[عماد حسنى]

عايشين

عايشين فى الوهم ولا بنكدب على روحنا
بنجرح فى قلوبنا ولا قلوبنا اللى بتجرحنا
لا فى القرب راحه ولا فى البعد راحه
ولا حتى الشكليات بقت بتفرحنا ..

جوانا حاجه فى كل لحظه بتفكرنا
حاجه بتكون.. دايماً عكس قرارنا

بنمشى فى طريق وأحنا املنا فى طريق تانى
ويقيد الحريق ومابنرتحش ولو لثوانى ..

نسعى بخوف نفسنا نشوف .. حاجه واحده
حاجه تصبرنا على اللى أحنا فيه
او حتى حاجه منها
نفهم معانيه
!!!

نـدور منلقاش غير أحســـاس
بيزيد جوانا
اننا اتظلمنا وقلوبنا قدامنا
نبضاتها حزانا

ونبقى متكتفين مستنين السنين
جايبلنا أيه فى رحله عذابنا !!
بنكون مرغومين عاملين راضين
بس جوانا شىء مموتنا ..

مطلوب نعيش من غير ما نتكلم
بقى شىء طبيعى الكل يتألم ..
بقى شىء طبيعى تخسر كتير
واللى فأيديك فى ثانيه يطير ..

وأزاى نجيب طاقه واحتمال
اننا نتغير من حال لحال
فى لحظه مانكون بنبكى بدموع
لازم وقتها نغير الموضوع ..

لازم نبان أننا مبسوطين
نضحك على نفسنا قبل اللى شايفين ..

ويبقى العشم فى قلب واحد
تجرى عليه وتتمنى يساعد
داحتى القلب اللى بتتمنى يواسيك
بتيجى أوقات مايحسش بيك
ممكن يكون زيك تعبان
ممكن يكون بيموت عليك
ممكن تكون مستنى يناديك
وهو برده قاعد مستنيك ..

بس فى ميت ألف مانع
زمن دنيا حرمان ومواجع

طب والحل والعمل أيه !!!
واللى فيك مش قادر عليه
هانقول دى حياتنا وبأدينا حلمنا
يبقى هانضحك من تانى على نفسنا
ده كل شىء بأدينا نختاره
لكن اللى مش بادينا هو قلبنا ..

بس فى حــل اخير
حل ماينفعش معاه تأجيل
أننــا لـيـنا أله يحبـنـا .. عارف وشايف فينا ضعفنا
لو دارينا على كل الناس .. قدامه مـش ممكن نخبى نفسنا

يارب أنت عارف حزننا .. وحاسس بكل واحد مننا
كاشف وشايف نوايا قلبنا .. وشايف تعب عمال بيهدنا
مين يقدر يشيل حملنا .. مين برحمتهُ يهتم بأمرنا

بعدنا أو قاسينا او عليك اتجنينا
مش ممكن هاتعاملنا بالضعف اللى مالينا ..

كل واحد عنيد وبشره بيزيد
برحمتك عليه هايتولد من جديد..
كل واحد تعبان ومليان احزان
برحمتك عليه هايتملى بالأمان..
كل واحد مجروح ومليان بجروح
برحمتك عليه هايتخلقلهُ روح..

يا رجاء كل خاطى وحزين
ياراحه فى حياه مليانه بالأنين
يا عزاء لكل قلب بيتقطع
يا دواء لكل مريض بيتوجع
يا أول حياتنا واخر المطاف
بنلف ونضيع وانت الانصاف
طالبين رحمتك تحل علينا
وده من رحمتك مش مجد فينا
..................................

المصدر: †† ارثوذكس †† - من قسم: القسم الادبي

[nermos1982]

معنديش تعليق ياعماد. تحفة بجد مع ان كلامها يوجع القلب
ربنا يفرح قلبك يارب ويكون معاك

[عماد حسنى]

المشاركة الأصلية كتبت بواسطة nermos1982 معنديش تعليق ياعماد. تحفة بجد مع ان كلامها يوجع القلب ربنا يفرح قلبك يارب ويكون معاك

شكرا جدا جدا يا نرمين ليكى ولحضورك ومشاركتك
الف شكر ليكى
ربنا معاكى ويفرح كل حياتك

[my_life]

جميل اوى
كلماتك بجد فوق الرائعه
احساسك رقيق اووووووووووى
واسلوبك جميل اوى
ربنا يفرح قلبك ويبارك حياتك

[مينا ابن البابا]

عايشين فى الوهم ولا بنكدب على روحنا
بنجرح فى قلوبنا ولا قلوبنا اللى بتجرحنا
لا فى القرب راحه ولا فى البعد راحه
ولا حتى الشكليات بقت بتفرحنا ..



جوانا حاجه فى كل لحظه بتفكرنا
حاجه بتكون.. دايماً عكس قرارنا


بنمشى فى طريق وأحنا املنا فى طريق تانى
ويقيد الحريق ومابنرتحش ولو لثوانى ..

احلى احساس ياشاعرنا

[zaza2006]

مطلوب نعيش من غير ما نتكلم
بقى شىء طبيعى الكل يتألم ..
بقى شىء طبيعى تخسر كتير
واللى فأيديك فى ثانيه يطير ..


بجد يا عماد كلمات جميلة اوى اوى
تلمس القلب ميرسى ليك ربنا يعوضك

[ميمو ايمو]

كلمات رائعه وجميله ومليانه احساس ياعماد
ميرسى خالص
ربنا يفرحك ويفرحك قلبك

[kamel]

يا رجاء كل خاطى وحزين
ياراحه فى حياه مليانه بالأنين
يا عزاء لكل قلب بيتقطع
يا دواء لكل مريض بيتوجع
يا أول حياتنا واخر المطاف
بنلف ونضيع وانت الانصاف
طالبين رحمتك تحل علينا
وده من رحمتك مش مجد فينا
مناجاة من قلب محب الى من أحتوى الكل بمحبتة
الف شكر ياعمدة لكلمات التعزية الروحية
الرب يباركك وبسلامة يظللك

[eng_fofa]

بجد مش لاقيه اى تعليق لكلامك
لان مع الاسف ده مش مجرد كلام
دى مشاعر مميته للى ممكن يحسها
بس لو كان مش بايدينا نختار سعادتنا وحياتنا
يبقى كان ايه لازمة اننا نيجى الدنيا
ياترى العيب فينا لاننا مش بنحكم عقلنا قبل مشاعرنا
ولا العيب فى الظروف اللى بتحط الف حاجز قدام الحاجه اللى بنتمناها


احساسك عالى ياعماد وكلماتك مؤثره
ربنا يفرح قلبك ويسعد ايامك

[حنين سنين]

ويبقى العشم فى قلب واحد
تجرى عليه وتتمنى يساعد
داحتى القلب اللى بتتمنى يواسيك
بتيجى أوقات مايحسش بيك
ممكن يكون زيك تعبان
ممكن يكون بيموت عليك
ممكن تكون مستنى يناديك
وهو برده قاعد مستنيك ..


بس فى ميت ألف مانع
زمن دنيا حرمان ومواجع




ايه يا عمده دا وجع القلب دا بس تعرف دا اجمل واجمل واجمل ما كتبت حاسه باحساسك اوى اوى وبجد انا مش عارفه ارد كلماتك احساسك وكل مابين السطور بجد انت رائع