[mero monir]

احلامى هتعيش



ليه يا زمن قاسي ليه
ليه كل حلم احلمه تقضي عليه
ليه يا زماني دايما العيب فيا
ليه كل غرضك تقضي عليا

مش هاتعب تاني في يوم وهاقاسي
مش هابات في يوم واصبح ناسي

من دلوقتي باعلنها هاتحداك
وفرحة منك مش هاترجاك

لو ضحكت من قلبي هاضحك معاك
لو قسيت بابتسامتي راح القاك
وبلهفة وشوق هاستناك

بارادتي هاحارب جيوشك
ويضحكة مني راح تقع سيوفك
ومن اول هجمة هاتتغير وشوشك

من قسوة وحزن لفرح وحنان
من موج عاصف لبر امان
باقوي ما فيا بصرخ باتحداك يا زمان

حب حياتي راح ارعاه
باهتمام وصبر هيكمل بناه
وهالقاكي فتحلا دنياه
وتتجدد امنية قلبي في الحياة

يا زماني بقولها بوضوح ومن غير تشويش
لا تقتل حلمي الوليد ولا تسلب حقه في العيش
مش راح يكبر وينزل علي مفيش
بقولها باعلي صوت
احلامي مش هتموت
هتعيش

المصدر: †† ارثوذكس †† - من قسم: القسم الادبي

[miso]

هههههههههههههههههههههههه ايه ده بقى
الموضوع ده انا رديت عليه الصبح
حتى قولت انى عجبنى الاصراره اللى فيه ده
ههههههههههههههه بت انتى اللى نزلتيه الصبح برضو ولا هتروشينى معاكى
يالا ما علينا بس هو حلو على فكرة

[وردة حزينة]

لو ضحكت من قلبي هاضحك معاك
لو قسيت بابتسامتي راح القاك
وبلهفة وشوق هاستناك

تحفه ياميرو
وعاجبنى بجد التحدى والاصرار لاانك تعيشى وتحولى كل تعبك لفرحك
فعلا الانسان اللى مايقدرش يساعد نفسه على تخطى الامه ميش هيلاقى اللى يساعده
روعه روعه ياميرو
ميرسى ليكى ياقمر

[mero monir]

المشاركة الأصلية كتبت بواسطة miso هههههههههههههههههههههههه ايه ده بقى الموضوع ده انا رديت عليه الصبح حتى قولت انى عجبنى الاصراره اللى فيه ده ههههههههههههههه بت انتى اللى نزلتيه الصبح برضو ولا هتروشينى معاكى يالا ما علينا بس هو حلو على فكرة

ههههههههههههههههههههههههه هههههههههههههههه
لا نزلتة الصبح فعلا بس حطيتة زى مانتى قلتيلى يا ميسوفى الادبى
شوفى انا بسمع الكلام ازاى؟

[miso]

ههههههههههههههههههه ايون شاطرة
انا قولت انا اللى اتروشت يا بنتى
الحمدلله لسة بعقلى بس برضو حلو الاصرار والبلطجة دى

[mero monir]

المشاركة الأصلية كتبت بواسطة وردة حزينة لو ضحكت من قلبي هاضحك معاك لو قسيت بابتسامتي راح القاك وبلهفة وشوق هاستناك تحفه ياميرو وعاجبنى بجد التحدى والاصرار لاانك تعيشى وتحولى كل تعبك لفرحك فعلا الانسان اللى مايقدرش يساعد نفسه على تخطى الامه ميش هيلاقى اللى يساعده روعه روعه ياميرو ميرسى ليكى ياقمر

بجد ميرسى ليكى يا وردتى بجد انا فرحانة بتشجيعك ليا اوى وصليلى بقى اتحدى حتى ولو نفسى
نفسى اعمل حاجة بجد

[marooooo]

كلمات جميله اووي وفعلا خلتني ابكي ميرسي ليكي

[mero monir]

ميرسى يا مارو يا جميلة

[عماد حسنى]

جميل اوى موضوعك يا ميرو ربنا يفرح قلبك ويحققلك كل احلامك ويكون دايما معاكى
ومنتظرين المزيد من موضوعاتك

[كيرو رافت]

موضوعاتك يا ميروووووووووووو بجد اروع من بعضها
ومواضيعك فى الادبى حكايه بتدل على وجود موهبه جامده جدا فى الادبى
بجد كلماتك دى مبهرة جبارة فعلا
بتحرك المشاعر والاحاسيس
حتى وان كانت متجمده
ربنا يفرح قلبك دايما وتمتعينا بوجودك الرائع دايما