[emmmy]

همسات عتاب

تدعونى السيد ........................ ولا تطيعنى.

تدعونى النور......................... ولا ترانى.

تدعونى الحياه.................... ولا تختارنى.

تدعونى الحكيم.................. ولا تطلبنى.

تدعونى الجميل............... ولا تحبنى.

تدعونى الغنى....................ولا تطلب منى.

تدعونى الابدى................... ولا تبحث عنى.

تدعونى القوى.................. ولا تمجدنى .

تدعونى الحق.............. ولا تؤمن بى.

تدعونى العادل................. ولا تخافنى.

والان اذا حكمت عليك لاتلومنى

المحب يسوع

كلمات استاذ
ظريف

[emmmy]

اين انت من هذا الفداء؟

ياله من منظر عجيب ... ذاك الذى كان فيه الحبيب
محمولاً فوق خشبة الصليب

لو كنت فى وسط الجموع ... وهم يصرخون اصلبوا يسوع
لسكنت فى عينيك الدموع

وتلك نظرة العتاب ... لبطرس جعلته فى عذاب
وبالدموع المريرة تاب

هذه شوكة فوق الجبين ... وتلك طعنة فى الجنب اليمين
لتكمل ذلك العمل الثمين

شوكة تجرح الوجه الجميل ... تجعل الدماء منه تسيل
تعصر قلب أمٍ عليل

وتلك طعنة الفداء ... تخرج الماء والدماء
ليدلان على الفداء والنقاء

فداء معد من اول الدهور ... يمحى كل الخطايا والشرور
وينشر البهجة والسرور

ونقاء القلب والروح ... يدلان عليه جنبه المجروح
وباب قلبه دائماً مفتوح

واقفاً على الباب يقرع ... منتظراً من لصوته يسمع
والى احضان الفادى يرجع

يتمتع بكل هذا الامان ... يبقى معه فى حب وحنان
لا يخاف لا يرتعب طول الزمان

فاين أنت من هذا الفداء ... تائهاً فى شقاء وعناء
تاركاً مجد ابيك والسماء

كلمات الحبيبة
zaza2006

[emmmy]

مين اختار صليب العار.....................

مين فى الامى وحزنى وضعفى بيمسح الدموع
مين بيسامح قلبى ويعفى وبيسمح برجوع



مين ما بيقفل بابه فى وشى وبايده الينبوع
مين بيداوى جراحى غيرك انت يا يسوع




مين اتالم غيره عشانى مين حط نفسه فى مكانى
مين اختار صليب العار واللى جيه من ملكه فدانى 2




مين فى وقت الضيقه معايا مين فى طريقى بدايه ونهايه
مين بيحس اللى فى جوايا و اللى لجرحى هو دوايا




مين بيحنن قلبه عليا مين بيمسح دمع عنايا
مين فى ضيقاتى ليا معين غيرك ربى يسوعى فاديا




مين بيطمن قلبى يقول ما تخافشى ده انا حولك سور
مين فى وقت الحزن ده فرحى ومين لطريقى هو النور




مين فى الغربه غيرك راعى مين بيهدى فى قلبى صراعى
مين فى ضعفى دايما قوه وحصون عاليه وهو دفاعى




مين اتالم غيره عشانى مين حط نفسه فى مكانى
مين اختار صليب العار واللى جيه من ملكه فدانى 2

كلمات
جناح المسيح

[emmmy]

انا حبيت اقدم هدية لقسم حقيقى بعتز بية جدا جدا جدا
اانا قد ما اقدر جمعت مجموعة حلوة من القصايد
والحقيقة يسعدنى ويشرفنى حقيقى انى اكون اول من يسجل اعجابة وانبهارة باقلامكم ومشاعركم ومواهبكم يا شعراء
حقيقى وعن صدق منتهى الابداع والروعة والاحساس والصدق
كنت حاسة انى بين سطور ذهبية ماشية على حافة الفن والرقة والجمال ميكفيهاش مجرد كلمات اعجاب وانبهار
ولان الادبى مليان اكتفيت بهذة السطور اعترافا منى بجميلكم
ومحبتكم ومواهب ربنا ليكم
ولقيت قصائد قديمة جدا حاولت انظف من عليها غبار الزمن والايام علشان تظهر تانى للنور وتستمتعوا بيها معايا
وبقدم اعتذارى للتقصير لان اكيد لسة فى اقلام
وجواهر مدفونة فى قاع بحر الفن والمواهب انا موصلتلهاش

واشكر كل من ساهم معى بتشجيعة الجميل عبر الرسائل الخاصة
حقيقى ليكم منى الف شكر وتقدير على محبتكم وتشجيعكم لانة ساعدنى وحمسنى لتكملة الفكرة المتواضعة اللى مكنتش متصورة انها هتنال كل هذا الاعجاب
اشكركم كتير كل واحد باسمة الف الف شكر
اذكرونى فى صلواتكم

[twaty]

اللة يا ايمى هى فكرة بجد جميلة اوووووى
ومجموعة بجد فى منتهى الروعةو منتهى الجمال ومن كلمات
ومعانى بجد تسلم ايدك على المجهود الحلو دا
واكيد منتظرين المزيد من جمال وروائع القسم الادبى
ربنا معاكى يا قمر ويبارك حياتك يارب

[شنوده جرجس]

جميل جدا ورائع تجميعك لهذه المجموعة الجميلة

فبمجهودك هذا جعلتينا أن نقرأها دفعة واحدة

بدلا من البحث ففكرتك جميلة .

تقبلى منى كل الشكر والتقدير .

وربنا يبارك حياتك ويفرح قلبك

[aymonded]

أشكرك حقيقي يا أجمل إيمي على هذه الهدية الرائعة وقد نقلتها لمكانها الصحيح في أرثو نيوز على أساس أنها تعتبر مقتطفات من تحف المنتدى الرائعة والتي لها أثر فعال وكلمات جميلة رائعة تستحق أن توضع بكل فخر على رأس المنتدى ، أقبلي مني كل شكر وتقدير على مجهودك الرائع ، النعمة تغمر قلبك سلام وفرح لا يزول ...

[فرح®]

القصااائد في منتهى الجمااال و الروعة ...
ميرسي ايمي جدااااااااا على المجهود الأكثر من رااائع .... ربنا يعوض تعب محبتك يا قمر ..آمين

[menovich]

ميرسى فعلآ يا ايمى على المجهود الرائع والأكثر من ممتاز

واختيارك للقصائد والأشعار فى مكانة بصراحة كلهم يفوقوا الوصف وتسلم ايد كل من كتب تلك القصائد والأشعار وهذا دليل بسيط على براعتهم وذوقهم الرفيع واحساسهم المرهف

الرب يبارك حياتكم ويفرح قلوبكم

اسمحى لى بتقييم الموضوع

[سوسنة 2010]

اللة مجموعة قصايد هايلة حقيقى
منتهى الابداع والفن اختيارتك ملهاش مثيل يااايمى
مرسى يا قمر على تعبك ومجهودك الرائع دة ربنا يعوضك