[jakleen]

+++ سلام ونعمة +++

موضوعنا إنهردة عن"الصياد و الضحية" وهايستخدمهم كتعبيرين علشان نسهل سرد الموضوع:
الصياد = الشخص الذى يريد ايقاع البنت فى حباله
الضحية = البنت

نظام عرض الموضوع (علشان محدش يتوة منى) :
1- ما هى المخاطر
2- السيناريوهات المحتمل حدوثها
3- طريقة تجنب المخاطر
4- الخلاصة
5- الخطوط الحمراء
6- ملحوظة

ما هى المخاطر التى يمكن ان تنشأ من استخدام بناتنا للتشات ؟
1- إمكانية وصول اى معلومات خاصة بالضحية (معلومات تدل عليها مثل التليفون - العنوان - الأسم الكامل -موبيل- صورتها ) إلى الصياد

2- إمكانية عمل قصة حب وهمية على التشات ونقلها الى الواقع بهدف استدراج الصياد لضحيته

3- رغبة الصياد فى التلاعب بعواطف الضحية عبر السيطرة العاطفية باستخدام التشات (عاوز يتسلى بس)

السيناريوهات المحتمل حدوثها لكل من المخاطر السابقة :
1- فى حالة خروج معلومات شخصية خاصة بالضحية
بالطبع سيعتمد على ايهامها بالحب لكسب ثقتها وقلبها بهدف الحصول على اى من المعلومات الخمسة الدالة عليها

- التليفون المنزلى :
الأتصال بها بشكل متكرر (معاكسات) من اماكن مختلفة (حتى لا يكشف هويته)
إماكنية توزيع رقمها أو بيع رقمها على بعض الصيادين الآخرين
إمكانية معرفة اسم والدها بالكامل والمنطقة التى تسكن بها باستخدام دليل التليفونات أو من موقع المصرية للأتصالات
اماكنية قول لها كلمات خارجة عن نطاق الأدب

- العنوان :
يمكن انتظار خروجها لمعاكستها او مضايقتها

- الأسم الكامل :
يمكن من الاسم الكامل معرفة التليفون والمنطقة التى تسكن بها الضحية
يمكن اساءة سمعة الضحية اعتماداً على اسمها وعنونها

- الموبيل :
يمكن ارسال الية رسائل جنسية للضحية
يمكن ارسال صورة جنسية للضحية
امكانية الاتصال المتكرر بها (معاكسات) لدرجة عدم قدرتها على استعمال الموبيل بتعها من كثرة الـ Missed Call

- صورتها :
فى منتهى الخطورة اخراج صورتها (مهما كان هذا الشخص تثق به ) عن طريق الأنترنت
يمكن عمل لها مونتاج واضافة صورة الضحية لواحدة لابسة من غير هدوم والتهديد بتشوية سمعت الضحية بهدف :
حصول الصياد على ما يريده من الضحية
تحويل الضحية الى الاسلام
الحصول على المال مقابل عدم تشوية سمعتها بالصور التى يملكها

2- امكانية عمل قصة حب وهمية بهدف استدراج الصياد لضحيته
لو فرضنا ان الضحية فى البداية كانت حذرة ولم تخرج اى من المعلومات الخمسة الدالة عليها
السيناريو المحتمل هو تركيز الصياد على الكلام العاطفى ومحاولة اظهار محاسنها بهدف السيطرة العاطفية عليها, بهدف اخذ ثقتها وقلبها لكى يصل الى هدفه النهائى وهو :
يتسلى بيها وياخد اللى عاوزه منها
أو
يدعوها لتغير دينها من اجل الزواج

3- الصياد بيلعب بعواطفها
لو فرضنا ان الصياد لا يريد سوى ان يتسلى بالضحية على التشات فقط بكلام عاطفى جميل ويوهمها بالحب ومن الممكن ان يكون هذا الصياد مسيحي (وليس مسلم يريد اسلمتها)
هنا الضرر المتوقع هو صدمة عاطفية فقط

طريقة تجنب هذة المخاطر :
1- عدم اخراج اى من المعلومات الخمسة لاى شخص على التشات مهما كان حتى لو كانت امرأة

2 و 3 - اعلمى انه لا يوجد حب على التشات
ولكن يوجد تعارف وصداقة وممكن اعجاب ومن الممكن تتحول الى علاقة جادة فى المستقبل تحت شروط معينة سيتم ذكرها لاحقاً
دائما اى علاقة عبر التشات هى علاقة صداقة فقط ولن تخرج عن نطاق الصداقة الا بشروط معينة

الخلاصة : اذا كان انسان كويس ومحترم كلمية زى منتى عاوزة على التشات ولكن حطى ادامه خطوط حمرة, الزمية على انه ميعدهاش مهما كان هذا الانسان ومهما كانت درجة الثقة بينكم
اتكلمو فى كل حاجة تتخيليها ماعدا الخطوط الحمراء التالية

الخطوط الحمراء :
1- عدم اخراج اى من المعلومات الخمسة نهائياً
حتى لو طلب منك ابونا (من خلال التشات) المعلومات دى مطلعهاش نهائى!
لان فية سيناريو ممكن يحصل فى هذا السياق :
يضيفك واحد على المسنجر ويحط صورة لاى قديس, ويفهمك انه ابونا لكنيسة كذا اللى انتى بتروحيها, ويطلب منك التليفون والعنوان علشان عاوز يجي ويباركك لانه هيعدى على المنطقة اللى انتى ساكنه فيها بكرة, ولو سألتية هو حضرتك جبت اميلى منين يا ابونا ؟ هيقولك عرفته من احدى اصدقائك البنات
الحذر وكل الحذر

2- عدم السماح له بالدخول فى اى كلام جنسى باللفظ او بالايحاء العام فى الحديث

3- عدم السماح له بالتمادى فى مغازلتك حتى لو كانت مغازلة عفيفة (لا مانع من كلمات تقدير لكى مثل انتى انسانة رقيقة جدا او لطيفة او ... ) ولكن لا تسمحى له بالتمادى فى هذا الأتجاة


------------ --------- --------- --------- -----

ملحوظة

طيب نفرض ان هناك علاقة صداقة عبر التشات تحولت الى اعجاب كل طرف للطرف الآخر ثم تحولت الى رغبة جادة فى محاولة التعرف على ارض الواقع ؟
طبعا بعد كل التحذيرات اللى فاتت دى اتعقدتى خلاص من التشات واللى بيعملو تشات والانترنت كله

ممكن تكملى الصداقة على ارض الواقع ولكن بشروط محددة :
الشرط الأول :
مكان المقابلة الدائم فى الكنيسة من خلال اجتماعات الشباب والقداسات والرحلات الكنسية

الشرط الثانى :
عدم اخراج اى من المعلومات الخمسة السابق ذكرها

الشرط الثالث :
خدى معاكى الخطوط الحمراء اللى اتكلمنا عليها سابقاً

- باختصار عاملية زى ما بتعملى اصدقائك الشباب فى الكلية واصدقائك الشباب فى الكنيسة

طيب وبعدين وآخرة الصداقة دى اية ؟
ليها نهايتين :
الاولى : انتهاء الصداقة كما يحدث مع زملائك واصدقائك فى الكلية او الكنيسة
الثانية : تحول العلاقة من صداقة الى علاقة جادة تاخذ مسارها فى الطريق الطبيعي بتعها ( خطوبة - زواج)

اذكروني في صلوتكم

م
ن
ق
و
ل

المصدر: †† ارثوذكس †† - من قسم: المنتدى العام

[menovich]

ميرسى جاكلين على الموضوع الرائع والنصائح الغالية

ربنا يحافظ على اولادة وبناتة من عدو الخير ويعطينا الفهم والأدراك لكى نعى ما يحدث من حولنا ونتعظ ايضآ بما يحدث كل يوم

ربنا يباركك ويبارك فى تعب محبتك

اسمحى لى بتقييم الموضوع

[jakleen]

المشاركة الأصلية كتبت بواسطة menovich ميرسى جاكلين على الموضوع الرائع والنصائح الغالية ربنا يحافظ على اولادة وبناتة من عدو الخير ويعطينا الفهم والأدراك لكى نعى ما يحدث من حولنا ونتعظ ايضآ بما يحدث كل يوم ربنا يباركك ويبارك فى تعب محبتك اسمحى لى بتقييم الموضوع

أمين يا رب يحافظ على كل ولاده و بناته في كل مكان بصلوات أمنا العدرة
الشكر ليك بجد لمرورك إلي ديماً بيسعدني وبينورلي مواضيعي ... ربنا يباركك مرسي ليك مرة تانية وبجد دة كتير أوي محبتك

[dodielpop]

ميرسي يا جاكلين علي الموضوع وعلي النصائح وربنا يفرح قلبك

[brokenheart]

ميرسى اوى يا جاكلين بجد موضوعك جميل جداااااااااااا وصح جدا جدا

[MRAMER]

مرسي خالص خالص يا جاكلين بجد موضوع جميل جدا
ويستحق التقييم ربنا يعوض تعب محبتك

[jakleen]

مرسي يا امارات يارب يخليكم ... بجد نورتو موضوعي بمروركم إلي أسعدني كتير ... يا رب بجد الكل يستفيد وربنا يدينا الحكمة في التعامل مع المجتمع إلي عايشين فيه ... ربنا يحفظكم

[كيرو رافت]

ميرسى بجد يا جاكى على اختايرك للموضوع الرائع والمهم جدا ده
لانه ياما حصلت كل المشاكل اللى اتكلمتى عنها واكتر من كدا
ربنا قادر انه يحفظ بناته من الزئاب الخاطفه

ميرسى ليكى مرة تانيه يا جاكى على التحزيرات المهمه جدا ويا ريت كل بنت تقرأها مرة واتنين وتلاته
ويخلوا بالهم كويس قوى

[kottah_sh]

موضوع رائع فعلا يا جاكى
بجد عرفتى تختارى صح جدا
لان فيه مشاكل كتير جدااااااااااااا بتحصل بسبب النت والثقه العمياء
ميرسى ياقمر لاختياك الموضوع
وربنا يحافظ على كل بناته وينور طريقهم

[jakleen]

المشاركة الأصلية كتبت بواسطة كيرو رافت ميرسى بجد يا جاكى على اختايرك للموضوع الرائع والمهم جدا ده لانه ياما حصلت كل المشاكل اللى اتكلمتى عنها واكتر من كدا ربنا قادر انه يحفظ بناته من الزئاب الخاطفه ميرسى ليكى مرة تانيه يا جاكى على التحزيرات المهمه جدا ويا ريت كل بنت تقرأها مرة واتنين وتلاته ويخلوا بالهم كويس قوى

مرسي كتير المرورك إلي بجد بجد شرف و نور موضوعي ... مبسوطة كتير إن الموضوع عجبك وفعلاً ذي ماقلت لكم يكون في حذر شديد في الكلام مع الاخرين خصوصاً لو معرفتنا بيهم كانت من خلال النت بس !!!