ومش قادرة تحبيه رغم انه بيحبك يبقى فكرى تانى كويس وقررى
مش هتقدر تكملى معاه سبيه علشان حرام تظلميه معاكى
بس فكرى وبلاش تتمسكى بحبك الاول علشان كدة هتضيعى كل واحد يتقدملك
لو مش حساه ولا حاسة بحبه سبيه
K
KOKO SPA
2008/11/22 - 08:13 PM · منذ 17 سنة
#10
انا بشكر كل شخص قال رايه

صلولى كتير اوى عشان اخد قرارى
إعلان مدعوم
الموضوع التالي لماذا اكره الناس؟
الموضوع السابق حرب ساخنة جديدة على بنات حواء ...