[miso]

حمار بيدور فالشوارع ليل ونهار
لا عمرى كليت ولا شكيت المرار
اكلى هو البرسيم فالعشا والغدا والفطار
بشيل طوب وزلط وخضار
طول اليوم بلف على رجليا
واللى شارينى عمال بيضرب فيا
بالغباء دايما الاقيهم بيوصفونى
مع انهم ما يعرفونى
اكمنى غلبان وبرضى بقليلى
شوية مايا وبرسيم تكفينى
ولا بحتاج لكوباية شاى تدفينى
ولا ازازة بيبسى تروينى
تزعلو لما الكيل يطفح بيا وانهق
تقولو ايه ده صوتك يزهق
وتقعدو تغزلو فالحصان
وتقولو عليا انا جبان
وبعد ده كله بتقولى يا حمار
اكمنى عمرى ما شكيت المرار.

"على فكرة بتاعة استاذ كامل احلى بكتيييييييييييييييييييييي يييييييييير"

المصدر: †† ارثوذكس †† - من قسم: القسم الادبي

[عماد حسنى]

واللهى هو مظلوم بين البنى ادمين يا ميسو
بجد شعر جميل اوى
برافو عليكى

[miso]

هههههههههههه مش كدة برضو
ميرسى يا عماد على ردك..

[الناى الحزين]

يا شيخه حرام عليكى ده الحمار واخد حقه اكتر مننا


كفايه انه مش بيحزن ولا بيشيل الهم ولا بيخاف من بكره



ههههههههههههههههه




بس بجد شعر جميل جدا ولو شافه الحمار مش هيبطل نهييييييييييق


شكرا يا ميسو

[kamel]

على فكرة بتاعة استاذ كامل احلى بكتيييييييييييييييييييييي يييييييييير
بجد تستحقى التقدير على فكرتك الجميلة
زمن فية الحمار بقى طهقان
من اللى حاصل لة واللى بان
اصل العربجى مابيرحمة
ولا حتى الأنسان
أشكرك ياميسو على كلماتك الحلوة
يارب الأنسان يخلى باله أشوية
ويرحم الحيوان

[miso]

ميرسى ناى على ردك الجميل
وساتاذ كامل ميرسى بجد على ردك .

[دموع الورد]

طب تصدقى خلتيه يصعب عليا

بحد ياميسو كلامك كله بعجبنى موووووووووووووووت

[miso]

المشاركة الأصلية كتبت بواسطة دموع الورد طب تصدقى خلتيه يصعب عليا بحد ياميسو كلامك كله بعجبنى موووووووووووووووت

هههههههههههههههههه ليه يابنتى هو انتى مش بتشوفى بيعملو فيه ايه
ده غلبان غلب
ميرسى على ردك يا قمر

[نبيل نصيف جرجس]

اية يا ميسوا دا كلة كل دا للحمار امال لو انسان كنتى قلتيلة اية بجد جميل اوى

[miso]

المشاركة الأصلية كتبت بواسطة نبيل نصيف جرجس اية يا ميسوا دا كلة كل دا للحمار امال لو انسان كنتى قلتيلة اية بجد جميل اوى

ههههههههههههه يا نبيل الانسان بيتكلم وبيقدر يدافع عن نفسه لكن الجمار ولا قادر يعمل حاجة فاللى بيتعمل فيه ده