[little kitten]

شفت الحــــــــق بينزف يبكى
والـدم مـغطى تــرابــــك
ومدينة حزينة واقفة تحكى
تروى بدموعها شبابك
وقلوب تصرخ من الالم تشكى
يا بلادى قولى ايه اللى صابك؟؟!!

ليه الحق بقى فيك سجين
وليه قفلتى فى وشى ابوابك
ليه الطير بقى فيك حزين؟؟
وازاى هانوا عليكى احبابك.؟؟

دا تاريخك ياما حكى لينا
عن امجاد ,ثورات.بطولات
وياما زمان علمتينا
عن الحق فيكى حكايات
كلام كتير ع السان يتردد
وياما رفعنا فيكى رايات
الوحدةوالهلال ويا الصليب
اهو كلام ويدوب شعارات

ضاعت الفرحة من جوانا
وخلصت الدموع من العين
نصرخ ليه مانتيش سمعانا
والظلم ياترى هاياخدنا لفين؟
خلاص حياتنا اتمررت
واصواتنا بقت ذل وانين
اهات مكتومة ووشوش اتغيرت
الكيل طفح وهانشكى لمين؟؟

عينى عليكى يا بلد الخير
ياللى رفعتى النصر راية
ابنك فيكى بقى عبد اجير
وكل يوم فيكى حكاية



ولسة للقصيدة باقى اقصد للهموم باقى ان عجبتكم اكملها ان شاء الله

المصدر: †† ارثوذكس †† - من قسم: القسم الادبي

[كيرو رافت]

بجد الكلمات اكثر من رائعه
تسلم ايدك
واهلا بيك فى المنتدى يا جميل
ومنور القسم الادبى

[kamel]

شكرا على الكلمات التى تحوى بين سطورها
الكثير من المعان
وأهلا بك معنا فى القسم الأدبى
وهيا دى مصر أم الدنيـــــــــــــــــا
وإن حبيت تبقى راجل فيها ديمقراطى
لازم تطاطى..تطاطى
وإن حبيت تبقى راسك عالى
لازم منها تطير..تطير

[عماد حسنى]

منور المنتدى ونورت الادبى جدا
شكرا جدا جدا ليك على موضوعك ومنتظرين المزيد من كتاباتك
ربنا معاك ومع كل اولاده