[جورج كرم كامل]

إفرض إنك
عاوز تلعب
ولقيت نفسك
وسط الملعب
لما يكون الجري
فريضة
لازم تجري
لحد ما تتعب

***********
كداب ياللي تداري
دموعك منك
مع إنك.
مشتاق للبسمة
في أبسط حلم
معذور
إكمن الحلم تقيل
مش قده
وجدار الصمت
لابد تهده
مجبور
تتعلق
في حبال الوهم الدايبه
بوعود
بتفتح كل طريق مسدود

وبريق يغريك
لو تجمع
كل كنوز الكون
مش ليك
وضمير الحق
من المشاوير
بيطير
دور عن روحك
جواك
تلقاك... فــــــــــــراغ
..........
زيك أنا
ضهري أتحنى
وتسرسب الأيام
مشاكلي
وبتسكن الأحزان
في شكلي
وتسافر
جوايا الغربة
بتنقش
علي جدران العمر
سكــــوت
يا الموت
وحياتي .....
مرهونة يوماتي
من أول درب
إحنا بنمشية نلاقيه
للخوف
م الخوف يتولد
من هرولتي حروف
مش مهم
المهم نبقي احنا
زي ما احنا
في قلب محنا
نداوي بالاوجاع
جراحنـــــــــــــا

**********

المصدر: †† ارثوذكس †† - من قسم: القسم الادبي

[الماكس مايكل]

الله الله عليك يا باشا
كلام جميل
ربنا يفرح قلبك

[المجنونه]

ايه ده كل ده كلام بس
تسلم الايدى فى الاستفاده شكرا لتعبك

[بناتيت]

برافووووووووووووووووووووو ووووووووو بجد فوق الرائع فعلا انت موهوب ربنا يحميك

[جورج كرم كامل]

شكرا على مروركم
وكلامكم الجميل

[عماد حسنى]

كلمات جميله خالص يا جورج
بجد حلوه اوى
منتظرين المزيد من موضوعاتك المميزه دى