[ميلاد صدقى]

لية بورط نفسى

عايز اقول ناس كتير حقيقى خدمتهم
فى كل مناسبة تجيلهم روحت جملتهم
صدقونى ماكنتش عايز حاجة بجد منهم
ولا كنت مستنى شكر كان بس قاصدحبهم
نعم كتير كنت بورط نفسى وادافع عنهم
ويمكن كمان حبتهم اكتر بكتير من نفسهم
لدرجة انة اصبح اللى فى عروقى دمهم
ومافرقتش بين قريب وغريب هما كلهم
اصلى قلبى كان فاهم ان دة بجد حقهم
وعقلى برضة عمرة ما فكر ابدا يذلهم
ولا زعلت خالص انى فى يوم عرفتهم
كانت فرحتى لما ارووح اسهر عندهم
لانى عشت معاهم على حلوهم ومرهم
وكانت سعادتهم سعادتى وعمرى عمرهم
كانوا همة نن عينية وكنت انا اة دمعهم
لاقيت الغدر والنسيان وشربت من سمهم
ولم افكر فى الانتقام من حد لانى مش زيهم
بس كلامى ورسالتى ليهم وعاوز اقولهم
انا مش ندمان ولا زعلان من نسيانهم وغدرهم
يظهر كنت فاهم غلط ان مقابل المحبة شرهم
عملت الخير مع كتير ويظهر ان دة اصلهم
ولية الود اليومين دوول منزوع من قلبهم
وان عتابى ليهم فى الهوى ماكنتش كلمتهم
فى النهاية حقى اكيد هاخدوا من ربهم
اسف يا جماعة بكلامى دة تعبتكم ودوشتكم

مش معنى اللى بيعمل خير يبطلة
لازم يستمر ومش اى حاجة تعطلة

ميلاد صدقى 16/7/2009

المصدر: †† ارثوذكس †† - من قسم: القسم الادبي

[nermos1982]

كلماتك جميلة يا استاذ ميلاد ومعنديش تعليق على كلامك
ربنا يكون معاك ويفرح قلبك

[eng_fofa]

كلمات جميله جدا يااستاذ ميلاد
ميرسى ليك

[امل بنت الرب]

مش قادرة اقولك قد اية الكلام مؤثر وكتير بنعامل الى بنحبهم كويس ونساعدهم بس وقت مانحنتاجهم منلقيش حد قلبت عليا المواجع وتعيش و تكتب

[تماف و نانسى]

مرسى يااستاد مينا ربنا يعوض تعبمحبتك

[ميلاد صدقى]

المشاركة الأصلية كتبت بواسطة nermos1982 كلماتك جميلة يا استاذ ميلاد ومعنديش تعليق على كلامك ربنا يكون معاك ويفرح قلبك

ميرسى يا نرمين على حضورك بين سطورى اللى نور الموضوع
وانا ماليش دعوة انا عاوز تعليقك اللى بيزود الموضوع جمالا
ربنا يباركك ويرعاكى دايما ويفرحك ويحفظك

[ميلاد صدقى]

المشاركة الأصلية كتبت بواسطة eng_fofa كلمات جميله جدا يااستاذ ميلاد ميرسى ليك

ميرسى ليكى انت يا فوفا ومش انجى على مشاركتك بين السطور
وردك هو اللى اجمل واعجابك اللى زود السطور
الرب يسوع يباركك ويرعاكى دايما ويفرحك

[ميلاد صدقى]

المشاركة الأصلية كتبت بواسطة امل بنت الرب مش قادرة اقولك قد اية الكلام مؤثر وكتير بنعامل الى بنحبهم كويس ونساعدهم بس وقت مانحنتاجهم منلقيش حد قلبت عليا المواجع وتعيش و تكتب

انا بشكرك يا امل على حضورك الجميل بين السطور والمعانى
ما هى دة الدنيا يا امل دايما ماشية عكس اتجاهنا ولا اية
وبعدين عاوز اعرف ازاى قلبت عليكى المواجع وانتى عندك
16 سنة فقط اية اللى انتى شوفتية من الدنيا لسة بدرى عليكى
وانتى كمان تعيشى وتشوفى . ودايما فى موضوعاتى
ربنا يباركك ويكون معاكى ويرعاكى دايما ويفرحك

[ميلاد صدقى]

المشاركة الأصلية كتبت بواسطة تماف و نانسى مرسى يااستاد مينا ربنا يعوض تعبمحبتك

ميرسى يا تماف على مشاركتك بين السطور ودايما كدة اشوفك فى موضوعاتى
اشكرك على تعبك ومحبتك وربنا يباركك ويرعاكى دايما ويفرحك ويحفظك
وعلى فكرة يا تماف انا اسمى ميلاد ومش مينا زى ما انتى كاتبة هذا للعلم فقط