[الناى الحزين]

يا خساره يا ابناء المسيح ياخساره









يا خساره يا ابناء المسيح ياخساره

حبينا الدنيا وناسها الجباره





وياريت فيها حاجه تستحق انى

احبها واقول عصب عنى




مش عارف اتكلم ولا احكى

يوم ورا يوم بيزيد جرحى




وجرحى عمره ماكان بسيط ولا هين

ده جرحى بينزف قوى ومش مبين




اقولكم ايه مصيبتى وايه همى

يمكن الاقى اخ او صديق يشيل عنى




لكن المصيبه ان ده جرحنا

مش جرح واحد لا دى مصيبتنا كلنا




طب نعمل ايه ولا نروح فين

نضحك على روحنا ولا نشيل الطين




هقولكم على الحكايه لا قصدى الكارثه

ما دى مصيبه كبيره والناس مش حاسه


زوجه فى بيتها قاعده سعيده متهنيه
يمكن فى مشاكل بس دى الحياه الزوجيه




يوم حلو يوم وحش والايام معديه

يوم وحش معاها ويوم يجبلها هديه




وهى دى الدنيا وهى دى الحياه

مش ممكن نعيش فيها بدون معاناه




زعلت يوم مع زوجها الهمام

زى مابيحصل فى بعض الايام




تصدقوا كانت فى الاشهر الاولى

من حملها اللى حصل باعجوبا




والناس قالت دى معجزه كبيره

حمل زى كدا بعد مده طويله




اتخنقت معاه محدش يعرف ليه

مشيت وسابت البيت للبيه




محدش يعرف بتهدده ولا بتربيه

قولنا اكيد هترجع هتعمل كدا ليه


ومحدش عارف هى راحت فين
لا عند اهلها ولا عند الاقرابين




سابت البيت وراحت عند ناس تانين

منعرفهمش لانهم مش مسحيين




سمعنا بعد يومين انها سافرت لبلد تانى

علشان تغير توبها و دينها لدين تانى




البلد كلها حزينه وموجوعه

من اللى حصل الناس مفزوعه




بين يوم وليله يحصل كل ده

وياريت حد فاهم ليه بيحصل كده




ياترى حب فى الدين الجديد

ولا علشان تبقى من العبيد




باعت مخلصها مجانا ببلاش

اللى عمر انسان من غيره عاش




وحده زيها تعمل كدا فينا ليه

حبا فى المال ولا فى الدنيا ولا ايه




نعمل نفسنا مش عارفين حاجه

ولا نعمل مصيبه ولا هيفيد بحاجه




اهلها معرفوش يربوها ويلموها كويس

ولا جوزها عرف يحكم عليها ومهيص



ماهى من قبل جوازها وهى كدا

حتى جوزها الفالح كان عارف بكدا




كانت ماشيه مع شاب ده كويس انه مسيحى

قبل جوازها والناس كلها بتحكى




واعترفت بغلطها وقالت همشى عدل

لكن ديل الكلب عمره ما يتعدل




دى متجوزه وكمان حامل

الشيطان فى دمغها ايه عامل




يارب انت عارف بالحال

ماكنا فى حالنا وبنقول الحياه عال





كل يوم بيظهر يهوذا ضال جديد

بيكون الشيطان منه قريب مش بعيد




لو بتحبنى يارب خدنى عندك

احسن من الدنيا خلينى جنبك




اخدت ايه منها غير الالم والحزن الشديد

نفسى يا دنيا اشوف فيكى يوم حلو وحيد




اسف على الكلام الكتير و الاطاله

لكن هى دى المصيبه و دى الحاله




ارحمنا يارب واظهر لينا قوتك

ومتخليش عدو الخير يعايرنا بمحبتك

المصدر: †† ارثوذكس †† - من قسم: القسم الادبي