[MICKEY]

بقلم مايكل سامي




ايه اللي حصلك يابلد ؟؟؟
هو انا مش ابنك ولا ايه
هو انا مش داخلت جيشك وكنت مستعد اخوض اي معركة واموت عشانك ولا ايه ؟؟؟
هو انتي مش امي ولا ايه ؟؟؟
امال ليه بتعامليني كده
ليه بحس اني فيكي متهان ومتداس

واخرتها يامصر حقوقي ضايعه وفلوسي منهوبة
واخواتي مقتولين ومرميين في كل مكان

كفاية بقي وقولي للظالم كفاية
دلوقتي من اول مانزل من بيتي لحد ماوصل شغلي مظاهرات في كل مكان

شوية .. الزبالين قاطعين الطريق عاملين مظاهرة
شوية سواقين اتوبيسات النقل العام قافلين الطريق وعاملين مظاهرة
شوية .. مؤيدين مش عارف مين عاملين مظاهرة
وشوية .. من اللي لسه مش حققوا مطالب الثورة عاملين مظاهرة
وشوية .. الاقباط عاملين مظاهرة عشان كنايسهم اللي اتهدت واولادهم اللي ماتوا

طيب لحد امتي هنفضل كده
عاوزين حل للمشاكل دي كلها
عاوزين نبص لقدام بقي ونطور البلد دي
عاوزين حد معاه عصا من حديد يعاقب كل من اجرم في حق غيره

لو سكتنا علي الغلط مرة هنسكت 1000 مرة
لازم حد يمسك زمام الامور بحزم ومش يخلي اي سلبيات تحصل تؤدي الي حدوث تظاهر


ارجوكم مسلم ومسيحي ايدينا في ايد بعض نحمي بلدنا
اخويا المسلم انا اللي حميتك وانت بتصلي في التحرير
احمي كنيستي معايا ومش تسمح بالتخريب

وفي ختام قولي احب اقول ان الحامي هو الله
والله موجود وادعوه ان يهدي كل الأمور

المصدر: †† ارثوذكس †† - من قسم: orsozox page in facebook

[فرح®]

آمين ..يا رب احمي مصر ..احمي سوريا ..احمي البلدان العربية
من الخونة و مؤامرات اسرائيل وأمريكا ..
ميرسي كتير اخي ميكي على وطنيتك و حبك لبلدنا أم الدنيا مصر ...

[اشرف وليم]

شكرا لتعب محبتك

[بنت يسوع المخلص]

عاوزين حد معاه عصا من حديد يعاقب كل من اجرم في حق غيره
شكرا ياميكى على كلامك بجد جميل جدا وبتمنى فعلا نحس بالامان فى مصر لان كفاية ان ربنا مبارك شعب مصر وربنا يعوض تعب محبتك

[twaty]

ان الحامي هو الله

والله موجود وادعوه ان يهدي كل الأمور

ربنا يهدى الحال يارب
بجد بفتقد الامان فى الايام دى ربنا يحامى عنا
ويعدى الايام على خير يارب ربنا موجود

[Dr.PeRO]

ربنا يهدي الحال فعلا ... ياريت كلنا نصلي جامد من أجل بلدنا
واللى نقل جبل المقطم كان صراخنا بكيرياليسون مع الصيام الانقطاعى
ياريت نقدر ده لو ان احنا بالذات لو عملنا مليون مظاهرة برضه مش هانقدر ناخد كل حقوقننا عشان مملكة ابليس بتعمل ضدنا بكل جهدها، واحنا بشر مانعرفش نجارب شياطين، عشان كده لازم نستعين بالقوة السمائية بالتضرع لربنا والتوبة القلبية كى نتفادى غضبه