[magdy totti]

المشاركة الأصلية كتبت بواسطة nermos1982 هههههههههههههههههههههههه كلا لا يمكن ان يختلط الزيت بالماء. اكررها لا يمكن ان يختلط الزيت بالماء

مااشى يااا رشا
ااقصد يانرمين
ههههههههههههههههههههههههه ه

[nermos1982]

ههههههههههههههههههههههههه هه ماشى يا مجدى
وعلى فكرة انا مكهربة الموضوع اللى هايفكر بس يكتب اى سؤال هو حر.

[zaza2006]

منورة يانؤمين اخيرا جه الدور عليكى دى فرصتى اسئلتى بقى


ايه هى صفات الانسان اللى تتمنى ترتبطى بيه؟

لو حسيت بمشاعر حب تجاه شخص هل ممكن تلمحي له؟

ايه الحاجة الوحيدة اللى فى الحب اللى مش ممكن تسامحى فيها؟

تقدر تسامحي فالخيانة حتى لو كنتى بتحبيه جدا؟

كفاية عليكى كده على ما افكر

[nermos1982]

منورة يانرمين اخيرا جه الدور عليكى دى فرصتى اسئلتى بقى

اشمتى ياختى الدور جاى عليكى متقلقيش

ايه هى صفات الانسان اللى تتمنى ترتبطى بيه؟

الانسان اللى ارتبط بيه عايزاه يكون ابن ربنا على الاقل يخاف ربنا فيا ويكون بيحبنى وبيخاف عليا . بجد مش عايزة اكتر من كده

لو حسيت بمشاعر حب تجاه شخص هل ممكن تلمحي له؟

مممممممممممم مش هاعرف المح. يعنى اروح اقوله ولا ايه ؟مش فاهمة المح ازاى
بس عموما انا بيبان عليا هههههههههههه

ايه الحاجة الوحيدة اللى فى الحب اللى مش ممكن تسامحى فيها؟

الخيانة والكدب

تقدر تسامحي فالخيانة حتى لو كنتى بتحبيه جدا؟

لا مقدرش

كفاية عليكى كده على ما افكر

لا ياحبيبتى مفيش تفكير خلاص

بس مش ملاحظة يا نهى ان اللى حكم عليا بالسجن مدخلش الموضوع من ساعتها ؟ ههههههههههههه شفتى ربنا يابنتى

[كيرو رافت]

موش عارف يا نيرمين
واضح ان اصدقائك موش عايزين يحرجوكى
لكن الكلام ده مالوش اساس فى المحاكمه

جاوبى على الاسئله وبدون تهرب ولا اجابات دبلوماسيه
عايز اجابات قاطعه

س : امتى نيرمين حست انها وجدت الانسان اللى بتتمناه ولكن بعد فترة لم يكن هو ما تتمنيه
س : فاكرة امتى كانت اول قصه حب عيشتيها وازاى انتهت
س : عايز اعرف ليه دايما بحس فى كتاباتك بانك لاقيتى الحبيب
وفجأه تتكلمى عن الهجر والبعد والغدر
س : لو حسيتى ان فيه انسان بيحيك وانتى عقلك وقلبك مع انسان اخر يا ترى هاتقدرى تواجهيه ولا هاتعملى ايه
س: امتى نيرمين بتبكى وامتى بتضحك

كفايه عليكى دول لغايه ما افوق وارجع لك

اه نسيت قررت المحكمه استمرار حبسك لمده اربعه ايام على زمه التحقيق ويراعى التجديد فى الميعاد

[menovich]

مساء الخير يا نانا اخبارك ايه ؟

شدى حيلك السجن للجدعان ازمة وهتعدى

لازم تساعدينى يا نانا علشان اقدر اظهر برائتك

هما كام سؤال وبس تقولى بصراحة

1 - لو اعجبتى بشخص مين اول واحد بيعرف سواء من البيت او الأصدقاء ؟

2 - هل بتتضايقى من تأخيرة حتى ولو اللقاء الثانى من دون ميعاد ؟

3 - لو شدك هذا الشخص فعلآ هل تطلبى مشورة ربنا ؟

4 - لو فى اى حد معترض فى البيت عندك هل هتحاولى تقنعيهم ؟

5 - هل ممكن تعجبى بحد اصغر منك ؟

[emmmy]

يا عينى يا نرمو انتى صعبانة عليا بجد
بقولك اية انا ليا سؤالين بس مش هطول عليكى لحسن مافيكيش نفس اساسا
1- امتى اول مرة حسيتى انك بتحبى وكان مين يعنى قريبك ولا زميلك ولا اية بالظبط
2- ياترى الحب بالنسبة لك بيبدا بالقلب ولا العقل

[nermos1982]

مين
فين
ليه
امتى
ازاى
انا تقريبا دخلت غلط اسيبكم بقى وارجعلكم كمان 3 شهور

[menovich]

ممكن علشان تطلعى برائة

تجاوبينى بصراحة على الأسئلة

وبسرررررررررعة

[nermos1982]

موش عارف يا نيرمين

واضح ان اصدقائك موش عايزين يحرجوكى

ربنا يخليهم ليا يارب مش زى ناس . واخد بالك انت ياحج حسين؟

لكن الكلام ده مالوش اساس فى المحاكمه

جاوبى على الاسئله وبدون تهرب ولا اجابات دبلوماسيه
عايز اجابات قاطعه

معيش سكينة

س : امتى نيرمين حست انها وجدت الانسان اللى بتتمناه ولكن بعد فترة لم يكن هو ما تتمنيه

ممممممممممممممم مش عارفة

س : فاكرة امتى كانت اول قصه حب عيشتيها وازاى انتهت

مكنش حب كان مجرد اعجاب وانتهى علشان مكنش ينفع اعلق نفسى بحد ممكن مكنش فى باله اصلا

س : عايز اعرف ليه دايما بحس فى كتاباتك بانك لاقيتى الحبيب
وفجأه تتكلمى عن الهجر والبعد والغدر

يمكن علشان ساعات الواحد بيفتكر انه لقى الانسان اللى بيتمناه وفجاة يضيع من بين ايديه . وده شفته حواليا كتير. او يمكن علشان ساعات الواحد بيوهم نفسه بحب وفجاة يفوق من الوهم ده
بس متقلقش من هنا ورايح مش هاتكلم عن الغدر . ممكن اتكلم عن البعد لكن الغدر لا خلاص

س : لو حسيتى ان فيه انسان بيحيك وانتى عقلك وقلبك مع انسان اخر يا ترى هاتقدرى تواجهيه ولا هاتعملى ايه

هابينله بتصرفاتى . يعنى هو مدام بيحبنى هايبان ده فى كلامه معايا فهاحاول من خلال ردودى وكلامى ابينله ان مفيش من ناحيتى ليه حاجة

س: امتى نيرمين بتبكى وامتى بتضحك

ببكى اوى لما بحس ان اقرب الناس ليا بعدوا عنى . عدت عليا الفترة دى وبجد كانت الدنيا سودا بالنسبة لى بس تقدر تقول كده خلاص اتعودت . لقيت الكل ماشى بمبدا اللى يبيعك بيعه وانا حاولت معاهم كتير واتكلمت كتير فمش لاقية حاجة تانى ممكن اعملها . وببكى كمان لما احس بالظلم
بضحك بقى لا ببقى قاعدة مع اصحابى فى ساعة صفا كده او فى رحلة ولما بشوف حد عزيز عليا فرحان ومبسوط ساعتها بضحك بجد من قلبى

كفايه عليكى دول لغايه ما افوق وارجع لك

هو انت كل ده ومكنتش فايق؟ حسبى الله ونعم الوكيل فيك يا فخرى

اه نسيت قررت المحكمه استمرار حبسك لمده اربعه ايام على زمه التحقيق ويراعى التجديد فى الميعاد

تجديد مين ؟ ده انا مصدقت ان خلاص الافراج قرب. عاااااااااااااااااااااااا ااااااا
وبعدين متقلقش انا مكهربة الموضوع .اللى يقرب بقى هو الجانى على نفسه