[ميلاد صدقى]

الى ادارة المنتدى (عاجل)
الحقنا يا يسوع

انا يا جماعة مش فاهم اية الموضوع
مين زعل ومين من الدخول ممنوع
فاهمونى اللى حصل والزعل مرفوع
واللى خرجوا اكيد ليهم لينا مرجوع
الحكاية كبيرة كدة توصل لجوى الضلوع
شوفيلك حل يا محبة فى بحر اسبوع
واللى خرجوا احنا منهم وهما لينا قلوع
هو طرد الاحبة كدة بسهولة والود مقطوع
من غيرهم نحس بعطش وهما يحسوا بجوع
من فضلكم بهدوء ياريت نلم يا ناس الموضوع
وترجع الضحكة حقيقى للكل ونقيد الشموع
نكتب ونشارك ونعبر ونخرج ونتقابل جموع
نطوى الصفحة الحزينة وبيها ننشف الدموع
وبدل ما نقطع فرع نذود فى الشجرة الفروع
احنا المنتدى والمنتدى احنا = المجموع
الراى والراى الاخر ودة حق للاعضاء مشروع
واللى يغلط نسامحة وبلاش قرار مصنوع
اللة محبة واحنا الحب من قلوبنا منزوع
من فضلك الحقنا وجمعنا انت يا يسوع

اللى جوايا انا كتابتة بس مش فاهم الموضوع
ميلاد صدقى الجمعة 8/5/2009

المصدر: †† ارثوذكس †† - من قسم: القسم الادبي

[aymonded]

أضم صوتي لصوتك لأني مش فاهم غير نصف الموضوع
بس ان جيت للصدق واتكلمنا في الحق يسوع غايب والكلام عنه أصبح ممنوع
فلا محبة بلا يسوع ولا مصالحة من غير نعمة والسلام بقى ممنوع
كيف نتصالح والله في القلب أصبح مطرود
متى نعد نطلب الله ومنه نقرب ونعود
ناقوس الخطر يضرب ومن غير يسوع كله مرفوض
ارحمنا يا رب وانظر واقرع القلب بيدك وارفع كل مرارة غضب وليكن الخصام مرفوض

[اسامه سمسم]

حلو خالص بجد الموضوع
وانا عن نفسى بضم صوتى لصوتك يا عم ميلاد
ويا ريت كل حاجه ترجع زى الاول واكتر
وشكرا بجد على الكلام الحلو ده ويا ريت من الادارة فعلا يكون مسموع

[الناى الحزين]

هو طرد الاحبة كدة بسهولة والود مقطوع

محدش انطرد يا عمونا

الراى والراى الاخر ودة حق للاعضاء مشروع

هو ده مربط الفرس

[/quote]

المحبه موجوده
وهتعود وسطينا بس حكايه وقت يا جماعه

[nermos1982]

موضوع جميييييييييييييييل اوى اوى يا استاذ ميلاد ومش هاقول غير ان ربنا يبعد الشيطان اللى بيكره حاجة اسمها المحبة اللى بين اولاد ربنا
ربنا يباركك يا استاذ ميلاد ويكون معاك

[ميلاد صدقى]

المشاركة الأصلية كتبت بواسطة aymonded أضم صوتي لصوتك لأني مش فاهم غير نصف الموضوع بس ان جيت للصدق واتكلمنا في الحق يسوع غايب والكلام عنه أصبح ممنوع فلا محبة بلا يسوع ولا مصالحة من غير نعمة والسلام بقى ممنوع كيف نتصالح والله في القلب أصبح مطرود متى نعد نطلب الله ومنه نقرب ونعود ناقوس الخطر يضرب ومن غير يسوع كله مرفوض ارحمنا يا رب وانظر واقرع القلب بيدك وارفع كل مرارة غضب وليكن الخصام مرفوض

لكى منى كل الشكر والتبجيل على كلامك الجميل
وروحك الحلوة وسطورك المعبرة وانا مديون لك على
محبتك ومرورك وربنا يرعاك ويقف معاك دايما

[ميلاد صدقى]

المشاركة الأصلية كتبت بواسطة اسامه سمسم حلو خالص بجد الموضوع وانا عن نفسى بضم صوتى لصوتك يا عم ميلاد ويا ريت كل حاجه ترجع زى الاول واكتر وشكرا بجد على الكلام الحلو ده ويا ريت من الادارة فعلا يكون مسموع

ميرسى يا اسامة على مرورك ومحبتك وتقيمك
اتمنى كل الاصوات تعمل للخير وللمحبة ومافيش
داعى من دة كلة احنا اسرة واحدة قبل ما نكون
معرفة منتدى انت اللى كلامك حلو ونور الموضوع
ربنا يرعاك ويحفظك ويفرحك دايما

[ميلاد صدقى]

المشاركة الأصلية كتبت بواسطة nermos1982 موضوع جميييييييييييييييل اوى اوى يا استاذ ميلاد ومش هاقول غير ان ربنا يبعد الشيطان اللى بيكره حاجة اسمها المحبة اللى بين اولاد ربنا ربنا يباركك يا استاذ ميلاد ويكون معاك

انتى اللى مشاركتك هى الاجمل وميرسلى ليكى خالص
والشيطان مش بيدخل اللى من خلال نقاط ضعفنا وما اكثرها
الرب يسوع يمد ايدة ويحل كل المشاكل ويرعى اولادة ويحفظهم
وربنا يكون معاكى ويرعاكى دايما ويفرحك

[ميلاد صدقى]

المشاركة الأصلية كتبت بواسطة الناى الحزين هو طرد الاحبة كدة بسهولة والود مقطوع محدش انطرد يا عمونا الراى والراى الاخر ودة حق للاعضاء مشروع هو ده مربط الفرس

المحبه موجوده

وهتعود وسطينا بس حكايه وقت يا جماعه

[/quote]

لم اقصد طرد احد من المنتدى انا كان كلامى بصفة عامة
يعنى الطرد يكون فى اى وضع وكمان لية الود مقطوع
يعنى المحبة لية مش موجودة وهى تتغلب على كل شئ
نعم المحبة موجودة بس مدرية فى جوانا ووسط المشاكل
اللى من اختراع ابليس اشكرك على مرورك وربنا يكون معاك

[عماد حسنى]

من فضلك الحقنا وجمعنا انت يا يسوع

الموضوع كله رائع يا ميلاد
لكن اخر بيت كلنا محتاجين نقوله
نقوله من كل قلوبنا


الف شكر لمحبتك وموضوعك المميز