حبيبي ياللي إسمك زى شعرك دهب أصفر ...
وجبين بيلمع من ضي المرمر ..
ياأبو الخطوة غنوة وموال ورنة خلخال بيتمخطر
ياللي نهارك دايم والقمر من حسنك بيتسمر
كل يوم بتوحشني أكتر وأكتر ....
طال غيابك عني وإحترت أسهر أفكر ....
ندهت على الصبر يعلمني إزاي على الصبر أقدر
لقيت صبري على الصبر بيمَني ويتشطر ...
دورت على دموع أبكي لقيت الدموع عليا بتتحسر
حبيبي ياللى هواك القلب والدم بحبك يسكر
إمتى ألاقى روحى وروحى منك بتتعطر ...
نظرة عينيك دوا ولقاك فرحه ما تتقدر
معلومي قلبك حنون من فين قساوتك بتتفجر
لأمتى يا غالي تبعد وألاقى نفسي بَعدك بتتمرر ...
لأمتى قلبي يشتاق وشوقك كل مادا عني بيتأخر ...