[Team Work@WeeKenD]

المجد لله فى الأعالى وعلى الأرض السلام وبالناس المسرة

( لو 2: 13 ، 14)

كل عام وأنتم بألف خير وربنا يجعل العام الجديد عام بهجة وسرور لكل العالم لأن شمسه تشرق على الأبرار والأشرار .

كل عام ومنتدى أرثوذوكس مزدهر وبالحياة مشرق وبالمشاركات نشيط وسعيد.

كل عام ونحن بعيد عن أعمال وحسد ابليس
كل عام ونحن بخير وصحةوسعادة .

كل عام والبداية والنهاية تقوينا ورب المجد وسطينا يملائنا بحبة ويزيدنا من رحمته وعنايته بينا .

كل عام وفرسان النور مشرقين وفى محاربة الشر منتصرين وبعناية ربهم فرحين.

كل عام ومؤسسين هذا المنتدى متفائلين وعلى خدمة المسيح مستعدين وفى العطاء فرحين ومسرورين .

كل عام والمسيح ابدا مش نسينا .

MerryChristmas

Happy New Year

2010

أهلا بيكم فى أولى أعداد برنامج
WeeKenD

لعام
2010

ويك اند برنامج متخصص لعرض أحداث الأسبوع التي مر بها منتدانا أرثوذوكس

من أخبار ادارية , أخر الأحصائيات , أهم الموضوعات , وأخبار الأعضاء
وكل ما تم نشره من تهنئات و تعزيات و عرض أهم المناسبات علي مدار الأسبوع

بالأضافة لتقديم فقرات قوية من فريق العمل علي شكل مجلة أسبوعية .

النهاردة الجمعة .. ومع كل جمعة هنكون معاكم فى ويك اند
هنجمعلكم كل الأحداث والحصريات والاحصائيات والقرارات الادارية والمناسبات ايللى مر بيها منتدانا
وكمان أهم الموضوعات ايللى نزلت خلال الاسبوع
وبكده هتقدر تتابع كل ايللى بيحصل ع المنتدى لحظة بلحظة
من غير ماتتعب نفسك فى البحث عن الجديد

فقط ابحث عن

WeeKenD

كلمة خاصة

فى الاول طبعا كل سنة وأنتم طيبين بمناسبة أعياد رأس السنة والكريسماس وميلاد رب المجد ويارب تكون أيامنا كلها أعياد وأفراح ودايما يارب متجمعين
فى محبة ربنا يسوع المسيح.

ثانيا فاحنا فريق عمل ويك اند بنعتذر عن غياب البرنامج طول المدة ايللى فاتت دى . وده بسبب ظروف شغلت كل واحد فينا لأن البرنامج بجد بيحتاج مجهود فوق العادى وأغلب فريق العمل بيبقا مشغول لأما فى الدراسة أو شغل أو ... أو .... أو ... فبجد اعذرونا وبنوعدكم أننا مش هنغيب عنكم تانى .
ويمكن فترة الغياب دى كانت فرصة لترتيب أوراقنا وتطوير شكل برنامجنا وشكل فقراتنا بحيث تكون أخف وألذ وفى نفس الوقت أفيد. ويارب الشكل الجديد ايللى هتشوفوه دلوقتى يعجبكوا .

وأخيرا وليس أخرا ... بالنيابة عنى وعن كل فريق عمل ويك اند بشكر كل الناس ايللى كانت بتسأل ع البرنامج وطالبت برجوعه تانى , وبجد دى محبه و ثقة كبيرة منهم ، ويارب نكون عند حسن ظنهم فينا .

وأسيبكم دلوقتى مع عرض أقوى فقرات ويك اند الاسبوعية
واستحملونا لان الحلقه طويلة شويه المرادى
ونبتدى بالأخبار الادارية
والعامة
واحصائيات المنتدى

الأخبـــــــــــــار الأداريــــــــــــــــة

اعتــــــــــــــذار
اعتذار من الادارة على ما حذف من مواضيع ومن عضويات للأعضاء وهذا بسبب الهكرز وقد تم رجوع الموقع الى أخر تاريخ اخذ فيه الباك اب ونشكر ربنا على رجوع الموقع

تنوية هام جدا جدا

نحب ننوية عن اعلانات جوجل المنتشرة علي صفحات المنتدي في الأعلي و الأسفل فهذه الاعلانات لها اهمية كبيرة فى ادخال عائد مادي لمنتدي ارثوذوكس حتى يتمكن المنتدي من سد احتياجاته و اشتركاته المتعددة وحتى يتم تطوير الموقع
رجاء من الجميع و لو ضغطة واحدة في اليوم علي كل اعلان


قوانين جديدة
اما بالنسبة للمشرفين فتم نزول قوانين للأشراف وأيضا قوانين للأعضاء والمسجلين الجدد

والرابط موجود فى المنتدى وفى أى قسم كاعلان
لمعرفة هذه القوانين والأطلاع عليها
أضغط هنــــــــــــــــــــا

فقرة اعلانية
يعلن منتدى ارثوذكس عن خروجة شهر يناير2010
وايللى هتكون
يوم الاربعاء
13/1/2010
في تمام الساعه الخامسة مساءا
في الكاتدرائية المرقسية بالعباسية
لو عايز تروح وتتعرف على الأعضاء وجها لوجه
ادخل هنا وقول انك جاااااااااى
الخروجه الشهرية المشعارف رقم كام

خمــــــــــــــول ملحـــــــــــوظ
فترة خمول ملحوظة من المشرفين وأيضا الاعضاء تعم منتديات ارثوذكس
ويرجع ذلك الى قرب الأمتحانات وانشغال أغلب الأعضاء عن متابعة نشاطاتهم فى المنتدى
ربنا معاهم فى امتحاناتهم وباذن ربنا يرجعولنا عن قريب

احصـــــــــــا ئيات الاسبـــــــــوع الماضى

فى الوقت الحالى ودة لعدم وجود احصائية من اسبوع
المواضيع: 45,398
المشاركات: 631,023
الأعضاء: 91,100

HaPpY BiRtH DaY WeeKeND


عام كامل مر على ميلاد برنامجنا ويك اند
برنامجنا بقا عنده سنة

وبالمناسبة دى احب أعيد وأهنى كل فريق العمل
وأقولهم كل سنة وأنتوا طيبين
وبجد لولاكم البرنامج ده مكنش كبر واستمر طول الفترة دى
وأهو رجعلكم تانى وعمرة سنة
كل سنة وكل من ساهم فى برنامجنا بخير
كل سنة وكل دول طيبيين
aymonded
مارو جيرافك

MICKEY
ELMAGEK
M@@@NOOOO
milano kaka
ميرا الامورة
Mina3338
@M@R!N
Team Work®
ملاك سكر
nermos1982
kiko
Kamer14
elphilasouf
ملكه الاحزان
SAWSAW
minabobos
KATKOTA2020
IO-Mena
الماكس مايكل
armia1987
nona queen
بنبونه سكره
هاني وجيه
kottah_sh
وكمان أحنا سعداء جدا بانضمام عضوين للتيم
وهم
العضوة الجميلة
koko_4m
والعضو الجميل
اسامه سمسم

كل سنة وويك اند وفريقه طيبين وفى تقدم واستمرار
وكل متابعيه طيبين وبخير

واسمحولى أقدم تهنئة خاصة
للعضو صاحب الفضل فى وجود برنامج ويك اند
وهو أكتر واحد تعب فى البرنامج ده
وهو أساسا صاحب فكرة البرنامج
ويعتبر أبوه ههههههههههههه
وهو العضو الجميل bolalover
كل سنة وانت طيب يا بولا
وويك اند طيب
ودايما ممتعنا بأفكارك الجميلة دى
كل سنة وفريقنا كله طيب
وعقبال 100 سنة يا ويك اند


حصاد 2009

الفقرة دى مقسومه الى قسمين

القسم الأول : أحداث عامة
القسم الثانى : أحداث خاصة بمنتدى أرثوذوكس

أولا : الأحداث العامة

ظهورات أم المخلص

ظهور العذراء مريم

ظهور و تجلى للسيدة العذراء فى كنيستها بوراق الحضر التابعة لمطرانية الجيزة وذلك فجر يوم الجمعة الموافق 11-12-2009 الساعة الواحدة صباحا وهو ظهور كامل للسيدة العذراء وهى بملابسها النورانية فوق قبة الكنيسة الوسطى بالثوب الأبيض الناصع وتشد وسطها بحزام لونه ازرق ملوكى وعلى رأسها تاج وفوق التاج صليب القبة
و صلبان الكنيسة يصدر منها أضواء باهرة وقد رأها كل أهل المنطقة وهى تنتقل و تظهر على البوابة بين المنارتين.
وظل هذا الظهور من الساعة الواحدة صباحا حتى الساعة الرابعة فجر يوم الجمعة كما رصدتها كل عدسات التصوير و الموبايلات و تقاطر جماهير المنطقة و المناطق المجاورة و المارة و تجمع فى هذا الوقت ما يقرب من 3 ألاف نسمة فى الشارع أمام الكنيسة.
و تلى هذا الظهور كل يوم من بعد الثانية عشر حتى الصباح تجليات عبارة عن حمام يطير على فترات من الليل و نجم مضئ يظهر بسرعة و يسير فى حدود مائتين متر و يختفى وسط تراتيل الجماهير الغفيرة المنتظرة لمسات السيدة العذراء.
أيضــــــــــــــــــــــ ــــــا
ظهورات للعذراء ام النور في العديد من الاماكن و الكنايس في مصر ليلة الثلاثاء 22/12/2009 بداية من الساعة 7 ظهور بالعذراء الزيتون و العذراء بمسره و العذراء اباصيري بعين شمس و كنيسة مارمينا بالوايلي و كنيسة العذراء درياس بعين شمس ايضا و كنيسة مارجرجس بميت غمر وأيضا بالعمرانية

البابا شنودة يصل القاهرة بعد رحلة علاجية
___________________________

شهد المقر البابوى بالكاتدرائية المرقسية بالعباسية ظهر الاثنين الموافق 21 ديسمبر 2009 احتفالا بعودة قداسة البابا شنودة الثالث بابا الإسكندرية وبطريرك الكرازة المرقسية من رحلته العلاجية فى مستشفى كليفلاند كلينك بولاية اوهايو الامريكية والتى استمرت 10ايام حيث وصل ظهر الاثنين على متن طائرة خاصة برفقة أعضاء السكرتارية.

وقال مصدر فى المكتب البابوى ان البابا شنودة اعرب عن خالص شكره وتقديره لآلاف من الاقباط الذى كانوا فى انتظاره فور وصوله الى المقر البابوى الاثنين ، مؤكدا سلامة حالته الصحية .

واشار الى ان البابا شنودة اجرى الفحوصات الطبية الدورية التى يجريها كل ثلاثة اشهر على وظائف القلب والكلى ، موضحا ان الاطباء فى الولايات المتحدة اعربوا عن رضاهم الكامل عن استجابته للبرنامج العلاجى .

اضاف ان البابا شنودة سيستأنف نشاطه على الفور بالقاء محاضرته الاسبوعية يوم"الاربعاء" وسيقوم بتهنئة الطوائف المسيحية الغربية بعيد الميلاد المجيد " الكريسماس ".
كان فى استقبال البابا شنودة فور وصوله اعضاء المجمع المقدس للكنيسة القبطية وأعضاء المجلس الملى العام وهيئة الأوقاف القبطية واستقبلته الجماهير وفرق الكشافة بالكاتدرائية بالورود واناشيد الفرح.

القرعة الهيكلية
________________
البابا شنودة: الدولة لا تتدخل في القرعة الهيكلية لاختيار البابا القادم .

أكد البابا شنودة الثالث بابا الإسكندرية وبطريرك الكرازة المرقسية ، أن الدولة لا تتدخل في القرعة الهيكلية المقررة لاختيار البابا القادم .

وقال البابا شنودة - في مقابلة خاصة مع برنامج (حديث المدينة) بثها التلفزيون المصري مساء الجمعة - : " إن الدولة لا تتدخل في شئون الكهنوت ، وليس الكهنوت من اختصاص الدولة ، والإسلام يقول إذا أتاك أهل الذمة فأحكم بينهم بما يدينون ، إذن الدولة تتركنا نتصرف حسبما ندين " .

ورفض البابا شنودة قيام الكهنة أو رجال الكنيسة بلعب أي أدوار سياسية.. وقال " إن الكهنة لا يقومون بأي دور سياسي لأن عملهم هو الرعاية والتعليم والاهتمام بشعبهم ، فضلا عن أنه ليس لديهم وقت للسياسة ، بالإضافة إلى أن الذي يدخل السياسة لابد أن يكون متمرسا ويعرف لأي الاتجاهات سوف ينضم " .
وردا على سؤال بشأن المنشقين عن الكنيسة الأرثوذكسية وهل هم صناعة أجنبية أم أهواء شخصية .. قال البابا شنودة : " في الحقيقة كل كنيسة تريد أن تزيد من عدد أعضائها وتضم إليها أعضاء جدد ، وهذا الذي يحدث ، لكن هذا الأمر لا يؤثر علينا إطلاقا بعكس ما يتردد في وسائل الإعلام .
وحول رؤية أحد رجال الكنسية فى المنام أنه سيكون البابا القادم.. رد البابا شنودة قائلا : " كل واحد عنده رؤية وهو حر في أحلامه ، وأي واحد ممكن أن يقول إنه البابا ، ولكن سوف نرى ، وهذه الأمور لا تهمنا، حتى المشاكل الحقيقية أنا أضعها داخل نفسي ، والكثير من المشاكل أتعامل معها ببساطة .

اوبئة جديدة
بعد أنفلونزل الطيور

ظهور انفلونزا الخنازيرH1N1
والماعز
وفيروس أنفلونزا الخيول أو "العثرة" المعروف علميا باسم "H7 N7 H3 N8"

ناقص ايه تاااااانى؟؟؟؟

وعلى الصعيد الرياضى

فأهم خبر فى عام 2009
والخبر ايللى احزنا جميعا
هو خروج منتخب مصر من مونديال كاس العالم 2010 بجنوب افريقيا وتأهل الجزائر على حسابه .

دموع في الشوارع المصرية بعد اغتيال حلم التأهل لكأس العالم

وفرح في الشوارع الجزائرية لتأهل الجزائر لكأس العالم

عقب هزيمة المنتخب المصري صفر/1 أمام نظيره الجزائري في المباراة الفاصلة التي أقيمت على استاد المريخ بمدينة أم درمان السودانية في التصفيات الأفريقية المؤهلة لنهائيات كأس العالم
2010 بجنوب أفريقيا.

وخيم الصمت على أرجاء مصر بعد أن أحرز المدافع الجزائري المولود في فرنسا هدفا قاتلا لبلاده قبل خمس دقائق على نهاية الشوط الأول لينتزع لمحاربي الصحراء بطاقة التأهل إلى كأس العالم من بين أنياب الفراعنة.

ثانيا: أحداث خاصة بمنتدى ارثوذوكس

أحداث ادارية
اجمد تظبيطات من ارثوذوكس و بس

بعض التغيرات الجميلة للمنتدي

قام منتدي ارثوذوكس في سنة 2009 ببعض التغيرات مثل التولبار و الشات و الجروبات و الفيس بوك و كان اخر هذه التغيرات لافادة الجميع و اعضاء المنتدي هي

عرض من الكتاب المقدس

ايه اليوم & اقوال الاباء ( متجدد )

تولبار ارثوذوكس و مميزاته

• شات لجميع الاعضاء و الزوار
• راديو .. و يمكنك التحكم فيه باضافة اي تردد
• احدث اخبار المنتدي و موضوعاته دون الدخول علي المنتدي
• جميع الروابط المهمة للموقع و المنتدي ( مكتبة الصور - دليل المواقع - التسجيل - الرسائل الخاصة - الرئسية )
• محرك بحث من جوجل
• درجة الحرارة اليوم
• رسائل من اعضاء المنتدي

الجروب

وموجود من فوق فى أول الموقع
اشتراك في جروب ارثوذكس ليصلك جديدالافلام الترانيم الاالحان الاخبار الكنسية على الميل
البريد الإلكتروني:
بعد ان تقوم بادخال بريدك ستصلك رسالة باسم Confirm your subscription اضغط علي الرابط الموجود بداخلها لتفعيل حسابك.

ودة الكلام اللى مكتوب
الجروب دة انت بتستقبل من خلالوا رسايل من الموقع الرسايل دى بيكون فيها تنويهات احدث المواضيع اللى نزلت وبرامج
وحاجات كتير قوى مفيدة للجميع وتصل على الميل بشكل منسق وجميل

الراديو
تجربه فريده من نوعها
ولأول مرة فى منتديات ارثوذوكس
مش عتقدر تغمض ودانك هههههههههههههه
علشان
انطلاق القمر الصناعى لبث تجربه فريدة من نوعها
وهى راديو خاص بالمنتدى
راديو ارثوذكس
وطبعادى كانت مفاجأة الموقع لكل اعضاءه
لسماع الراديو ادخل هنا

http://www.radio.orsozox.com/

مركز رفع الصور من ارثوذكس
من هنــــــــــــــــــــــا

قسمين جداد فى ارثوذكس

قسم البرامج والخروجات
البرامج والخروجات الخاصة بالاعضاء

وقسم ارثو نيوز
أرثو نيوز – OrsoNews

كان فى مشاكل كتير جدا لكن نشكر ربنا ان تم حلها

وبنعمة ربنا احنا فى توسع كبير وعن قريب جدا فى مفاجئة

أخبار الأعضاء

شهد عام 2009 مناسبات جميلة جدا وكتيرة جدا خاصة بالأعضاء
ابرزها واهمها

فرح رافت و هنا

خطوبة انجي فوفا

خطوبة سعد الدالي و ميرا مرمر

خطوبة كاترينا

خطوبة شمعه

فرح الحنون الطيب

فرح اخو اسامة عوض

فرح الله يرعاني

فرح اغاثا

فرح ملاك سكر

فرح توني الجامد

وسامحونا لو نسينا حد

نيجى بقى للخبر اللى هز ارثو

بجد خبر كان مفاجاة جميله اوى للكل

قنبله من العيار التقيل اوى اوى

يعنى يطلع 10 كيلو كده

على العموم الموضوع هنا لو عايز تعرف اكتر ادخل وانت تشوف

قنبلة ارثوذكس

وهو خطوبة

اجمل عضوين معانا هنا هما

الناى الحزين(ميلاد)& kottah_sh (مريم)

الف مبروك ليكم ويارب يتمملكم على الف خير

يتقدم فريق عمل ويك اند بتقديم تهنئة خاصة

لكل اللى اتجوز وخطب فى

سنـــــــــــــ2009ـــــــــــــــة

_____________________________

وزى ماكان فيه أخبار كتيرة سعيدة فرحتنا كلنا
كان فيه خبر حزين المنا كلنا
وهو وفاة عضوة معانا هنا فى المنتدى
مش كتير يعرفوها
وهى العضوة see_karkora
أثر حادث سيارة بأمريكا
أحنا بنعزى اسرتهاوبنعزى انفسنا
وعزائنا أنها فى احضان القديسين
ربنا يرحمها
أذكرينا أمام عرش النعمة

_________________________________

وبكدا تكون خلصت فقرة حصاد 2009


نشوفكم على خير
الفقرة اعداد وتقديم
اسامه سمسم
kamer14
M!SS N@NO

Philosophy with philo


ادارة الوقت

كل سنه وانتم طيبين بخلاف المناسبات الجميله الى احنا فيها دلوقتى فى مناسبه تانى وهي قرب مواعيد الامتحانات باقي أيام مش كتيره ويبدأ أغلبنا الامتحانات .. ده إن مكنش البعض بدأ اصلا ..
وممكن يكون فى مننا عنده مشكله فى الوقت وحاسس انه مش هيلحق يخلص المواد او يراجعها كويس
ومفيش داعي كمان أضيع وقتكوا فى تعريف للغلط الى كل سنه بنرتكبه وهو التأجيل وعدم مذكره الدروس أول بأول ....
المهم انا هقدملكوا خطه لأداره الوقت انا بستخدمها بصراحه ومرتاح معاها جدا وبأنجز انجازات رهيبه معاها .. لأن مشكله الوقت وضياعه فى امور مش مهمه دي كانت مضيقاني كتير
والخطه دي خطه طواريء هنلاقيها كلها متركزه ع انجار المذكره والمواد بس
++ فى الايام العاديه بتكون فى خطه تانيه خالص لكن قريبه شويه من دي هنبقى نعرضها فى موضوعات قريب


بأختصار مش هطول عليكوا
1- لازم يكون الاول عندنا أيمان وثقه فى الله " لأن الله لم يعطينا روح الفشل ، بل روح القوه والنصح والارشاد" 2تي 1 : 7
، و كمان نكون وثقين فى قدرتنا وفى نفسنا أننا نقدر نعمل I can


2- لأزم بعد كده نعرف هدفنا أيه
والاهداف فى منها :
- الرئيسي
- وفي منها الثانوي
- وفي أهداف ملحقه
كل هدف منهم بيسعى لتحقيق الهدف الى قبليه
المهم
+ الهدف الرئيسي : والى المفروض يكون لكل مسيحي هو حضن المسيح و تمجيد اسم الله من خلالنا .
+ الهدف الثانوي : هو أجتياز الامتحانات بتجميع أعلي قدر من الدرجات بالانتهاء من مراجعه كل المواد المقرره و الاستفاده من الوقت المتبقي بالكامل
*وطبعا دي مهمه جدا لأنك لازم تعرف أنت عاوز تروح فين قبل ماتبدأ فى المشي


3- كيفيه تحقيق الاهداف دي ... عشان نعدي الامتحان بتجميع أكبر قدر الدرجات لازم نذاكر كل ماده كويس اوي


يبقى نمسك ماده ماده من المواد الى عندنا ونشوف هنقدر نخلصها ونراجعها ازاي مثلا :
الماده : التاريخ
الانشطه :

1- حضور المرجعات النهائيه فى الكورسات

2- أعاده مراجعه الابواب كلها من البدايه
3- حل عدد كبير من الاسئله بعد مذكره كل باب او فصل

4- حساب الموقت المتاح فى كل يوم من الايام المتبقيه ، وتقسيم الوقت الكلي ع خمس أجزاء- مع مراعه اوقات الاكل والموصلات والنوم مثل


24 ساعه في اليوم - {(8 نوم ) + ( ساعه موصلات ) + ( ساعتين اكل )} = 14 ساعه يوميا



5- توزيع الانشطه ع اربع اخماس الايام المتبقيه - الخمس الاخير لحالات الطوارئ ولا يجوز التاكسل فى الاربع اخماس الاول أعتمادا ع الخمس الاخير مثلا
-مذكره ماده س و تتضمن مذكره عدد من الابواب وحل اسئله عليهم - يومين
-مذكره ماده ص و تتضمن مذكره عدد من الابواب وحل اسئله عليهم – يوم وهكذا


الخمس الخاص بحالات الطوارئ هنعرف فيدته بنفسنا

6- عمل جدول يومي بالمواعيد الانشطه المطلوب انجزها فى اليوم مثل :


-- السبت 9/1/2010
07.00 : 07.30 الفطار
07.30 : 08.00 صلاه باكر
08.00 : 12.00 ميعاد الكليه او مذكره ماده س
12.00 : 01.00 وقت للراحه
01.00 : 01.30 أخد دش دافئ ثم بارد
01.30 : 02.30 الغذاء

02.30 : 05.30 مذكره ماده س

تضمن مذكره عدد من الابواب وحل اسئله عليهم

05.30 : 06.00 وقت الاسترخاء والتأمل اليومي

06:00 : 07:00 ترانيم وصلاه الغروب او النوم
07:00 : 07:15 وقت حر

07.15 : 10.15 تكمله مذكره ماده س

تضمن مذكره عدد من الابواب وحل اسئله عليهم

10.15 : 11.00 عشاء

11.00 : 11.15 صلاه ارتجاله ثم النوم


· ده جدول كده كمثال فقط طبعا بيختلف حسب احتياجات ومشغوليات والوقت المتوفر لكل واحد
· لازم يتعمل فى صباح اليوم او فى ليلته بليل


ومننساش
7- الاهتمام بالتغديه السليمه لأنها تعالج الشعور بالنوم أو عدم التركيز
- الاهتمام بأوقات الراحه الطبيعية ( مجموع عدد ساعات النوم الكافي من 6 – 8 في اليوم )
- أخذ راحه بعد المجهود الكبير ( 5 ساعات مذكره متتاليه مثلا )
- مراعاه صفاء الذهن من الافكار والمشاكل او الاضطربات
- عمل تمرين الاسترخاء و التأمل مره او مرتين فى اليوم ( هو الجلوس فى مكان هادئ بملابس واسعه وأخد شهيق بسرعه مناسبه يملئ الصدر واخراج الزفير ببطئ مع الاسترخاء العضلى الكامل لمده من 10 : 15 دقيقه ، ثم التأمل فى منظر طبيعى خلاب او فقره فى الكتاب المقدس من 10 : 15 دقيقه ) يساعد ذلك ع هدوء النفس والراحه من الارهاق


- الابتعاد طبعا عن الانشطه الى بتضيع الوقت او بتستهلكه بصوره كبيره زي الانترنت
المنتديات والفيس بوك : مهم اوي نلغي ارتباطتنا فيه زي مثلا متابعه موضوعتنا او الردود او متابعه الفيس بوك والكومنتات او التاجات و كده لازم كل ده يتأجل لحد مانخص وقت الطورائ
والإيميلات : يفضل مهاجرتها تماما لانه بتشد


- مذكره الباب وفهمه تلت المذكره والمراجعه وحل الاسئله ع الجزء الى ذكرناه تلتين المراجعه


- طبعا لازم نكون جادين فى اداره أوقتنا ... و نعمل جدول يمكن تحقيقه مش جدول مستحيل تحقيقه


- يفضل عدم المذكره الجماعيه تماما لانها تضيع الوقت فى النقاشات .. وممكن التجمع فقط للمراجعه وحل الاسئله معا


- لازم تقتنع ان للقيام بالعمل فى ميعاده لازم تقوم حالا .. وعدم القيام بالعمل هو تأجيله لمده ثانيه
الانجاز = عمل

صلاوتكوا بقى

الفقرة أعداد وتقديم
elphilasouf

استاد ويك اند الرياضى

أعزائى المشاهدين أعزائى المستمعين

Ladies and Gentlemen

اهلا بكم فى اولى حلقاتى فى برنامج

استاد ويك اند الرياضى لعام 2010

ونبدأ الفقرة باخبار نادى الزمالك

ولا حد عندو اعتراض

اولا بوصو يا جدعان حصل حاجات كتيييييير اووى

الاسبوع الى فات داخل ناى الزمالك

ميدو يدرس عرضين للعودة إلى انجلترا بسبب مستحقاته المتأخرة

ميدو
تلقى أحمد حسام "ميدو" مهاجم الزمالك عرضين من ناديين يلعبان في الدوري الإنجليزي الممتاز للانتقال إليهما على سبيل الاعارة حتى نهاية الموسم.

وقال مصدر مقرب من اللاعب أن ميدو تلقى العرضين بصورة شفهية، وسيقوم الناديان بارسال عرضيهما للزمالك بصفة رسمية خلال الأيام المقبلة.

وربما يدرس ميدو جديا فرص العودة إلى إنجلترا في يناير الجاري خاصة مع تأخر حصول ميدو على مستحقاته المالية، وذلك على الرغم من تصريح سابق له بأنه ملتزم باستكمال فترة إعارته للزمالك حتى نهاية الموسم.

ولم يحصل ميدو سوى على 10% فقط من قيمة عقده مع الزمالك منذ بداية الموسم، فيما حصل على شيكات فوجىء عند صرفها أنها بدون رصيد، وشيكات أخرى مؤجلة الدفع حتى نهاية الموسم

وتأتي تصريحات المصدر - الذي طلب عدم نشر اسمه - بالتزامن مع تقرير نشرته شبكة "سكاي سبورتس" الإنجليزية واسعة الانتشار يقول إن هناك احتمالات لعودة ميدو إلى إنجلترا في يناير الجاري.
ورفض المصدر الإفصاح عن اسم أي من الناديين، كما لم تفصح عنهما شبكة "سكاي سبورتس" أيضا.

وكان ميدو قد أكد قبل أيام رغبته في استئناف تجربة احترافه في أوروبا بنهاية الموسم الجاري الذي يقضيه مع الزمالك معارا من ميدلسبره الإنجليزي.

وسجل ميدو هدفا واحدا مع الفريق الأبيض في مرمى الجونة، ولكنه قدم مستويات طيبة في المباريات الأربعة الأخيرة التي خاضها تحت قيادة حسام حسن المدير الفني الجديد.

وانضم ميدو إلى القائمة المبدئية لمنتخب مصر ولكن حسن شحاتة المدير الفني استبعده من المشاركة في كأس الأمم الإفريقية 2010 في أنجولا.

ههههههههههههههههههههههههه هههه

ال يعنى جاب التايهة

الزمالك يقرر عرض زكي للبيع

قرر مجلس إدارة نادي الزمالك عرض عمرو زكي مهاجم الفريق للبيع والموافقة على أي عرض رسمي لائق للاعب، بعد تغيب المهاجم عن تدريبات الفريق لخمسة أيام متصلة.

وقال حازم إمام عضو مجلس الإدارة يوم الأربعاء: "قررنا قبول أي عرض رسمي يأتي لزكي، بشرط أن يليق باسم نادي الزمالك وباسم اللاعب".

وتابع "مشاكل زكي مع الفريق زادت في الفترة الأخيرة، ولا أدري كيف يتغيب لاعب محترف عن تدريبات الفريق دون تقديم أية أعذار".

وتغيب زكي عن تدريبات الفريق لمدة خمسة أيام مغلقا هاتفه المحمول، حيث لم يستطع أحد من مجلس الإدارة التوصل إليه.

وأضاف إمام "كان من الأولى لزكي أن يبلغ الجهاز الفني بعدم قدرته على الحضور للتدريبات بدلا من إغلاق هاتفه، ونرفض حدوث مثل هذه التصرفات في نادي الزمالك فنحن لسنا في انتظار مشاكل".

ونفى إمام أن يكون زكي قد تلقى أي عروض رسمية للاحتراف في الفترة الأخيرة، مشددا على أنها مجرد اجتهادات وشائعات.

وكان إبراهيم يوسف عضو مجلس إدارة الزمالك قد أكد أن اللاعب اتصل بإبراهيم حسن وأبلغه أنه تغيب عن التدريب في الفترة الماضية بسبب مرضه، ولكن حسن نفى ذلك في تصريحات

وغاب اللاعب عن مباريات الفريق الأبيض عقب مباراة الجزائر الفاصلة في تصفيات كأس العالم في نوفمبر الماضي بسبب الإصابة، وهو ما أجبر الجهاز الفني للمنتخب على استبعاده من قائمة كأس الأمم 2010.

ولكنه عاد وشارك في تدريب الفريق في نهاية ديسمبر من ليؤكد أنه جاهز للمشاركة في البطولة غير أن الجهاز الفني فضل عدم ضمه.

هههههههههههههههههه

المركب الى تودى ياعم

الزمالك يتقدم ببلاغ للنائب العام ضد اتحاد الجرذان

تقدم احمد البرعى المستشار القانونى لنادى الزمالك اليوم ببلاغ للنائب العام ضد مجلس ادارة اتحاد الكرة بسبب البيان الذى اصدره الاتحاد وهاجم فيه مجلس الادارة وجماهير نادى الزمالك العظيمه

اتهمه فيه بتهييج الراى العام و استئجار بلطجية ومشبوهين للتجمهر أمام مقر الاتحاد وهو ما اعتبره الزمالك جريمة لا تغتفر فى حق المجلس والجماهير العظيمه تستوجب المسألة القانونية مؤكداً ان جماهير الزمالك الوفيه التى رفضت الظلم من قبل اتحاد الكره هى نفسها الجماهير التى تسافر كل المحافظات خلف فريقها رغم الظروف السيئه التى يمر بها فبأى حق يتم وصفهم بالبلطجيه والمأجورين . كما اكد مجلس الأداراه ان الدفاع عن جماهير نادى الزمالك هو واجب اساسى مثله مثل الدفاع عن حقوق النادى .

اخبار المنتخب الوطنى

المعلم" يشيد بغالي وجدو وعبد الشافي

شاد حسن شحاتة المدير الفني لمنتخب مصر باللاعبين المنضمين حديثا لمنتخب مصر، مؤكدا أنهم تأقلموا مع أجواء المنتخب أثناء معسكر الإمارات وقبل أيام من انطلاق كأس الأمم الإفريقية.

واختص "المعلم" بالإشادة كل من حسام غالي، ومحمد عبد الشافي، ومحمد ناجي "جدو" وذلك في تصريحات نشرتها صحيفة "الاتحاد" الإماراتية يوم الأربعاء.

وخاض غالي مباراة مالي الودية في التشكيل الأساسي قبل أن يترك الملعب في الشوط الثاني للحصول على بطاقة حمراء إثر تلقي إنذارين.

ولعب عبد الشافي وجدو في الشوط الثاني، وسجل الأخير هدف الفوز في اللقاء الذي انتهى لصالح الفراعنة 1-صفر.

وأوضح المعلم "تم التأكيد على أهمية الوجوه الجديدة مثل حسام غالي وجدو وعبد الشافي واكتسبوا خبرة وأجواء المباريات القوية والجماهيرية ونجحوا في التجربة من كافة الوجوه".

وانضم جدو لاعب وسط الاتحاد السكندري للمنتخب للمرة الأولى في تاريخه فيما يحصل عبد الشافي على أول فرصة لخوض بطولة كبيرة بعدما جاء انضمامه سابقا في إطار معسكرات لمباريات منفصلة.

وتابع شحاتة "تم الاستقرار على كافة الأمور في صفوف المنتخب من خلال تجربة جميع العناصر الاساسية والاطمئنان على الوجوه الجديدة التي أكدت قدرتها على التواجد ضمن صفوف المنتخب".

وأوضح "عايش لاعبو مصر الأجواء الأفريقية تماما خلال هذه المباراة في ظل وجود جماهير كبيرة ومنتخب إفريقي قوي نجحنا خلال هذه الأحداث من تحقيق ما نريده من هذه التجربة".

وتخوض مصر كأس الأمم الإفريقية التي تنطلق في العاشر من يناير الجاري للدفاع عن لقبها التي فازت به في 2006 و2008.

وتلعب مصر في المجموعة الثالثة التي تضم أيضا موزمبيق وبنين إضافة إلى نيجيريا التي يواجهها الفراعنة في افتتاح مشوار البطولة.

ههههههههههههههههههههه
معلم على نفسك برة يا ........
هههههههههه

حسن: مباراة نيجيريا ستحدد شكل المنتخب في أنجولا

قال أحمد حسن قائد المنتخب المصري إن مباراة نيجيريا ستحدد بشكل كبير مستوى المنتخب في كأس الأمم الإفريقية بأنجولا.

وأضاف حسن في تصريحات لقناة مودرن يوم الأربعاء "مباراة نيجيريا هي التي ستحدد شكل المنتخب في البطولة، تماما كما حدث في 2008 عندما واجهنا الكاميرون في الافتتاح".

وتابع "نيجيريا لديها فريق قوي، ولكننا نعرف كيفية التعامل مع المنتخبات الإفريقية بشكل جيد".

وتلعب مصر مع نيجيريا يوم 12 يناير الجاري في افتتاح مباريات المجموعة الثالثة، والتي تضم بنين وموزمبيق أيضا.

وأشار قائد المنتخب إلى أنه جلس مع لاعبي المنتخب وطالبهم بتحديد أهدافهم من أجل النجاح في البطولة.

وتابع "لقد قلت للاعبي المنتخب إن طموحي هو تحقيق اللقب للمرة الرابعة، وكل منكم له طموح مادي ومعنوي أو حتى الاحتراف في أوروبا عليه أن يحققه".

وأكد حسن أن ضعف طموح اللاعب المصري هو سبب فشله في الاحتراف الخارجي على سبيل المثال.

وقال: "اللاعب المصري دائما طموحه ضعيف، بينما الآخرين يريدون دائما الوصول للبطولة والشهرة".

وتمنى لاعب الأهلي أن تقدم مجموعة اللاعبين الجدد الإضافة للمنتخب خاصة في ظل غياب محمد أبو تريكة وعمرو زكي.

وتابع "على سبيل المثال (محمود عبد الرازق) شيكابالا يجب أن يضغط على نفسه للظهور بشكل رائع في البطولة وتحقيق أحلامه، فهو لاعب ممتاز".

على مسئولية الشيخ : فشل جميع محاولات نقل أمم أفريقيا على البث الأرضي

أكد المهندس اسامة الشيخ رئيس إتحاد الاذاعة والتليفزيون في تصريحات خاصة لموقع شبكة تليفزيون النيل ان جميع المحاولات التي اجراها التليفزيون المصري مع إدارة قنوات الجزيرة الرياضية لبث مباريات الامم الافريقية ارضيا باءت بالفشل وبرر الشيخ فشل المفاوضات بسبب مغالاة ادارة قنوات الجزيرة الرياضية فى الاسعار التى تعجز اى قنوات عربية عليها فقد طلبت الجزيرة 10 ملايين دولار مقابل 10 مباريات على ان يتم الدفع نقدا و هو نفس العرض الذى تلقته ايضا تليفزيونات الجزائر و تونس الدول التى تشارك فرقها فى البطولة

وعن اخر اخبار الاهلى هنشوف ان

بركات يخضع لبرنامج تأهيلي..وأحمد عادل ينضم لتدريبات الأهلي

انتظم لاعب الأهلي محمد بركات في برنامج تأهيلي استعدادا لمشاركته في التدريبات الجماعية التي انضم اليها حارس الفريق أحمد عادل عبد المنعم يوم الأربعاء.
ويخضع بركات الذي جدد عقده مؤخرا مع الأهلي لبرنامج تأهيلي تحت اشراف طارق عبد العزيز اخصائي العلاج الطبيعي حسبما ورد في الموقع الرسمي للنادي الأحمر.
من ناحية أخرى، اوضح طبيب الفريق ايهاب أن بركات لا يعاني من إصابات حاليا إلا أن البرنامج التأهيلي هو من باب الاطمئنان على شفائه من الإصابة في العضلة الخلفية.
وفي سياق متصل، انضم الحارس احمد عادل عبد المنعم إلى زملائه في التدريبات بعد عودته من معسكر المنتخب الوطني.
وكان عادل انضم إلى معسكر المنتخب بعدما استدعاه المدير الفني حسن شحاته ضمن القائمة الأولية استعدادا لبطولة كاس الأمم الأفريقية، لكن القائمة النهائية لأبطال القارة السمراء لم تشمل حارس مرمى نادي القرن.
وارتدى عادل قناعا واقيا على أنفه بعد إصابته خلال مباراة الأهلي الأخيرة في الدوري. وقاد التدريبات المدير الفني حسام البدري عقب عودته من كندا

البدري يمنح الأفارقة فرصة جديدة .. ومفاوضات مع وورجو

يمنح حسام البدري المدير الفني للأهلي اللاعبين الأفارقة الذين يخضعون للاختبار في الأهلي مهلة إضافية لمدة يومين قبل الحكم النهائي على مستواهم كما كشف أيضا عن إعادة إحياء المفاوضات مع النيجيري ستيفن وورجو.

وقال البدري في تصريحات نقلها الموقع الرسمي للأهلي إن هناك اتجاها باصطحاب أفضل اللاعبين الثلاثة الذين يخضعون للاختبار حاليا إلى معسكر العين السخنة الذي يبدأ في 11 يناير الجاري وصرف النظر عن الاثنين الآخرين.

وأضاف أنه سيدون ملاحظات الجهاز المعاون عن اللاعبين الثلاثة خلال الأيام الماضية "ولكن الحكم النهائى عليهم سيكون من خلال الملعب".

وفي سياق متصل، أوضح مدرب الأهلي في تصريح لإذاعة "الشباب والرياضة" إن ناديه جدد اهتمامه بوورجو، الذي يلعب حاليا لفريق المريخ السوداني.

وكان الأهلي قد دخل في مفاوضات مع ورجو عندما كان يدافع عن ألوان انيمبا النيجيري وحصل على لقب هداف دوري أبطال إفريقيا عام 2008 برصيد 12 هدف، قبل أن ينجح المريخ في خطفه.

ووارجو

ولم يتأقلم ورجو مع أجواء الدوري السوداني والمعيشة في السودان بصفة عامة حيث ارتكب حادث بسيارته وتبين أنه كان يقود السيارة تحت تأثير الكحول.

وتسبب الحادث في صدور حكم بجلده 40 جلدة، في واقعة أثارت جدلا كبيرا في وسائل الإعلام الإفريقية والعالمية.

يذكر أن وورجو سجل ثلاثة أهداف فقط بقميص المريخ في 43 مباراة خاضها مع الفريق في محليا وإفريقيا.

تأهيل إينو

وعلى جانب آخر، يبدأ المعتز بالله محمد "إينو" تدريباته التأهيلية يوم السبت المقبل بعد فترة ابتعاد طويلة بداعي الإصابة.

ووفقا لموقع الأهلي، فإن إينو سيدخل الجيمنزيوم بدءا من الأسبوع المقبل ولكنه لن يتخلى عن العكازين إلا بعد أسبوعين على الأقل.

ويختتم إينو برنامج التأهيل في في فبراير المقبل على أن يغادر إلى ألمانيا في مارس لمتابعة مدى تطور الحالة مع الطبيب الذي أجرى له الجراحة.

تصريحات بركات عن التجديد للأهللى

إبراهيم سعيد يشن هجوما حادا على حسن شحاتة ويتهمه بالمجاملة في اختياراته

هدف رائع لميدو في تدريبات

وفى اخر الفقرة احب اسيبكو مع الفيديو دا يا جدعان يلهوووووى
اانا شوفتو كنت هتشل حكام يشلوووو مش ممكن
ههههههههههههه

حكم يلغي هدفا للسيلية في مرمى السد في كأس قطر لكونه مستفزا!

وفى الاخر احب اوجة الشكر لحنان لانها بجد عملت شغل جاااامد جدااااا
ولمت ناس كتير عشان تقدر تطلع حاجة كويسة بقولها ميرسى على تعبك اوووى يا نونا وربنا يبارك فيكى
وكل سنة وانتو طيبين

الفقرة اعداد وتقديم
ELMAGEK

Agmad7x7

اهلا بيكو ياجماعة من تانى ومعانا دلوقتى فقرة اجمل سبع تواقيع

Agmad7x7

اول توقيعين عجبونى هما توقيعين ناى وكوتا


يارب يا سبب فرحتنا
كمل لنا على خير سعادتنا
وابنى معانا طوبه بطوبه بيتنا
طوبه من محبتنا وطوبه من حنيتنا
M&M
Marym&Milad
مبروك ياعساسيل وربنا يتمملكم ع خير

وتانى توقيع جميل بردو توقيع العضوة
modo
MerryChristmas to orsozox

حلو اوى ياقمر التوقيع

تالت اجمد توقيع هو توقيع العضوة
zaza2006

المجد لله في الاعالي وعلى الارض السلام وبالناس المسرة♥

جميييييييييل اوى

رابع اجمد توقيع بردو توقيع
armia1987
Behold, a virgin shall conceive, and bear a son, and shall call his name Immanuel.

جميل خالص التوقيع

خامس اجمد توقيع هو توقيع
M!SS N@NO
Happy New Year

حلوووووو اوى يانونا بجد

السادس بقى توقيع غريب اوى ومحتاجين استفسار هو توقيع العضوة
bent jesus
الي اللقاء
الى اللقاء ليه رايحة فين ياجميل؟

سابع توقيع هو توقيع ميكى وبولا

بس ميكى نفد بعمره وشاله

كانو بيقولو زلزال وبتاع
فين ده؟؟
ولاحسينا باى حاجة
دة فيبريشين ولاايه
عادى ياجماعه دى ظاهرة صوتيه بتحصل كل فترة فى ارثو
الاعضاء الجداد ميخافوش
بكرة تتعودوا

كدة فقرتى انتهت ياحلوين اشوفكو الاسبوع الجاى

الفقرة اعداد وتقديم
kamer14

عيد ميلاد أبو الفصاد

انهرده هنقول من الويــك انــد لكل واحد كان عيد ميلاده الاسبوع ايللى فات
سنــه حلوه ياجميـــــل

المــــاكس مـــايكــل
كل سنه وانت بخير يامايكل
ودى اجمل تورتايه من اسره
الويــــك انــــد

عقبااال 1000000 سنه يامايكل
لتهنئة ماكس
من هنا
عيد ميلاد الليلة مييييين ؟؟ عيد ميلاد ........

mr_desgin
كل سنه وانت بخير يا مستر
ودى حاجه صغنونه ليك من
الــويك انــــد

وعقبااال مليوووون سنه يامستر
لتهنئة مستر ديزاين
من هنا
احلى عيد ميلاااااااااااد

ودلوقتى مع اخر عضو ومش اى عضو
دا عضو من الجنس الرقيق
وهى

مـــارى جــرجـــس
كل سنه وانتى طيبه ياقمرايه
ودى اجمل تورتايه الى أجمل بنوته
من
الـــويك انـــد

وعقبااال مليووون سنه يامارى
لتهنئة مارى
من هنا
»-(¯`v´¯)-» Mary Gergess -(¯`v´¯)-»

وجه دلوقتى ميعااد الهدايه لأجمل أعضاء ودى طبعاهدايامن
الـــويك انــــد

ولسه عندنا هدايا كتيييير

ودا اخر ما عندنا انهرده
الفقرة اعداد وتقديم
koko_4m

ودلوقتى بقى فقرة جميلة اوى

هى فقرة

تهانى ابلة تهانى

وجايبالك خبر جمييييييييييييييل جدا جدا جدا

هو

فرح ايمى القمر

بنت الراعى

والفرح هيبقى يوم الثلاثاء الموافق 12/1/2010
فى دير الانبا برسوم العريان -بالمعصرة
الساعه 9 مساءا
مبرووووووووك يااجمل ايمى ربنا يتتملها على خير باذن الله

وبكدة انتهت فقرتنا
وعقبالكم كلكم ياعساسيل
الفقرة اعداد وتقديم
kamer14

OrThO On LiNe

أرثو أون لاين ....
مع أرثو أون لاين هتقدر تعرف وتتابع أهم البرامج واللقاءات ايللى بتتذاع على راديو أرثوذوكس
على مدار الأسبوع
فقط تابع ... أرثو أون لاين
اسبوعيـــــــــــا
فى ويك اند

دقــــــــــــــــــات قلب

يمكنكم الاستماع الى برنامج دقات قلب كل يوم خميس الساعة 10 مساءً
برنامج بيتكلم عن الحب بين الشباب، وبيناقش مشاكل الحب عند
الشباب من منظور مسيحى

ويمكنكم المشاركة مباشرا فى البرنامج عن طريق اضافة هذا الاميل أو مراسلتنا عليه
[email protected]
البرنامج تقديم
بولا عاطف

كل يوم من الساعة 3 لـ الساعة 5 أجمل الترانيم الكلاسيك و القديمة مع برنامج ترانيم زمان

وياكم ومعاكم كل يوم من 12 بعد نص الليل ل 12 الظهر هانشغل ترانيم لــ :

أيمن كفرونى - زياد شحاته - ماهر فايز - فاديا بزى - الحياه الأفضل - بولس ملاك - فيفيان السودانية - سيركيس دياربى - ايرينى أبو جابر ... وغيرهم كتير
و المفاجاة الأحلى أطلب الترنيمة ايللى عايز تسمعها فى الوقت ده من الساعه 12 للساعه 2 بعد نص الليل
ولو اتاخرنا تبقى تانى يوم فى نفس الميعاد وهكذا

تحب تشارك/تشاركى ؟ تحب تشارك/تشاركى بتأملات ؟ تحب تشارك /تشاركى بقصص قصيرة؟ عندك/عندِك اقتراح ؟ عندكم فكره برنامج سواء كان اجتماعى أو شبابى أو ترفيهى ؟
راسلنا على الاميل ده
[email protected]
وانتظرنا ....
ربنا يعوض تعب محبتكم جميعا

ده باأضافة لبث ترانيم وعظات وقداسات
على مدار ال 24 ساعة
ولمتابعة راديو أرثوذوكس وأخر أخبارة
زور قسم راديو أرثوذوكس
راديو ارثوذكس Orsozox Radio
ولسماع الراديو
من هنـــــــــــــــــــــا
الفقرة اعداد وتقديم
M!SS N@NO

بكده تكون انتهت أولى حلقاتنا في
2010

أتمني تكون حلقة النهارده نالت اعجاب الجميع
و بشكر فريق العمل كله علي مجهوده الجميل

وأحب أقول لأى حد عنده فكرة أو فقرة يحب يقدمهالنا ويشترك بيها بأسمه معانا فى البرنامج ياريت تبعتلنا فكرتك حالا متترددش
كمان أى حد حابب انه ينوه أو يعلن عن حاجة.. أى حاجة
وعايز كل المنتدى يشوفها ويعرف عنها يبعتلنا بردو
مشاركة فكرة فقرة خبر أو اعلان أو أي حاجه نفسك تقولها للبرنامج
وللمنتدى
ارسل من هنا
أو على ايميل البرنامج
[email protected]
فى انتظار مراسلاتكم

WeeKenD

انتظرونا كل اسبوع مع أقوي أحداث الأسبوع وأقوى الفقرات

من أقوي فريق عمل في منتديات أرثوذوكس للبرامج المقدمة كتابتا

لمشاهدة

أعداد ويك اند السابقة
اضغط هنا

وكل سنة وأنتم طيبين
Merry Christmas and all the best for 2010, health, prosperity and love for all of you

CAST

Team Work®
Kamer14
اسامه سمسم
elphilasouf
ELMAGEK
KOKO_4M
M!SS N@NO

وشكر خاص للعضوة kamer 14
على تصميمات بوسترات الفقرات

M!SS N@NO

اذكرونا فى صلواتكم

المصدر: †† ارثوذكس †† - من قسم: المنتدى العام

[Team Work®]

بجد بجد برافو هايل جدا جدا الموضوع دة وشامل كل حاحة اشكرك جدا على البرنامج ورجوع ساحق فعلا

اشكرك

[Team Work®]

بجد بجد برافو هايل جدا جدا الموضوع دة وشامل كل حاحة اشكرك جدا على البرنامج ورجوع ساحق فعلا

اشكرك

[mmg]

كل سنه وانتم طيبين
وعوده حميده للبرنامج اللذيذ

[elphilasouf]

لزيز - خفيف - شيق هى صفات عدد المرادي يا تيم
بجد برافو عليكوا خالص ومش عارف اي كلام يكفى نشكركم بيه بس احنا هنقول شكرا بقى وانتوا احسبوه شكر يليق بكم ونكون شاكرين ع كده كمان

مبروك الف الف مبرررررروك لابنت الراعي وكمان مينا ابن الراعي
الاتنين موجودين فى المنتدي ع فكره
وبجد من قلبى ربنا يتمملهم ع خير وتكبر اسره رائعه كنيسه صغيره

هيما ... بشكرك ع تعبك والمعلومات الى وفرتهلنا
فيكى .... التصميمات تحفه ... وفظيع فيلو سوفيا ده ميرسي ليكي وحرام عليكى انتى اخده اجزاء من وشي
koko 4m ... بدايه جميله يا قمر ومنتظرين وجودك معانا كل اسبوع
ELMAGEK.... فقرتك تحفه تحفه تحفه وفقره الحكم دي جميله بس ضخمه ورغي كتير انا بصراحه اخدت العناوين بس ونفظت للرغي الكتير ده :d - سمعك بتقول غتت هههههههههههه -
اسامه نورت البرنامج يا جميل وفقرتك وبدايتك حلوه خالص ومستنينك كل اسبوع

نسيت حد
اه
نونا
هههههه
شكرا لتعبك كتيررررررر MISS NANO ومهما قولنا من شكر من هنقدر نوفيكى تعبك الجميل
بس كفايا نقول احنا مقدرين المجهود الكبير الى عملتيه وجيتى ع صحتك واكلك ده انتى مكنتيش بتكلى وانتى بتعملى البرنامج يعنى بجد كنتى بتتعبى
ههههههههههههههههههه

اه وفقرتي برده حلوه :d

[kiko]

M!ssN@NO&ViCkY

thnx bgd shklokm te3ebto awi feh
rabna ye3wdkom w ybark 7ayatakom
and all people te3bo fe el
prog

See u in Next week

[كيرو رافت]

لالالالالالالالالا

لا بجد المرة دى انتم جامدين مووت
تسلم ايديكم وربنا يعوض تعبكم كل خير
ميرسى بجد لكل فريق العمل

العدد المرة دى بجد شامل وجامع لكل الاخبار
هايل بجد
ميرسى ليكم مرة تانيه
وكل سنه وانتم طيبين
وحمدالله على السلامه والظهور الرائع مرة اخرى

[ماروجيرافك]

اولا كل سنه وكل المنتدي بخير
وكل سنه والويك اند بخير ودايما في تقدم وطبعا ده بفضل تشجعيكم لينا

حقيقي امتعتونا بالموضوع الجميل الشامل ده
واتمني ليكم دايما النجاح
الرب يبارك ثمره خدمتكم ومحبتكم

[kamer14]

بجد الموضوع المرة دى بقى حلو اوى وكلهم تعبو وطلعو شغل جميل ومتقن وبشكر كل ايلى ادو ارثو من وقتهم وعملو فقرات جميلة وتعبو ربنا يعوضهم ويعوض نونا ايلى بجد تعبت اوى فى البرنامج دة وميرسى ليكو جميعا

[اسامه سمسم]

مبروك عودت الويك اند مرة تانى
وبجد حنان مجهودك كبير اوى فيه وفعلا انتى
تعبتى كتير
وكل فريق العمل بجد مجهودهم جامد اوى
وبجد العدد فى منتها الجمال والروعه
وفى مزيد من التقدم لفريق العمل