[the daughter of the king]

اولا احب اقول ان المنتدى ده بجد جميل اوى وعجبنى جدا جدا جدا بجد ميرسى كتير للادمن

ثانيا وده هو السؤال
ياترى الانسان مخير ولا مسير؟
استنى شويه قبل ماتقول او تعترض على السؤال انه سهل اومين اللى مش فاهم حاجه ده
بس صدقنى لو اقلك السؤال ده شاغلينى جدا الايام دى
مدام كل حاجه بنفكر فيها مبتحصلش بل ويمكن العكس
زى مثلا الموت او المرض ولا بلاش ده كمان
اى حاجه فى حياتنا الكليه اللى عايزه اى حاجه مش بتحصل

على فكره انا متاكده جدا ان ربنا بيختار اللاحسن لانى جربته كتير جدا
وفعلا بتكون افضل حاجه لى
بس من كتر مفيش حاجه عايزاها بتتحقق
بقيت مفكرش فى حاجه وكل حاجه اسيبها لربنا
هو ده صح ولا مش عارفه
بس انا مبقتش عارفه ايه الهدف من حياتى اساساافكر فيه ولا هو ادام كده كده اللى ربنا عايزه هو اللى هيكون
انا مش عارفه بصراحه
يارب تكونوا فهمتوا انا عايزه اقول ايه

ومستنيه ارائكم بجد بجد

ميرسى كتير ليكم

المصدر: †† ارثوذكس †† - من قسم: حوار من الاعماق

[aymonded]

سلام لنفسك يا محبوبة الله الحلوة
* هناك أشياء تقع في نطاق حرية الإنسان وفيها هو مخير ، كمثال اختيار الدراسة أو اي شيء يقع في اختياره الخاص ، أو حتى أخطاءه التي يخطأ بها !!!

+ وهناك أشياء أخرى لا يقدر أن يختار فيها ، ويشعر أنه مُصيِّر مثل ولادته من أم وأب لم يشترك معهما في إرادتهما في الارتباط واختيار أنه يأتي منهما ... الخ الخ ...

+ ولكن لنا أن ننظر نظرة متسعة قليلاً في أمور الحياة والمجتمع ، لأن المجتمع ككل يلعب دوراً أساسياً في اختياراتنا الحرة من عدمها ، بمعنى لو انطلقنا من جهة الأسرة ، فكل أسرة لها إمكانيات تعطيها مجالات ضيقة محدودة في الاختيار ، مثل الملبس والمأكل ، وغيرة من كماليات الحياة أو أساسيتها ... الخ !!!

+ ولو نظرنا لناحية أشمل ، للمجتمع ككله ، فالدور الثقافي في المجتمع وأمكانياته والبيئة المحيطة بنا تلعب دوراً آخر في اختيارتنا ، ورغباتنا أيضاً !!!

+ بل لو امتدت نظرتنا لناحية أشمل وعامة ، لوجدنا أن تربيتنا والبيئة التي نشأنا فيها ونفسيتنا ورغباتنا وأفكارنا ، تلعب دور آخر في أحلامنا وبالتالي اختياراتنا !!!

الموضوع - حقيقي - متشابك ومتفرع بجوانب مختلفة كثيراً ولا يوجد قاعدة رئيسة بل رؤية لكل شخص تختلف عن الآخر من مكان لمكان ومن بيئة لأخرى ومن حلم لآخر ، وبالتالي لا جواب واضح من جهة أن الإنسان مسير أو مخير ، ولكن السؤال الذي ينبغي أن يصحح في طرحه وهو :
في أي شيء أنا مُصير ، وفي أي شيء أنا مُخير ؟!!!
وما هو عمل الله في الاختيار ، وما هو عمل الإنسان في حرية الاختيار ؟!!!
ماهو دوري الحقيقي في الاختيار في المجتمع الذي أعيش فيه !!!!

النعمة معك وارجو ان أكون وضعت بعض النقاط وطرحتها للتفكير
وأنا لم أضع كل النقاط التي ينبغي أن ننظر إليها ، ولكن نقاط مبدئية فقط !!!

[Narmar]

رد رائع من استاذي ايمن مش علية اي غبار
اما عن رأيي لو مكنش مخير مكنش الفداء ولا عمل الله ولا اي حاجة ليها لازمة لاننا هنبقي كقطعة شطرنج تحرك بواسطة الله
وكمان في حاجة ان الانسان حر بس ممكن يسيب حياتة للي خالقها ويديهالة ويقولة ويصلي يقولة انا سايبها بين ايدك انت اللي تختار الصالح لاني مش بعرف انا اختار

[marmartadros]

سلام و نعمة
الانسان مخير فى كل شى
لم يجبرة الله على فعل شى
ولذلك يحاسب يوم القيامة
والاشياء التى تاتى لنا و نحن لا نردها مثل الجامعة هذا بقدر جهدك و مذكرتك

[the daughter of the king]

المشاركة الأصلية كتبت بواسطة aymonded سلام لنفسك يا محبوبة الله الحلوة * هناك أشياء تقع في نطاق حرية الإنسان وفيها هو مخير ، كمثال اختيار الدراسة أو اي شيء يقع في اختياره الخاص ، أو حتى أخطاءه التي يخطأ بها !!! + وهناك أشياء أخرى لا يقدر أن يختار فيها ، ويشعر أنه مُصيِّر مثل ولادته من أم وأب لم يشترك معهما في إرادتهما في الارتباط واختيار أنه يأتي منهما ... الخ الخ ... + ولكن لنا أن ننظر نظرة متسعة قليلاً في أمور الحياة والمجتمع ، لأن المجتمع ككل يلعب دوراً أساسياً في اختياراتنا الحرة من عدمها ، بمعنى لو انطلقنا من جهة الأسرة ، فكل أسرة لها إمكانيات تعطيها مجالات ضيقة محدودة في الاختيار ، مثل الملبس والمأكل ، وغيرة من كماليات الحياة أو أساسيتها ... الخ !!! + ولو نظرنا لناحية أشمل ، للمجتمع ككله ، فالدور الثقافي في المجتمع وأمكانياته والبيئة المحيطة بنا تلعب دوراً آخر في اختيارتنا ، ورغباتنا أيضاً !!! + بل لو امتدت نظرتنا لناحية أشمل وعامة ، لوجدنا أن تربيتنا والبيئة التي نشأنا فيها ونفسيتنا ورغباتنا وأفكارنا ، تلعب دور آخر في أحلامنا وبالتالي اختياراتنا !!! الموضوع - حقيقي - متشابك ومتفرع بجوانب مختلفة كثيراً ولا يوجد قاعدة رئيسة بل رؤية لكل شخص تختلف عن الآخر من مكان لمكان ومن بيئة لأخرى ومن حلم لآخر ، وبالتالي لا جواب واضح من جهة أن الإنسان مسير أو مخير ، ولكن السؤال الذي ينبغي أن يصحح في طرحه وهو : في أي شيء أنا مُصير ، وفي أي شيء أنا مُخير ؟!!! وما هو عمل الله في الاختيار ، وما هو عمل الإنسان في حرية الاختيار ؟!!! ماهو دوري الحقيقي في الاختيار في المجتمع الذي أعيش فيه !!!! النعمة معك وارجو ان أكون وضعت بعض النقاط وطرحتها للتفكير وأنا لم أضع كل النقاط التي ينبغي أن ننظر إليها ، ولكن نقاط مبدئية فقط !!!

ميرسى كتير لردك يا استاذ ايمن وبجد حضرتك خلتنى افكر فى حاجات كتير
بس للاسف برده بحس انه ربنا حاطط حياتنا بنمط معين مش عارفه
يمكن اختيارنا بس فى ان احنا نقبل ونرضى بيه ونحبه
او
منرضاش ونعمل حاجات تانيه وبالتالى هتكون اسوء لينا
سامحنى على تفكيرى بس هى دماغى ساعات كده

[the daughter of the king]

المشاركة الأصلية كتبت بواسطة narmar رد رائع من استاذي ايمن مش علية اي غبار اما عن رأيي لو مكنش مخير مكنش الفداء ولا عمل الله ولا اي حاجة ليها لازمة لاننا هنبقي كقطعة شطرنج تحرك بواسطة الله وكمان في حاجة ان الانسان حر بس ممكن يسيب حياتة للي خالقها ويديهالة ويقولة ويصلي يقولة انا سايبها بين ايدك انت اللي تختار الصالح لاني مش بعرف انا اختار

ميرسى لردك يا سكر
بس انا على فكره مش قصدى على فكره الفداء
وانى اكون حتى مسيحيه او لا
وعايزه اقلك حاجه برده
انى دى انتى مخترتهاش بنفسك
انتى اخترتى انك تكملى تكونى مسيحيه لانى فعلا انا وانتى وكتير جدا بنحب المسيح لذاته لانه قدم لنا حاجات كتير جدا
انا طبعا مقول حاجات تانيه لان كل واحد مقتنع جدا
بس انتى مش اخترتى تكونى مسيحيه لكن ربنا هو اللى اختارنا نكون اولاده
احنا بس كان اختيارنا فى اننا نرضى او لا
ميرسى كتير لردك

[aymonded]

سلام لنفسك يا أغلى أخت حلوة
أولاً مش في داعي للأعتذار ، لأن كلنا بلا استثناء ، دائماً ما نفكر ونتعمق في التفكير ، ونسعى لأن نصل للحقيقة ، وهذا ليس عيب بل ميزة ، لأننا مميزين بالتفكير المتسع ، حسب ما وهبنا الله من عقل ، مخلوق بقدرات مميزه حتى نتعمق ونستوعب كل الأمور ...

وعموماً هذا الموضوع ، يحتاج منا تعمق مع خبرة ، وسعي دائم للمعرفة وإدراك كل ما يحدث حولنا بواقعية ، ونحاول أن نحقق ذواتنا حسب سعينا المتواصل ، ونحب الله بكل القلب

النعمة معك يا محبوبة الله الحلوة في ربنا يسوع

[تونى كويك]

كلام جميل والمشاركة معاكم اجمل واجمل!
والله بعد الكلام الجميل اللى قاله الاخ ايمن وكل من شارك فى الموضوع
مفيش كلام تانى يتقال ربنا يبارك حياتكم