انا عايشة مع امي و امها( جدتي) لان بابا مسافر في عمل عندي اكتر من مشكاة
1)ليس لي اخوات و اقاربي كل واحد في حالة مع اني نفسي اتعرف عليهم بس مش عارفة الطريق فاني احس بالوحدة
2)بحب بابا اوي لكن قليل لما بنروحله او هو بيجي
3)في خناقات كتير اوي بين امي وامها(جدتي)وماما بتحاول تصالحها لكن تيتة دماغها ناشفة اوي لذلك اكره جدتي
في الاخر مشكلتي الاساسية الوحدة وانا من النوع غير اللبق في الكلام فانني لا استطيع تكوين اصدقاء بل اخسر اصدقاء
انا عندي 15 سنة بمصر

المصدر: †† ارثوذكس †† - من قسم: حوار من الاعماق

[sasaamad]

بنتى العزيزة الون سلام المسيح معاك وبعدين اجنا فى منتدى ارثوزوكس هو البيت الكبير هو كنيسة المؤمنين وبعدين انت طالما معاك يسوع وحطاة جوة قلبك مش هيكون عنك احساس بالوحدة هنا كلنا اخواتك واخواتك ويسوع الاب الحنين البنتسند علية وهو ال هايفرح قلبك واتمنى لك السعادة

[aymonded]

سلام لنفسك يا محبوبة الله الحلوة
كل إنسان وله طبعه الخاص ، هناك إنسان منغلق بطبعه وصعب انفتاحه على الآخرين ، وهناك إنسان منفتح وله صدقات كتير ، والإنسان المنغلق أرض حلوة جداً لعمل الله ... لأنه مرهف الحس ، ويشعر عادة بالآخرين بسرعة ، ويمكن مع الأيام تتغيري - طبعاً - وتصبح لك صداقات كثيرة ...

عموماً باختصار ولكي ندخل في خطوات عمليه للخروج من الوحدة بثمر حلو ، أولاً ابحثي عن مواهبك وميولك لشياء محببة لديكِ وحاولي تنميتها أو البحث عن المكان المناسب للممارستها ، مثل الموسيقى الرسم الرياضة بأي نوع ، المهم مارسي أي موهبة لديكِ أو أي شيء تحبينه لأن هذا كفيل أن يخرجك من حالة الشعور بالوحدة الصعبة ، ويريح نفسك ، وصلي لله بكل مشاعر الحب أو الغضب لديكِ حتى يحول فيكِ كل ما هو سلبي وغير نافع لكل شيء حلو إيجابي ...

أقبلي مني كل تقدير لشخصك اللحو يا محبوبة الله
النعمة معك

[نانانادر]

يا حبيبة قلبى احنا كلنا هنا اخواتك واصحابك ادخلى المنتدى دايما وحاولى تندمجى معانا هتتبسطى قوى..وحاولى تنزلى الاجتماعات فى الكنيسة وتشتركى فى مسابقات ومهرجانات..هتعرفى تكونى اصحاب .

المشاركة الأصلية كتبت بواسطة نانانادر يا حبيبة قلبى احنا كلنا هنا اخواتك واصحابك ادخلى المنتدى دايما وحاولى تندمجى معانا هتتبسطى قوى..وحاولى تنزلى الاجتماعات فى الكنيسة وتشتركى فى مسابقات ومهرجانات..هتعرفى تكونى اصحاب .

عايزة اعرف ازاي اسجل اسمي

[basem_basem]

اختنا الغاليه علينا سلام المسيح معاكي
رد ميستر ايمن مقنع جدا دي ساحر المنتدي
بالنسبه للتسجيل
1_ عند دخولك الموقع اوه بصي بقه بالبلدي اول ما تدخلي الموقع علي ايدك اليمن هتلاقي كلمه التسجيل دوسي عليها بس مش اوي لتكسريها ههههههه
وبعدين املي بياناتك واضغطي علي التسجيل
وكده بقيتي عضوه معانا يلا بسرعه

[أميرة عبده]

حبيبتى انتى بمجرد دخولك وسطنا انتى خلاص بقيتى اختنا وده بجد مش مجرد كلام نورتينا بجد انا فرحانه اوى بيكى لانك واضحة وصريحة واتمنى تشتركى معانا وهتتبسطى اوى بينا يلا بقا ورينا مشركاتك ولو فيه اى مشكله ابعتى عرفينا احنا ددعان اوى اوى بنحب نخدم انتى لسه مجربتيناش انتى بس أمورى

المشاركة الأصلية كتبت بواسطة أميرة عبده حبيبتى انتى بمجرد دخولك وسطنا انتى خلاص بقيتى اختنا وده بجد مش مجرد كلام نورتينا بجد انا فرحانه اوى بيكى لانك واضحة وصريحة واتمنى تشتركى معانا وهتتبسطى اوى بينا يلا بقا ورينا مشركاتك ولو فيه اى مشكله ابعتى عرفينا احنا ددعان اوى اوى بنحب نخدم انتى لسه مجربتيناش انتى بس أمورى

يا جماعة شكرا جدا ليكوا انا حبتكم كلكم اوي بس فية مشكلة انا سجلت بس بعد كدة نسيت كلمة المرور ازاي اسجل تاني بنفس الايميل

[manshi55]

اختنا الكريمة فى المسيح
سلام رب المجد يكون معاكى
صدقينى انتى مش وحيدة أبداً
لأن الشعور بالوحدة ينبع من داخل الانسان
وانتى داخلك الروح القدس
اللى كل شيئ به كان وبغيره لم يكن شيئ مما كان
وده اعظم شبع داخلى بيخلينا مش نحتاج لأى اشباع خارجى
من اشخاص هما برده زينا محتاجين لنفس الشبع ده
بل على العكس احنا دورنا الأعظم على الاطلاق
هو اننا نوصل رسالة الشبع الحقيقي ده للأخرين
واللى مصدرها روح ربنا اللى جوانا
ياريت نتشرف ونفرح بانضمام عضوة لينا فى جسد المسيح
وتشتركى معانا فى المنتدى بنفس اشتراكك السابق
ولو نسيتى كلمة المرور رجعيها تانى
بالضغط هنا
https://www.orsozox.com/forums/login.php?do=lostpw

[princess 22]

على فكرة حبيبتى بعد ما تسجلى اكتبلى بس انتى من انهى منطقة وتبع كنيسة اية وانا هتصرف بعد كدة او بمعنى ادقهحاول اتصرف وياريت تكونى على حوار معايا هنا اوك او خدى ايملى [email protected] واضيفنى بس اكتيلى انك aloneوانا هعرك اوك يا قمر