[الناى الحزين]

ارشدنى يارب

يارب انا منك ومنسوب اليك
يارب انا عبد ولجأ اليك

يارب انا ابنك ومحتاج اليك
يارب انا خاطى محتاج للايديك

اقف جنبى ومعايا واسندنى
محتاجك قوى من شئ تاعبنى

بدونك انا ولا حاجه ولا اسوى
والدنيا بجمالها وحلاوتها ولا تسوى

ارشدنى يارب فى اخذ قرار
بيه هعيش اما فى الجنه او فى النار

اخاف من بعد ما اخد القرار
اعيش فى دمار ويحصلى انهيار

بينصحونى انى افكر كتير كتير
وتعبت انا من كتر الفكر و التفكير

مش عارف اعمل ايه يا سيدى
ابعد من تانى واهرب ولا امد ايدى

اهرب ويقولوا عليا انا اللى اتخليت
ولا اكمل وبعدين يقولوا انا اللى جنيت

مش مهم الناس هتقول عليا ايه
ولا حد هيفهم انا عملت كدا ليه

لكن انت عارف ياربى يا فاهمنى
ده انت عارف ايه تاعبنى وألمنى

منتظرك يا ربى لانى متأكد وعارفك
مش هتسيب عبدك اللى نقشته على كفك

المصدر: †† ارثوذكس †† - من قسم: القسم الادبي

[جاسيكا]

ارشدنى يارب فى اخذ قرار
بيه هعيش اما فى الجنه او فى النار

اخاف من بعد ما اخد القرار
اعيش فى دمار ويحصلى انهيار

بينصحونى انى افكر كتير كتير
وتعبت انا من كتر الفكر و التفكير



كليمات نابعة من احساسك
لكن صدقنى ارمى اى شىء مهما كان درجة اهميتة على ربنا وصدقنى هو اللى هيكون معاك وياخدلك القراركمان
انا كنت بجد محتارة فى موضوع معين بردة لكن سيبتو على ربنا والحمد لله ربنا هو اللى اخدلى فية القرار
ربنا معاك ويوفقك وتاخد قرار يكون ربنا معاك فية
ربنا يختارلك الصالح

[المحامي / شيرين شوقى]

منتظرك يا ربى لانى متأكد وعارفك
مش هتسيب عبدك اللى نقشته على كفك



دا هو عزائنا وعد الرب لنا وإحنا هنا على الأرض الشقية دى منتظرنيه
ربنا يعوضك يا ناي المنتدى الجميل الرائع والمتدفق نريد المزيد أشبعنا من ينبوع الرب ينبوع المسيح

[miso]

جميلة يا ناى والاجمل الحب اللى باين فيها لربنا

[كيرو رافت]

لكن انت عارف ياربى يا فاهمنى
ده انت عارف ايه تاعبنى وألمنى



منتظرك يا ربى لانى متأكد وعارفك
مش هتسيب عبدك اللى نقشته على كفك

يا ربى يااااااااناى
انت فظيع بجد قد ايه عبرت عن المشكله بشكل شعرى منظم وجميل
وبجد حسيته قوى قوى
وفعلا دخل قلبى من اول حرف فيه
الله عليك بجد لما بقرأ كلامك بحس انت قد ايه انسان جميل ورائع
احساسك فعلا روعه يا نااااااى
ربنا يدبر كل امورك

[عماد حسنى]

منتظرك يا ربى لانى متأكد وعارفك
مش هتسيب عبدك اللى نقشته على كفك

جميل اوى اوى حديثك مع ربنا يا ناى وكلامك كله رائع
ربنا يكون معاك ويتمم مشيئته الصالحه وكل الخير ليك

[الناى الحزين]

المشاركة الأصلية كتبت بواسطة جاسيكا ارشدنى يارب فى اخذ قرار بيه هعيش اما فى الجنه او فى النار اخاف من بعد ما اخد القرار اعيش فى دمار ويحصلى انهيار بينصحونى انى افكر كتير كتير وتعبت انا من كتر الفكر و التفكير كليمات نابعة من احساسك لكن صدقنى ارمى اى شىء مهما كان درجة اهميتة على ربنا وصدقنى هو اللى هيكون معاك وياخدلك القراركمان انا كنت بجد محتارة فى موضوع معين بردة لكن سيبتو على ربنا والحمد لله ربنا هو اللى اخدلى فية القرار ربنا معاك ويوفقك وتاخد قرار يكون ربنا معاك فية ربنا يختارلك الصالح

بجد اشكرك جدا يا جاسيكا على مشاركتك الجميله
ومعاكى حق فعلا
احنا ما ليناش غيره علشان نرمى حمولنا عليه
شكرا يا احلى جاسى وربنا يفرح قلبك

[الناى الحزين]

المشاركة الأصلية كتبت بواسطة المحامي / شيرين شوقى منتظرك يا ربى لانى متأكد وعارفك مش هتسيب عبدك اللى نقشته على كفك دا هو عزائنا وعد الرب لنا وإحنا هنا على الأرض الشقية دى منتظرنيه ربنا يعوضك يا ناي المنتدى الجميل الرائع والمتدفق نريد المزيد أشبعنا من ينبوع الرب ينبوع المسيح

استاذ شرين ما تتصورش قد ايه اسعدنى وجودك ومشاركتك
وربنا يفرح قلبك على ردك الجميل

[الناى الحزين]

المشاركة الأصلية كتبت بواسطة miso جميلة يا ناى والاجمل الحب اللى باين فيها لربنا

شكرا يا ميسو بجد وجودك اسعدنى
ربنا يفرح قلبك

[الناى الحزين]

المشاركة الأصلية كتبت بواسطة كيرو رافت لكن انت عارف ياربى يا فاهمنى ده انت عارف ايه تاعبنى وألمنى منتظرك يا ربى لانى متأكد وعارفك مش هتسيب عبدك اللى نقشته على كفك يا ربى يااااااااناى انت فظيع بجد قد ايه عبرت عن المشكله بشكل شعرى منظم وجميل وبجد حسيته قوى قوى وفعلا دخل قلبى من اول حرف فيه الله عليك بجد لما بقرأ كلامك بحس انت قد ايه انسان جميل ورائع احساسك فعلا روعه يا نااااااى ربنا يدبر كل امورك

شكرا يا رافت على الكلام الكبير
بجد كلام اكبر منى وانا اصغر من كدا بكتير
لكن اقول ايه انت كدا
دايما معودنا على كلامك الرقيق

ربنا يفرح قلبك يا مفرح قلبى