[my_life]

يــــــــــارب
قلبى مرفعولك من كل حزنه وبكل فرحه بيبوحلك
كل دقه بتقولك يارب اقبل منى
كل دموع بتقولك يارب اسمعنى وانا بصرخلك
مالناش خيرك ننام ونصحى فى خيرك
متنسيناش يارب وصياك
وخلينا نبات ونصحى فى حماك
ربى واللهى يسوع المسيح
حبيبي وحبيب كل اولادة
نفسي اتكلم على لسانك
وتبقى لينا كل حياتنا مش جزء بس منها
انا عارفه يارب انك ينبوع من الحنان
حتى الخاطى لما بيرجع بتاخدوا فى حضنك وتحسسه بالاّمان
بيسمع نبض قلبك بالفرحه للرجوعه
يارب بأسم كل ابن وأبنه
كبير وصغير
اوقف معاهم متسبش ايديهم مهما سابوك
متخليهمش يمشوا فى سكة بلا رجوع
متخليهمش يمشوا فى سكة اللى يروح مبيرجعش
ولو رجع بيرجع بعد فوات الاوان حتى يارب لما بتسامحه بيبقى هو مكسور وندمان
يارب انت حمانا سندنا وتكأنا
حبيبنا وخايف علينا
مالناش غيرك تمسح دموعنا يارب احمينا وحافظ علينا
حل كل مشاكلنا وكل مشاكل اولادك اوقف معاهم ونجيبهم من عدو الخير
فرح قلوبهم انزع من قلبهم الخوف والقلق والرعب
املاه يارب بمحبتك وطيبتك وتواضعك وحنيتك
املاه بكل حاجه فيك يارب
احفظ شعبك والمرضى يارب
المرضى الذين اخطأو فى حقك
ريح نفوسهم ولا تعذبهم
بل الاخرون تعبانين لتعبهم مجروحين لجرحهم
يارب لكل قلب مجروح عوض حبهم بيك يارب
املى الفرحه جوة قلبهم وارسمها على وجههم
املى الفرحه فى عنيهم وعينهم على ماهو عليه
ابعد عدو الخير الذى يبعدنا عنك كلما اقتربنا اليك يارب
انا مش عارفه اقول ايه على محبتك العظيمه لينا
بس متسبش ايديك من ايدينا
اشكرك يارب على محبتنا
لبعض وعلى خوفنا وعلى شعورنا الجميل الذى بنفتقد بيه اخواتنا
اللذين يغيبون ولا نعرف عنهم شيئأّ
يارب ديمها محبه ومشاركه فى الاحزان والافراح
نشاركهم حلوهم ومرهم
ياااااااه يارب
حافظ على محبتنا للمنتدى وحافظ على كل قلب خايف على اخواته
احمى كل شعبك من الشرور والضيقات
يارب فى قلبى ليك كلام كتير بس انت الذى تعلم بيه
.*************************************.
انا عارفه انكم هتقولوا ايه الكلام دة
هقولكم انا ليه
انا قربت من ناس كتير
وحسيت بيهم وبكل حاجه فى حياتهم
وقولت اكتب صلاة حساها نفسي تشاركونى فيها
اسفه لو بجد رخمت وطولت عليكم
بس دة من محبتى لااخواتى يشاركوا معايا الصلاة علشان ربنا يقبل من الكل
وياريت كل اللى يصلى ويقول اى رد يكون من قلبه ويحس بربنا هو وبيقول
الرب يبارك حياتكم ويحميكم

المصدر: †† ارثوذكس †† - من قسم: الصلوات وطلبات الصلاة

[nerooo]

مش هقولك غير انك بنوتة اخلاق عالية اووى وذوووق ومحبتك لاخواتك كبير
ومن الموضوع دة معلش اسمحيلى اطلب منكم ان كلنا نرفع ايدينا ونصلى لحبيبنا يسوع يخفف عن اهل ديرووط
الاوضاع هناك صعبة جداا شباب بجد وكل يوم بيزيد سوء وفى تخريب وتهديدات مستمرة وخطفوا بنت كرد يعنى للى حصلهم
اوضاع اسواء ما يكون ,يارب اقف مع اولادك واحميهم
ثقتنا بيك كبيرة اووووى وعارفين انك مش هتسيبهم ومش خايفين عليهم لان ايدك معاهم هناك
_ميرسى مرة تانية يا قمر
ربنا يحميكى ويبارك حياتك

[my_life]

امـــــــــــــين
ربنا يقبل منك
ربنا يحميكى ويحافظ عليكى

[samornotika]

الله حلوة اوى الصلاة دى يامورا بجد انا حسيتها اوى جوايا
ميرسى ليكى حبيبتى
وربنا يكون معاكى ويفرح قلبك يارب

[سارة@]

محبتك والرسالة وصلت ربنا يقدر يحمينا بس محتاجين الصلاة فى كل وقت من اجل كل اولادة الصلاة بتعمل معجزات وربنا بيحب الصلاة من النوع دة بيحب ان نصلى من اجل بعضنا لبعض ربنا معانا ويحافظ علينا

[البوب الجديد]

الله على جمال الصلاة دى بجد روعة رووووووووعة

[magdy totti]

ميرسى موراا على الكلماات والصلاة الموثرة دى
ربناا يفرح قلبك ويعوضك

[my_life]

samornotika ميرسي ليكى
ربنا يفرح قلبك ويباركك

[my_life]

امـــــــــــــين ياسارة
ربنا يحميكى ويكون معاكى

[my_life]

ميرسي ليك يابوب
ربنا يكون معاك ويفرح قلبك