[ابانوب وجدى]

اخواتى الاحباء

انا كنت متعودة اراسل الجروب المسيحية من فترة وبعدين انشغلت فى شغلى وبقيت مش بلحق اكتب

واراسل بس يا دوب اقراء كل يوم بليل الرسائل الجميلة المعزية بتاعتكم بس اللى حصل معايا خلانى عايزة

اكتب لكم وللعالم اجمع ولكل اصدقائى ولكل فرد من افراد عائلتى واحكى لكم واشارك معاكم اللى حصل معايا

الحكاية باختصار

انا ماكنتش بعرف اسوق اى عربية واتعلمت السواقة من ثلاث سنوات وكل يوم من ساعت ما اتعلمت السواقة اصلى واقول ليسوع تعالى اقعد جنبى

انا مش بعرف اسوق لكن انت يارب بتعرف تعالى وعلمنى السواقة .

وفعلا كنت كل مرة بسوق وانا مطمئنة ان يسوع قاعد على الكرسى اللى جنبى .

من ثلاث اسابيع وانا رايحة الشغل كنت على طريق سريع (freeway) وكنت كالعادة اصلى واطلب من يسوع يركب جنبى

واشغل اسطوانة ترانيم فى العربية . بعد نصف ساعة من السواقة على الطريق السريع وكانت ماشية جنبى عربية نقل كبيرة

وجرة وراها ماكينة كبيرة ولقيت فجاة عربية كبيرة اخرى ( حمراء) بتحاول تدخل قدام العربية النقل

اللى ماشية جنبى وطبعا لان الاثنين عربات كبيرة فلم يتسع الطريق لهم سويا .

فانحدرت العربية الكبيرة( الحمراء) وفقدت توازنها واذا بى اجد العربية الكبيرة هذة فى لحظات تقف امام عربيتى بالعرض

على الطريق وليس امامى من الوصول اليها الا عدة لحيظات قليلة

طبعا فرملت بكل قوتى بس كان مافيش فايدة ومافيش وقت لان كل دة حصل فى ثوانى.

كل اللى عملتة وانا ضاغطة على الفرامل انى اغمضت عينى وقلت لنفسى مش لازم اتفرج على نفسى وانا بموت هاموت ازاى .

وندهت على يسوع بصوت عالى جدا باستمرار وبدون توقف حتى وانا بسمع الخبط من كل ناحية فى العربية

ولدرجة انى افتكرت من كثر الخبط ان العربية اتقلبت لانى لقيت الخبط فوق العربية فقلت انا اتقلبت بالعربية

وكان كل فكرى فى هذة اللحظة ( فى يدك استودع روحى يارب) . وبعد ثوانى توقف الخبط ووقفت العربية

واول ما فتحت عنية لقيت العربية الكبيرة الصخمة ( الحمراء) فوق عربيتى وواقفة على كبوت العربية وانا تحتها .

ولقيت عربيتى داخلة فى الحيطة من الناحية الشمال والعربية النقل خبطتنى من الناحية اليمين والعربية الكبيرة الحمراء

فوق عربيتى من الامام وثلاث عربيات اخرى فى الحادث.

بسرعة الناس اللى فى الشارع حاولوا يطلعونى من العربية وبالفعل طلعونى من العربية

ولكن لكم ان تتخيلوا منظر العربية من الامام ومن اليمين ومن الشمال وموتور العربية والبطارية بتاعتها وقعوا فى الارض

والعربية انتهت تماما بمعنى اوضح اتدمرت

ولكن لكم ان تتخيلوا ايضا هل ينفع مع هذة العربية ان تكون حاجة فيها لسة بتشتغل ؟؟؟؟؟

اه.... كان فى حاجة واحدة بس لسة شغالة الكاسيت والترانيم لسة شغالة وطبعا دة شىء مش طبيعى

ان عربية متدمرة و ان الكاسيت يشتغل . بس يسوع عايز يقولى انا كنت موجود ولسة موجود فى العربية

انا مامشتش وسيبتك لوحدك ... انا هنا... .

وبسرعة اخدتنى عربية الاسعاف الى المستشفى فى حالة طوارىء وحكوا للدكتور على الحادثة الكبيرة اللى فيها

اكثر من 5 عربيات وموتوسيكل وعلى ان عربيتى اكثر عربية فى الحادثة اتدمرت .

الدكتور افتكر هايدخل على واحدة ميتة ولكن وجدنى اجلس واشكر ربنا على ما حدث معى .

الدكتور طلب بسرعة اشعه على صدرى ويدى ورجلى فى الحال وبالفعل عملت الاشعة ولم يجدوا بها اى كسور . اشكر ربنا

كلها كانت كدمات بس من الخبطات .

انا دلوقتى بكتب لكم بعد ثلاث اسابيع من الحادثة وكل ما حد يشوفنى من الدكاترة يقولى دة معجزة . بما فيهم الدكاترة الغير مؤمنين بوجود الله .

فعلا.... فعلا... هى معجزة بكل المقايس

الحادثة دى خلتنى اشوف بوضوح الاية اللى طول عمرى بحبها وبقولها

"الله لنا اله خلاص و عند الرب السيد للموت مخارج (مز 68 : 20)"

فعلا عند السيد الرب حتى الموت لة مخارج

انا النهاردة حكيت الحكاية دى واسفة للاطالة علشان عايزة اشارك معاكم

1- اول حاجة مهمة اوى " يسوع موجود هنا على الارض مش بس فى السما ودة حقيقى مش كلام فى وعظة وتشجيع للمتعبين وخلاص ."

2- الحاجة التانية ان اوعى تتخيل انك لما بتصلى يسوع مش بيسمع الصلاه لا يسوع بيسمع وبينفذ لك طلباتك بس انت اللى مش شايف .

انا قاعدت ثلاث سنوات اطلب منة انة يجى ويعقد جنبى وانا بسوق العربية وانا ماكنتش شايفة

ان فعلا كان كل مرة بيجى حقيقى ويقعد جنبى شفتة بس وقت الحادثة .

مهما طلبت من طلبات حتى لو غريبة ( يسوع يقعد على الكرسى اللى جنبى مثلا- انة يشاركك فى مشكلة – انة ياكل معاك – انة يعيش فى بيتك –

اى طلب حتى لو انت شايفة غريب ) يسوع فعلا بيحضر وبينفذ طلبات اولادة بذاتة .

اطلب منة كصديق . كاأخ . كاحبيب - كاأبن

اطلب بايمان وهتلاقى اللى بتطلبة بيتحقق حسب مشئتة الصالحة .

3- اتعلمت من هذة الحادثة اننا نشكر ربنا فى كل وقت وفى كل ثانية من عمرنا رغم الضيق . رغم الالم . نرجع الية بكل قلوبنا وافكارنا بتوبة حقيقية وندم على خطايانا . لاننا فى اقل من لحظة ممكن نكون واقفين قدامة وبيحاسبنا على اعمالنا. هانقول له اية ؟؟؟

4- لو انت تعبان او زهقان او مريض او مديون او مظلوم او فى اى مشكلة مالهاش اى حل .... عايزة اقولك كلمة واحدة بس ثق من كل قلبك ان

عند السيد الرب للموت مخارج

يمكن ربنا مد فى عمرى وادانى فرصه تانية لسبب واحد بس ...... عارف اية ؟؟؟

علشان توصلك الرسالة دى النهاردة منى

ربى .... حبيبى .... سيدى

من نبع قلبى اناديك شاكراً

من كل قوتى اسجد تحت قدميك حامداً

بروحى ونفسى ...بشحمى ودسمى

بكل نسمة تدب فى كيانى انحنى امامك شاكرأً

اعظمك يارب ... احمدك ... اشكرك

اهتف لك مع خورس المرنمين لان اعمالك

معى فاقت شعر رأسى وحمايتك من كل ضربات العدوالشرير

فلا بضربة شمال ولا بضربة يمين

ولا بجميع فخافة المنصوبة لنا المرئية وغير المرئية

اعظمك يارب لانك احتضنتنى.. وتحت ستر جناحيك خبأتنى

اهتف وانشد مع امك الطاهرة البتول

القديسة مريم العذراء

تعظم نفسى الرب وتبتهج روحى بالله مخلصى

</SPAN>

هل تطلبيننى ؟؟ هل تسعين ورائى كثيرآ ؟ كيف يمكن أن تجدينى اذا لم تبحثى عنى ؟ ألا تبحثين عمآ تحتاجينه بالأكثر ؟ و حيث أنه بدونى لا يمكنك أن تفعلى شيئآ ، فماذا تحتاجين أكثر من الله ؟!

أنا أعرف احتياجاتك لن أتركك معتاز إلى شئ..
يداى الخفيتان تحملانك !

منقوووووووووووووووووووووو وووووول

المصدر: †† ارثوذكس †† - من قسم: القصص النصية

[ايفا]

أنا أعرف احتياجاتك لن أتركك معتاز إلى شئ..
يداى الخفيتان تحملانك


ميرسى ابانوب
ربنا يباركك

[ابانوب وجدى]

شكرا ايفا لمرورك الجميل

ربنا يعوضك

[kamel]

ربنا موجود
شكرا الرب يبارك حياتك كمان وكمان
ويكون مع الجميع

[ابانوب وجدى]

شكرا استاذ كميل لمرورك الجميل

نورت الموضوع

[KOKO SPA]

ربنا موجود

[ابانوب وجدى]

شكرا كوكو لمرورك الجميل

[zaza2006]

قصة جميلة يا ابانوب وربنا عمره ما بيتخلى عننا