خلي الشعب يعيش
كلنا كشباب علي جميع المستويات العمرية المختلفة ومجتمعاتنا الكتيرة دايما بنحب نظهر في احسن صورة ،وفي أجمل منظر دايما عايزين نظهر قدام الناس أن إحنا أنيقين .كلنا كده ،لكن لما يوصل بينا الامر لحد التظاهر فلازم هنا ندق جرس الإنذار للتنبيه ونقف لحظات لأن الموضوع ممكن يوصل بينا للتعالي والغرور اللي الناس اللى حوالينا طبعا هيرفضوه.
نلاقي في تعاملنا مع الشباب الروشه ، والجامدة طحن دايما بيتكلموا عن الكوتشي الماركه والبنطلون المقطع اللي من المحل الفلاني والتي-شيرت اللي ماركته كذا وسعره كذا .
مش بس الشباب بتتكلم عن الاستايل والماركه الجامدة، لكن كمان في بقي ناس تلاقيها بتحب تتمنظر أوي باللغه اللي معاها ... بس ياعيني قدام مين ؟ قدام حد أصلا ممكن يكون مش بيعرف حتي يكتب إسمه المهم أني أظهر وأتمنظر كويس ، وياسلام بقي لو معانا قريشين في البنك تلاقينا بنتنك أوي علي مخاليق ربنا ، وإوعي بقي لو لينا قريب محافظ ولا عضو مجلس شعب ولا حتي .... تلاقي الناس كلها عرفت إن أنا قريبه غير بقي تلاقي تعاملي مع الناس من فوق وبقرف أصل أنا إبن بنت عم خال أبو خال المحافظ ، وإوعي بقي لو أبويا دكتور في الجامعه مين قدي بقي . الكلام معايا لازم يبقي بحساب .؟
بنهتم أوي بالمظاهرومش بس المظاهر لا ده الموضوع بيطور للتباهي والتعالي والتكبر علي مخاليق ربنا .
أهي حاجه الواحد يطلع بيها الكبت والزهق من الظروف اللي بتمر بيها مجتمعاتنا وبلادنا ياعم خلي الشعب يعيش .
بس خد بالك صدقني كلنا قدام ربنا واحد ، وقيمتنا مش باللي معانا ولا اللي عندنا. قيمتنا في قيمة اللي خالقنا وصورنا علي صورته.. قيمتنا في محبتنا للناس حتي لأعدائنا في تقبلنا للآخر برغم إختلافتنا وأفكارنا ..قيمتنا الحقيقية لما نعرف الحق ونعيش لربنا صح لما نسلم كل حياتنا، ومستقبلنا في إيدين شخص الرب يسوع العظيم . اللي حقيقي قيمتك دفعها بموته علي الصليب لما سفك دمه الغالي قوي قوي عشانك .
كلنا كشباب علي جميع المستويات العمرية المختلفة ومجتمعاتنا الكتيرة دايما بنحب نظهر في احسن صورة ،وفي أجمل منظر دايما عايزين نظهر قدام الناس أن إحنا أنيقين .كلنا كده ،لكن لما يوصل بينا الامر لحد التظاهر فلازم هنا ندق جرس الإنذار للتنبيه ونقف لحظات لأن الموضوع ممكن يوصل بينا للتعالي والغرور اللي الناس اللى حوالينا طبعا هيرفضوه.
نلاقي في تعاملنا مع الشباب الروشه ، والجامدة طحن دايما بيتكلموا عن الكوتشي الماركه والبنطلون المقطع اللي من المحل الفلاني والتي-شيرت اللي ماركته كذا وسعره كذا .
مش بس الشباب بتتكلم عن الاستايل والماركه الجامدة، لكن كمان في بقي ناس تلاقيها بتحب تتمنظر أوي باللغه اللي معاها ... بس ياعيني قدام مين ؟ قدام حد أصلا ممكن يكون مش بيعرف حتي يكتب إسمه المهم أني أظهر وأتمنظر كويس ، وياسلام بقي لو معانا قريشين في البنك تلاقينا بنتنك أوي علي مخاليق ربنا ، وإوعي بقي لو لينا قريب محافظ ولا عضو مجلس شعب ولا حتي .... تلاقي الناس كلها عرفت إن أنا قريبه غير بقي تلاقي تعاملي مع الناس من فوق وبقرف أصل أنا إبن بنت عم خال أبو خال المحافظ ، وإوعي بقي لو أبويا دكتور في الجامعه مين قدي بقي . الكلام معايا لازم يبقي بحساب .؟
بنهتم أوي بالمظاهرومش بس المظاهر لا ده الموضوع بيطور للتباهي والتعالي والتكبر علي مخاليق ربنا .
أهي حاجه الواحد يطلع بيها الكبت والزهق من الظروف اللي بتمر بيها مجتمعاتنا وبلادنا ياعم خلي الشعب يعيش .
بس خد بالك صدقني كلنا قدام ربنا واحد ، وقيمتنا مش باللي معانا ولا اللي عندنا. قيمتنا في قيمة اللي خالقنا وصورنا علي صورته.. قيمتنا في محبتنا للناس حتي لأعدائنا في تقبلنا للآخر برغم إختلافتنا وأفكارنا ..قيمتنا الحقيقية لما نعرف الحق ونعيش لربنا صح لما نسلم كل حياتنا، ومستقبلنا في إيدين شخص الرب يسوع العظيم . اللي حقيقي قيمتك دفعها بموته علي الصليب لما سفك دمه الغالي قوي قوي عشانك .