أنا كنت كاتبة هنا تعليق صغير يعتبر سطر واحد ردأ على كلامك
بس يظهر انة منزلش كمشاركة او يمكن معجبش الخادم المسؤل عن القسم
ياأستاذ أيمن كنت سيبة يجرب طريقة العفاريت دة فكرة جهنمية ههههه والله هم يضحك وهم يبكى
طيب بلاش العفاريت مش هكتبة تانى عشان المشاركة تنزل ويتوافق عليها
بص يا شاب يا حيران البنات مش بتحب اللف والدوران والموضوع ميستهلش حيرة الموضوع سهل جدآ وخصوصآ بعد ما جاوبت على اسئلة استاذ ايمن وطلعت شاب ناضج سنك مناسب جدآ للحب وتحمل المسؤلية . مش مراهق
انا نفسى افهم اية صعوبة الموقف انت بتحب بنت قولها ؛ حتى لو مش عاوز تتقدم رسمى عشان الاحراج وربما تكون شاب حساس .. خلاص على الاقل قولها هى الأول انك بتحبها ولو هى بتحبك هتقولك مش بتحبك هتقولك بردوا دة مش هيقلل من شأنك فى حاجة بالعكس صدقنى هتحترمك وتحترم صدقك ورجولتك لأنك إتصرفت كراجل عندة كرامة ومبدأ وكمان هترتاح من الحيرة وحتى لو رفضتك لأى سبب هتفضل انت فى نظرها شاب محترم صارحها بمشاعرة بطريقة طبيعية .. انت من حقك تعبر عن مشاعرك .. على الأقل هتعرف احساسها هى كمان بما انك احيانا بتحس انها بتحبك واحيانآ لأ ؛؛ وربما تكون إنت المسؤل عن عدم الوضوح دة من غير قصد
وعلى فكرة ..!!!
حتى لو رفضتك دة مش معناة أبدآ إنك وحش او إنك متستهلهاش ربما يكون العكس هو الصحيح او ربما يكون ربنا شايلك حاجة أنسب وأجمل ... إتصرف بطبيعتك يا شاب ياحيران وعبر عن مشاعرك متخافش
ولو كل دة صعب دخل وسيط بينكم وليكن مثلآ أب اعترافها ممكن يسألها ويعرف رائها ويقولك زى ما بعض الناس بتعمل
على فكرة ..!!!
لو إستمريت فى التباطئ والحيرة كتير هتخسرها حتى لو كانت بتحبك