[isisfawzy]

جميلة قوى قوى ومعزية يا ريت كلنا فعلا نعرف نتكلم مع ربنا بالشكل دة ونطلع لة كل اللى احنا خايفين منة وهو قادر انة يطمننا ( ها انا واقف على الباب اقرع ) ربنا يبارك فى خدمتك يا مايكل ودايما تكتب لنا الحاجات الحلوة دى اللى كلنا بنستناها .

[isisfawzy]

المشاركة الأصلية كتبت بواسطة mickey بقلم مايكل سامي قد تعودت يوميا عندما اعود من العمل الي المنزل انظر الي صورة المسيح واقول له شكرا ياالهي انك ارجعتني الي بيتي بسلام وحافظت عليا واقول ابانا الذي ثم اقوم بتغيير ملابسي ولكن اليوم عدت الي المنزل ودخلت غرفتي ولم انظر الي صورة المسيح ولم اكلمه وبدات ولاول مرة ان انزع ملابسي دون اي اهتمام او شكر له علي عودتي وبعد انتهائي من تغيير ملابسي خرجت من غرفتي كي اتناول الطعام وعندما رجعت مرة اخري الي غرفتي اغلقت الباب واذا بشخص يقف خلفي لا استطيع ان احدد ملامحه من كثرة النور الخارجه من وجهه فقولت له من انت فقال انا الذي ارجعك سالما وانت لم تشكره لماذا ياحبيبي لماذا فبكيت وقولت له انت تعرف جيدا لماذا فقال اريد ان اسمع منك فقلت له لماذا يالهي لماذا كل هذا هو انا مش بني ادم ؟؟ هو انا مش بحس ؟؟ ليه سامح بده ؟؟ طبطب عليا وقال احكيلي مالك احكيلي انا سامعك عندما لمست يداه ظهري احسست بطمئنينه لا اشعر بها من قبل احسست اني لا اري جدران الغرفه من كثرة الملائكة التي عليها فأرتبكت لبضع ثواني ثم ابكيت مرة اخري وقولت له لماذا كثير من الناس يضايقونني لماذا يهدمون اماكن عبادتي لماذا يتربصون لي انا واخواتي بكل مكان لماذا لماذا لماذا لماذا ياألهي تسمح بكل هذا ارجوك قل لي لماذا فانت خلقتني وخلقته لماذا هذا ياألهي فقال لي انسيت ماذا فعله بي الكتبة والفرسيين ؟؟؟ فأنهم كانوا يطاردونني في كل مكان وكانوا يكرهون الجميع فيا هل العبد افضل من سيده ؟؟؟ فقولت له اذن لماذا صديق عمري في العمل وطول حياته لم يتكلم معي في الدين لماذا ينتقدني الأن لماذا لماذا ؟؟؟ فقال لي انسيت يهوذا ؟؟؟ فكان احدي تلاميذا ورأي كل معجزاتي ولكن مع كل هذا سلمني بقليل من الفضه فقلت له احد اصدقائي الأخرين قال لي ما يحدث لكم الان هو ظلم واضطهاد وعند وجود مديري في العمل وجدته غير كل كلامه ولم ينصفني بكلمه فقال لي انسيت مافعله بطرس تلميذي ؟؟ لقد انكرني بس يارب انا مش انت مين يابني قالك انك مش زيي ؟؟ ده انا خلقتك علي صورتي ومثالي ومن مسك يمس حدقة عيني انت ابني من صنعة يدي طيب يارب ايه حكمتك في كل اللي بيحصل ليا ده يسوع : فاكر يوسف لما اخواته رموه في البير وانا سمحت بهذا ثم اتهم بالباطل مع زوجة فوتيفار وتم سجنه بالباطل لماذا فعلت هذا ؟؟؟ كي احمي شعب باكمله بل بلاد كثيرة من خطر المجاعه وفي الأخر عوضت يوسف عن كل هذا انسيت داينال عندما سجنته ؟؟؟ كي اثبت لداريوس الملك ماهي قدرت اله دانيال كي يأمن هو وكل الشعب بي انسيت يونان ؟؟؟ فلولا الحوت ماكانت مدينه كاملة امنت بي وكانت ستهلك ياأبني الضيقة التي اعطيها لك هي باب امل ورجاء وخلاص لكثيرين وثق ان أجرك السماوي محفوظ فانا عادل طيب يارب لحد امتي هحس احساس المضطهد في كل مكان ده ؟؟ ياأبني في العالم ستجد ضيق ولكن ثق اني قد غلبت العالم يارب عندما اقرأ الأنجيل ارتاح ولكن عندما اشاهد الواقع بعيني ارتعب الرب : صدقني ياحبيبي انت منقوش علي كفي ثق ان كل مايفعل فهو للخير ثق اني معاك جمبك حاسس بيك وبكل اخواتك ثق اني بكون فرحان لما بشوف ايمانكم وثق اني ببكي لما بحس انكم زعلانين او خايفيين ولادي مصنوعين من صخر بداخلهم روح قدس تقاوم اي شر لا تخف واخدني في حضنه بشده ثم فجأة وجدت الغرفة عاودها الظلام مرة اخره فبكيت وقولت له سامحني يايسوووووع واشكرك اشكرك اشكرك اشكرك علي عودتي اليوم سالما الي منزلي تامل شخصي ليس اكثر بجد ياحبايبي ياريت منخافش مش كده وبس لا لازم نقرا في الأنجيل ونقرب لربنا اكتر واكتر لازم نروح الكنيسة ونصلي لربنا مش عيب اننا نشكيلة ونبكي ونعاتبه المهم اننا نخرج كل اللي جوانا عشان نستقبل تعزياته مش كفاية انك متخافش وبس لا لا لا امتص الخوف من داخل اي حد تاني تحس انه خايف طمنه وصبره ربنا مع الجميع وصلوا من اجلي

جميلة قوى قوى يا ريت فعلا كل واحد فينا يعرف يتكلم مع يسوع ويطلع لة كل اللى جواة ويقولة اللى هو خايف منة وهو قادر انة يطمننا ( ها انا واقف على الباب اقرع ) ربنا يبارك فى خدمتك يا مايكل ودايما تكتب لنا الحاجات الحلوة دى اللى كلنا بنستناها.

[Malak sokar]

الموضوع اكثر من رائع رغم ان انت بتتكلم عامي وربنا بيتكلم فصحي هههه انا اقصد ان ربنا هيكلمك زي مانت بتكلمة بالظبط

بس بردو زي مابيقولو رويس محطوط هنا لية ؟

[MICKEY]

المشاركة الأصلية كتبت بواسطة رويس لالالالالالا انت علي فكرة فاهم نقطة غلط انا هنا في القسم مليش علاقة خالص بأي حاجة، فأنا اتحطيت مشرف في موضوع حادثة كنيسة القديسين علشان انزل الاخبار بسرعة ولكن حصل بعدها اننا اتوقفنا ودوري اللي كنت محطوط علشانه خلص فبالتالي اصبح وجودي في القسم بصفة ادارية (كمشرف) ملهوش لزمة علشان كده مليش دخل بالاجراءات بتاعه القسم من حيث النقل او الموافقة علي المواضيع او متابعه الردود والحاجات دي، انا فقط لما لقيت العنوان اللي كاتبه وبصيت لقيت الموضوع في قسم الاخبار استغربت بين الاتنين فقولت ادخل اقرا الموضوع ولما لقيته روحي وطلعت في صفحة القسم لقيت كذا موضوع تاني علشان كده قولتلك عليهم، ولكن انا لا هانقل والا احذف سواء موضوعك او موضوع حد تاني هي الفكرة ان هيما تقريباً نساني في قسم الاخبار ومفتكرش يشيلني تاني.

انت منور القسم كله ياحبيبي وطالما قادر تعمل حاجه اعملها
ومش تستني اذن من حد

اما بخصوص ايه علاقة الموضوع بقسم الأخبار
القسم هنا انا طلبت من هيما انه يفتحه
وان اي حد مش مسجل بالمنتدي يقدر يقرا كل المواضيع اللي فيه
وده عشان لما نحط اي خبر او موضوع خاص بمنتدانا في صفحتنا علي الفيس بوك كل الناس تقدر تشوف من غير ماتسجل دخول
لأن بأمانه لو الناس هتتقيد بتسجيل دخول او عمل عضوية علي الموقع عشان تقرا الموضوع
محدش هيهتم
وممكن اخلي هيما يعمل قسم خاص بالصفحة ونسميه مثلا
orsozox page
هقترح معاه الموضوع لو نفع
سامحني وصليلي

[MICKEY]

المشاركة الأصلية كتبت بواسطة ساندي صبري جمييييييييييييييييييل اوي التامل ده انا اتاثرت بيه اوي ولمس قلبي

شكرا كتير ياسندي
وجودك في الموضوع وردك عليه اسعدني كتير
صليلي

[MICKEY]

المشاركة الأصلية كتبت بواسطة finyara حلو جدا" يا ميكى ومعزى خالص فى الايام اللى احنا فيها ديه بس انت ماطلعش دمك خفيف وبس لاء وكمان متأمل رائع وليك مستقبل كبييييييييييييييييير

بجد انا مش قد الكلام اللي حضرتك كتبتيه هنا وعلي الصفحة هناك
انا لا متأمل ولا مضحك .. انتوا بس اللي بتجاملوني
حقيقي اشكرك كتير وصليلي كتير
وربنا يحافظ علي حضرتك

[MICKEY]

المشاركة الأصلية كتبت بواسطة [email protected]@@noooo ميكي : تأملك رائــــــــــــــــــــــ ع وعجبني جدا جدا وربنا يدينا روح التحمل والصبر وبعدين اول لما تدخل ماتنساش تصلي

قبل مانام في حاجات لازم اعملها
هههههههههههههههههه
شكرا يامااااانووووووووو ياحبيبي
ربنا يخليك ليا ياغالي

[MICKEY]

المشاركة الأصلية كتبت بواسطة rona شكرا ليك ياميكى على الكلام الحلو دى مش هاقوالك انت فؤاتنى بس فى حاجة كانت مش بافكر فيها الموضوع حلوا جدا جدا

بجد اجمل مافي الموضوع انه لمس كتير
انا مش كنت اعرف انه هيعمل الشغل العالي ده )
بجد ربنا يخليكي وميرسي كتير لتواجدك هنا في الموضوع
وردك بجد اكبر مني بكتير

[MICKEY]

المشاركة الأصلية كتبت بواسطة isisfawzy جميلة قوى قوى ومعزية يا ريت كلنا فعلا نعرف نتكلم مع ربنا بالشكل دة ونطلع لة كل اللى احنا خايفين منة وهو قادر انة يطمننا ( ها انا واقف على الباب اقرع ) ربنا يبارك فى خدمتك يا مايكل ودايما تكتب لنا الحاجات الحلوة دى اللى كلنا بنستناها .

ربنا يخلي حضرتك واتمني ان تتواجدي معانا هنا علي طول علي الموقع
وتفدينا بردودك ومواضيعك المتميزة
انا ملاحظ ان دي اول مشاركه ليكي في المنتدي )
منتظرين تواجدك وتفاعلك معانا
بجد انا مبسوط اوووي بتواجدك هنا
صليلي كتير
ربنا معاكي ممع كل اسرتك

[MICKEY]

المشاركة الأصلية كتبت بواسطة ملاك سكر الموضوع اكثر من رائع رغم ان انت بتتكلم عامي وربنا بيتكلم فصحي هههه انا اقصد ان ربنا هيكلمك زي مانت بتكلمة بالظبط بس بردو زي مابيقولو رويس محطوط هنا لية ؟

اهلا اهلا بست الناقده
صدقيني انا مش دققت في العامية ولا الفصحي
انا كنت بكتب عشان كنت عايز اكتب حاجه جوايا وعايز اخرجها
بس اكيد سواء عامية او فصحي فالهدف وصل للناس وده المطلوب اثباته

اما عن موضوع ان الموضوع المفروض يبقي في قسم تاني
فصدقيني القسم هنا انا طلبت من هيما انه يفتحه
وان اي حد مش مسجل بالمنتدي يقدر يقرا كل المواضيع اللي فيه
وده عشان لما نحط اي خبر او موضوع خاص بمنتدانا في صفحتنا علي الفيس بوك كل الناس تقدر تشوف من غير ماتسجل دخول
لأن بأمانه لو الناس هتتقيد بتسجيل دخول او عمل عضوية علي الموقع عشان تقرا الموضوع
محدش هيهتم
وممكن اخلي هيما يعمل قسم خاص بالصفحة ونسميه مثلا
orsozox page
هقترح معاه الموضوع لو نفع
سامحني وصليلي