[منيمو]

...اقبلنى...

ايوة هو جوة عند سمعان
عقلى مش مطاوعنى و قلبى حيران
انا الخاطية هاقف قدام ابن الانسان
و الناس هتقول عليا اية كمان
لازم اخد خطوة انا كدة فكرى تعبان
لو مدخلتش محدش غيرى هيبقى خسران
و لو دخلت مش هلاقى لا ترحيب و لا اطمئنان
بس اللحظة دى انا مستنياها من زمان
خلاص انا هادخل و هاخوص فى المكان
مش هيفرق معايا كلام فلان ولا افكار علان
و مش عارفة هتكلم ازاى و هاقول اية
و ازاى هطلب منة غفران
كل اللى عارفاة انى داخلة اشوف الديان
و هاصالحة اصلى عارفة انو منى زعلان
و فعلا دخلت مش عارفة اعمل اية
لقيت جسمى بيتصرف وحدية
جريت بكيت و انحنيت علية
و بشعر راسى مسحت رجلية
و اغلى ما عندى قدمتة لية
ففى ناس قالت لية الاتلاف دة لية
و ناس تانية قالت اة لو يعرف اصلها و فصلها اية
اما يسوع الهى فقام
يدافع عنى بكل اهتمام
و مهموش افكار الناس و الكلام
و قالهم ان بسبب محبتى و عطائى
الكل فى يوم من الايام
هيتكلموا عن توبتى لنهاية الزمان

للامانة منقول من مجلة

المصدر: †† ارثوذكس †† - من قسم: القسم الادبي

[كيرو رافت]

بشكرك جدا يا م ن ي م و
على امانتك فى النقل وعلى زوقك الراقى والجميل فى اختيار موضوع بجد
بجد من اروع واجمل ما قرات
اختيارك بجد هايل يا منيمو
موضوع فعلا يستحق التقييم ووضعه فى القسم الادبى
ميرسى يا منيمو
منيمو
منيمو
منيمو
سورى بس بتعود على الاسم الجديد