[david201050]

بسم الثالوث القدوس انا فية سوال ملح عليا ودايما بسالة كتير لنفسي وعرفت انا اجابتة بس حابب اشوف اجابتكم عليه هاتكون ايهوهي ايه هي مفهوم الصداقة في نظرك وفي نظريكوهي انت بنت بتفضلي الصداقة عن طريق النت ولاا عن طريق الحياة والدراسة والواقع المحيط بينا كبشر ولو انت ولد تفضل الصداقة عن طريق النت ولاا عن طريق الناس المحيطة بيك في العمل او الدارسةاو في الحياة عموماومنتظر ردودكو ياحلي واجمل اصدقاء واعضاء في منتدي اورزوزكسوصلو من اجلي ومن اجل الخدمة وربنا يباركك جميعا ويحافظ عليكم امين

المصدر: †† ارثوذكس †† - من قسم: الموضوعات الشبابية

[شنوده جرجس]

بسم الثالوث القدوس

أخى المبارك / ديـفـيــــــــــد
سلام ونعمة ربنا يسوع المسيح فلنكن معنا جميعا
أنت طرحت موضوع مهم للغاية وطرحته فى عدة سطور قليلة
وهذا الموضوع يحتاج لردود طويلة وسأحاول أن أختصر.
أولا ـ مفهوم الصداقة بإيجاز شديد :
هي نوع من أنواع الحب وهى مسؤليه مشتركة لا تبنى على طرف واحد أبدا.
هي البستان الذي تزرع فيه بذور الحب والعطف والاحترام والاهتمام والثقة والتضحية والدعم والتواصل والتسامح .
وكما قال جبران خليل جبران عن الصداقة :
ـ صديقك هو كفاية حاجتك
ـ هو حقك الذى تزرعه بالمحبة وتحصده بالشكر
ـ هو مائدتك وموقدك لأنك تأتى إليه جائعا وتسعى وراءه مستدفئا .
ثانيا ـ من ناحية إختيار الصديق :
ـ يجب علينا التأنى والتدقيق فى إختيار الأصدقاء
فالصداقة تختلف عن المعرفة وعن الزمالة وحتى عن القرابة .
( لأنها ألفة ومحبة بين القلوب )
وقيل قديما ( قل لى من صديقك أقول لك من أنت )
فإختيار الصديق يرجع لك أنت فقط
سواء كانت هذه الصداقة من العائلة أو الزمالة أو المعارف لا يهم
ولكن المهم تكون مبنية على التدين والأدب والأخلاق والإحترام المتبادل
ولنضع فى جميع أركان ححياتنا وليس عن الصداقة فقط
قول الكتاب المقدس ( من ثمارهم تعرفونهم )
أما عن صداقة النت فهذا يحتاج لموضوع آخر منفصل لأن به تشعبات كثيرة وخطيرة جدا
خاصة للبنات أخواتنا فى المسيح
شكرا لك أخى الحبيب على تعب محبتك ربنا

يباركك على هذا الموضوع الرائع

[david201050]

اخي الحبيب شنودة ميرسي ليك ع ردك ومرووك الكريم وربنا يباركك ويرعاك

[david201050]

منتظر ردودكو بجد ع الموضوع دةومحتاج اعرف رودود اعضاء المنتدي كله ع الموضوع دة ورايهم يهميني ضروري وربنا يفرح قلوبكم جميعا

[david201050]

ياخواتي منتظر رودكو الغالية ع الموضوع دةانت تقبل صداقة النت ولا صداقة الواقع من الحياة والعمل وربنا يفرح فلوبكم جميعا

[selo_hero]

الصداقة دى اجمل حاجة فى الدنيا

على فكرة صداقة الواقع بتبقة اضمن من صداقة النت

بس انا منكرش انى اتعرفت على ناس كتير كويس من خلال النت

موضوع جميل ديفيد

[kiro0oalex]

شوف يا ديفيد يا جميل
الموضوع ده بيختلف من واحد للتانى
فصداقه النت صداقه جميله بتجمعها روح حلوه
انا لم انكر ان بهذه الصداقه تعرفت على اصدقاء واحباء الى قلبى كتير يمكن مش قادر اراهم بس يكفينى انى حاسس وشاعر بمحبتهم ولكن لازم يكون واضح اممنا :
مين يكون صديقى وهل هو اهل لها ام لاء وكمان مدى احتفاظى بحريتى الشخصيه واشياء اخرى كتير
لان زى ما ليها مزايا اكيد فى بعض العيوب

اشكرك اخى الغالى المحبوب الى قلبى على التطرق الى الموضوع الهام ده

[Mero.b]

موضوع جميل
بس الصداقه عن طريق الواقع احسن
لان النت عيوبه كتير

[semsema_lovejesus]

موضوع مهم جدا
والرد علية بيختلف من شخص للتانى
وبالنسبالى انك ممكن تتعرف على اصدقاء كويسين من النت
والفرق بين صداقة الواقع والنت ان النت بيعرفك على اصدقاء من بلاد تانية
والمهم انك تختار الاصدقاء الصح سواء من الواقع او من النت
ميرسى جدا على الموضوع وربنا معاك

[رفقة شحات]

انا مش هانكر انى اتعرفت على ناس كتير من على النت وكلنا بنتكلم مع بعض فى الجروبات وبنصلى مع بعض واستفدت كتير اوى من الموضوعات اللى بيطرحوها والمناقشات اللى بدور ما بنا كلنا .... بس دا مش معناه انى احب حد من على النت لانى اه اتكلمت وكل حاجه بس معرفش شكله ولا حتى طباعه وصفاته وعلاقته مع ربنا فى الحقيقه ايه لان فى ناس كتير بتتصنع العلاقه مع ربنا الكبيره فى الحوارات وبيعطى مواعظ
واما صداقه الواقع طبعا افضل وافيد بكتيرررررر اوى من صداقه النت ودا شئ طبيعى جدا لانك انت بتتعامل مع الشخص امامك وجها لوجه وبتعرف صفاته وشخصيته من التعامل معاه
-اذا ان صداقه الواقع افضل مليون مرة من الصداقه من على النت الحب من خلاله دا شئ فاشل جدا