اوقات كتير بننشغل ومش بنفكر
بتاخدنا الدنيا ومش بنقدر
مش بنقدر قيمة وقتنا
مش بنحسب لاخر يوم من عمرنا
ليا سؤال والاجابة بصراحة
تقدر تقولى لو المسيح حب يسترد وديعته
مصيرك هايكون فين؟
هاتروح عنده؟
ولا هاتبعد عنه؟
هاتترمى فى حضنه؟
ولا ابليس هاياخدك لعنده؟
اوقات كتير مش بتفكر
وساعات بتقول اكيد مكانى الملكوت
مانا مسيحى بصلى وبصوم
بس لما تلاقى الموت قدامك ياترى هاتقول ايه؟
هاتلاقى نفسك محتاج ايد حنونة تتمدلك
هاتلاقى نفسك بعلو صوتك تنده وتقول يا يسوع
يا يسوع ادينى فرصة اتوب
ياه يا انسان
ده انت العمر قدامك من زمان
وجاى فى اخر لحظة تقول ندمان؟
ليه تستنى العمر لما يضيع من ايديك؟
ليه علشان تتوب لازم تشوف الموت بعينيك؟
ارجع بسرعة وتوب دى الفرصة لسه فى ايديك
ارجع واترمى فى حضنه
قوله يمسح دموعك بايديه
يمحى ذنوبك بنظرة عينيه
قوله ماليش غيرك ومحتاجلك
محتاجلك يابويا
محتاجلك يا يسوع
++++++
الألقاء بصوت المتميز
مينا لوقا
مينا لوقا