الافراح واللبس و الاغانى هااااام جدا خصوصا البنات

ج

جوسى

2008/11/21 - 03:18 PM · منذ 17 سنة

#1

ياجماعه
الموضوع ده مهم جداااااااااااااً ولازم نتكلم فيه بكل صراحه
أفراحنا..................أيه اللى بيحصل فيها

ليله الفرح أو الخطوبه:
هيصه وطبل وزمر...و...و....و....إلى أخره
هى دى الفرحه

هما دول الناس الى تانى يوم رايحين يحضروا سر مقدس بيحل فيه الروح القدس

وتخلص الليله الساعه2 أو3 أو4
وأيه يعنى

هو أحنا هنفرح كل يوم

والعروسه الصبح رايحه تحضر قداس...مش شىء غريب ده

وتعدى الليله وييجى تانى يوم.....يوم الفرح بقى...
شوفوا بقى المناظر اللى بتبقى موجوده فى أفراح المسيحيين
مش أنا اللى بقول كده لأ للأسف اللى بيقول كده ناس من أخواتنا المسلمين اللى بيبقوا معزومين فى افراحنا
بنات عاملين فى نفسهم حاجات غريبه.......ومدام محترمه واقفه مش عارفه تغطى نفسها منين ولا منين....
بجد ياجماعه شىء مؤسف ومحزن للغايه
صدقونى أنا ببقى واقفه مكسوفه جداً أنى أبص على بنات من سنى وأصغر وأكبر جسمهم مكشوف
للآسف هما مش بيعروا جسمهم...دول بيعروا جسم المسيح اللى كلنا أعضاء فيه
أنا أسفه أذا كنت بتكلم بصراحه ....أرجوكم محدش يزعل منى...بس لازم نقف مع نفسنا وقفه ونواجه نفسنا بعيوبنا بدل ماحد غريب ييجى يوجهنا
وكفايه بقى أهانات عمالين نوجها لمسيحنا بدل مانكون النور اللى بيهدى كل الناس ليه

S

SAMOOOOO

2008/11/21 - 04:59 PM · منذ 17 سنة

#2

طبعا موضوع مهم جدا
بس بجد حاجات مش كويسه بتحصل لكن للاسف مفيش حد يقدر يدخل ويمنع الحاجات دى غير اداره الكنيسه بس
لان مهما كان واتكلمنا كتير عن الموضوع وللاسف مفيش فايده

لكن مش هقول غير ربنا يهدى
ميرسى للموضوع المهم ياجوسى

l

lawyer

2008/11/24 - 08:11 AM · منذ 17 سنة

#3

الموضوع مش موضوع الافراح بس المشكلة كمان سعات مثلا
اثناء قداس عيد القيامة او اي عيد اخر بتبقى مشكلة في اللبس
بالذات البنات و الموضوع مش موضوع ادارة الكنيسة المهم الناس
في نفسها تعرف ان دة غلط و مش لازم يستمر

اسف لو جرحت مشاعر الي احد

و موضوعك جميل جدا يا جوسي

ربنا يبارك حياتك و يعوض تعب محبتك

k

kadymaged

2009/03/17 - 11:10 AM · منذ 16 سنة

#4

اناعايزةاقول راى فى الموضوع ان الاكثر عرى هى العروسه وهى الاكثر اشخاص المفروض تكون تمتغطية لانها بتقف امام المذبح المقدس يعنى امام الرب الهنا يعنى انا يوم فرحى ركزت انىفستانى يلق بالكنيسة ونفسى كل البنات تعمل كدة اكيد هاتتغير حجات فى حيتنا كتير

م

ميرا000

2009/03/17 - 02:32 PM · منذ 16 سنة

#5

كلام رائع بس المشكلة ان الكل دلوقتى ماشى فى التيار ده .حتى بنت ابونا يوم فرحها بتبقى مسخرة!!وابونا بيكون واقف وموجود عادى!!الكلام فى الموضوع ده مفيش جدوى منه من الاخر؟؟؟

r

ramysefen

2009/03/17 - 06:26 PM · منذ 16 سنة

#6

سلام ونعمة
برافو جوسي علي الموضوع دا
لانه وصمه عار في جبين المسيحية
وخاصة هذه الايام....
انا بعتبر مسئوليه اللبس مسئوليه البيت
يعني الام او الاب عايز او راضي بكده
دا اولا......
ثانيا:الشخص نفسه عايز يلبس كدة
ثالثا:الكلام اللي بنسمعه عن اللبس المحتشم
بمعني ان البنت دي معقده مثلا
او بتداري عيب فيها او.....الخ
رابعا:الموضة....بمعني كل الناس بتلبس كده في المناسبات دي اشمعنا انا يعني.
يعني انا اللي هاغير الكون.....
لاتكن زينتكن الزينه الخارجيه من ضفر الشعر والتحلي بالذهب ولبس الثياب
بل انسان القلب الخفي في العديمة الفساد
زينه الروح الوديع الهادئ الذي هو قدام الله كثير الثمن"رساله بطرس الاولي اصحاح 3 والعدد3و4"
الرجاء من اخوتي البنات عدم نسيان قول الكتاب
الويل لمن تاتي من قبله العثرات....
وربنا يبارك حياتكم

ف

فيكتوريا

2009/03/19 - 12:16 PM · منذ 16 سنة

#7

:em2700:هو الكل اتكلم على لبس البنات و محدش قال الاغانى اللى فى الافراح و الرقص و شرب الخمر اللى احنا بشوفهفى الافراح وبعدين انا بشوف افراح بتكون فيها ترانيم و العروسة لبس مش كويس خالص وبرضة فى رقص

l

love_lorn199

2009/03/20 - 11:47 PM · منذ 16 سنة

#8

فعلا الواحد بيسمع كلام بس للاسف مش بيعرف يرد
هيكلكم هيكل الله من يفسد هيكل الله يفسدة الله

ج

جاسيكا

2009/03/21 - 05:54 PM · منذ 16 سنة

#9

موضوع مهم بجد يا جوسى بس صدقينى حكاية الفرح والهيصة والاغانى دى من زمااااااااااااان قوى الكل بيعملها مش احنا اللى هنيجى دلوقتى نغير الكون بس اللى نقدر نغيرة اننا نلبس كويس ومنخليش اى حد يقدر يوجة لينا نقد لان الجمال مش باللبس
ولا حتى بالمظهر مش هقول البسى لبس معين بس على الاقل يكون غير ملفت
ويكون كمان محدش يقدر يوجهلك علية اى نقد
ميرسى ليكى يا جوسى على الموضوع

m

moren

2009/03/21 - 06:17 PM · منذ 16 سنة

#10

بجد موضوع مهم جدا لازم نخلى بالنا منه لاننا بصراحة بقينا اوفر قوى فى افراحنا عموما مرسى ليكى يا قمر على موضوعك الجميل

j

jojo2020

2009/03/21 - 06:28 PM · منذ 16 سنة

#11

ميرررررررسى اووووووى يا جوووسى على الموضوع المهم دة وانا عايزة اقول ان البنت اللى بتحب ربنا ومتعلقة بية هى لوحدها اللى هتقدر تقول لاقدام كل الحاجات دى واقول ابغض العالم فتبصر اللة بقلبك

N

Narmar

2009/03/21 - 06:45 PM · منذ 16 سنة

#12

جدعة يا جوسي ليا عودة تاني بس لما ابقي فاضي :)
بس بجد عندك حق في حاجات كتيرة والرغي في االموضوع دة كتير
والمشكلة الغريب ان الناس بتعمل الغلط وتقول ربنا فين
وبينسوا انه قال

تقدسوا لأن الرب يعمل غداً في وسطكم عجائب ( يشوع 3 : 5 )

جربوا اعملوا بالاية دي وشوفوا رد فعلة وهو قال غداً يعني مش هيتأخر
عاوزين منه انه يعملكم كل حاجة وهو أهم صفة فية وهي القداسة مش عاوزين تدولة حقة فيها
على فكرة السؤال بتاع قسم الكتاب المقدس اللي محدش عارفة
هيكون مرتبط شوية بالموضوع دة
وبنجهزلة حاجة انا ومينا في الراديو باذن يسوع يارب تعجبكم
وليا عودة وكلام كتير اوي مش عشان الحاجات دي لا عامة

ا

ايساك

2009/04/30 - 02:03 PM · منذ 16 سنة

#13

ميرسى ليكى يا جوسى على موضوع الجميل دة وانا مع راْى جاسيكا هى الدنيا من زمان كدة واحنا مش هنجيى نغيرها ومهما اتكلمنا مش هتلاقى فايدة لان الاْم دلوقتى هى اللى بتساعد بنتها على اللبس دة وبتكون موافقاها امهات اخر زمن ربنا يرحمنا وانا بشوف افراح يا لهووووووووى النطلونات فى النازل والتيشرتات فى الطالع ومش حرام بس عشان البنات بتعرى جسمها اللى هو جسم المسيح لكن كمان بتبقى عثرة للشباب والكتاب المقدس بيقول (ويل لمن تاْتى بسببة العثرات؟) انا مش بقول متلبس على الموضة لكن على الاقل يكون لبسها مش مثير

S

Shosei

2009/04/30 - 05:38 PM · منذ 16 سنة

#14

ربنا يعلم انى بطلت ادخل الكنيسة بسبب الموضوع دا خدمتى فى جمعية والقداس بحضرة فى دير
اما بقى عن ليلة العيد مش بفكر اصلا احضرها لانى بيكون فى عرض ازياء فى الكنيسة
للاسف يا جاسى مش هنعرف نغير حاجة اللى ان بستغربة بجد هما مش مكسوفين من لبسهم يربى دحنا شبه بنلبس شولات ومش بنترحم من الرخامة طاب دول بيجرالهم ايه ولا هما بيفرحو بكدا ولا ايه

s

shamstony2000

2009/04/30 - 07:27 PM · منذ 16 سنة

#15

خطيبتي عاوزه متعملش فرح وتروح الدير 3 ايام وانا موافق بس بناخد كم تريقه مش معقول وانتقاد .من فضلكوا صلوا عشنا وانا ربنا يقبل من اول 3 ايام في حياتنا.وميخليش الشيطان يتجسد في صوره رفض الاهالي وتريقه الاصدقاؤ ويفرحنا بشخصه هو بس.هستنا تايدكم لينا